മലയാളത്തിന്റെ സൂപ്പര്ഹിറ്റ് ചിത്രം 'മഞ്ഞുമ്മല് ബോയ്സ്' ഒടിടിയിലേക്ക്. ഡിസ്നി പ്ലസ് ഹോട്ട്സ്റ്റാറിലൂടെയാണ് ചിത്രം എത്തുന്നത്. മേയ് ...
മലയാളത്തിന്റെ സൂപ്പര്ഹിറ്റ് ചിത്രം 'മഞ്ഞുമ്മല് ബോയ്സ്' ഒടിടിയിലേക്ക്. ഡിസ്നി പ്ലസ് ഹോട്ട്സ്റ്റാറിലൂടെയാണ് ചിത്രം എത്തുന്നത്. മേയ് അഞ്ച് മുതല് ചിത്രം സ്ട്രീമിങ് ആരംഭിക്കും. മലയാളത്തിന പുറമെ, ഹിന്ദി, തമിഴ്, തെലുങ്ക്, കന്നഡ ഭാഷകളില് ചിത്രം ലഭ്യമാകും. തമിഴ്നാട്ടില് നിന്ന് ഏറ്റവും കളക്ഷന് നേടുന്ന മലയാളം ചിത്രമായിരുന്നു മഞ്ഞുമ്മല് ബോയ്സ്.
ചിദംബരം എഴുതി സംവിധാനം ചെയ്ത ചിത്രം ഫെബ്രുവരി 22നാണ് തിയേറ്ററില് എത്തിയത്. കേരളത്തില് മാത്രമല്ല തെന്നിന്ത്യയില് ഒന്നാകെ ചിത്രം തരംഗം സൃഷ്ടിച്ചിരുന്നു. 200 കോടിക്ക് മുകളിലാണ് ചിത്രം ആഗോള തലത്തില് നിന്ന് നേടിയത്. ഇതോടെ മലയാളത്തിലെ ഏറ്റവും കളക്ഷന് നേടിയ ചിത്രമായി മഞ്ഞുമ്മല് ബോയ്സ് മാറി.
സൗഹൃദത്തിന്റെ കഥ പറയുന്ന ചിത്രം യഥാര്ത്ഥ സംഭവത്തെ ആസ്പദമാക്കിയാണ് ഒരുക്കിയത്. കൊടൈക്കനാലിലെ ഗുണ കേവില് കുടുങ്ങുന്ന യുവാവിന്റേയും സുഹൃത്തുക്കളുടേയും കഥയാണ് ചിത്രം പറയുന്നത്. സര്വൈവര് ത്രില്ലര് വിഭാഗത്തില് ഒരുങ്ങിയ ചിത്രത്തില് സൗബിന്, ശ്രീനാഥ് ഭാസി, ബാലു വര്ഗീസ്, ഗണപതി തുടങ്ങിയ വന് താരനിരയുണ്ട്.
COMMENTS