തിരുവനന്തപുരം: അടുത്ത 48 മണിക്കൂറിനുള്ളില് തുലാവര്ഷം തെക്കേ ഇന്ത്യക്കു മുകളില് എത്തിച്ചേരാന് സാധ്യതയെന്ന് കേന്ദ്ര കാലാവസ്ഥ വകുപ്പ്. കാല...
തിരുവനന്തപുരം: അടുത്ത 48 മണിക്കൂറിനുള്ളില് തുലാവര്ഷം തെക്കേ ഇന്ത്യക്കു മുകളില് എത്തിച്ചേരാന് സാധ്യതയെന്ന് കേന്ദ്ര കാലാവസ്ഥ വകുപ്പ്. കാലവര്ഷത്തിന്റെ തുടക്കം ദുര്ബലമായിരിക്കുമെന്നും കാലാവസ്ഥ വകുപ്പ് അറിയിച്ചിട്ടുണ്ട്. കേരളത്തില് അടുത്ത 5 ദിവസം ഇടി മിന്നലോടു കൂടിയ മിതമായ / ഇടത്തരം മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
തെക്ക് കിഴക്കന് അറബിക്കടലിനും തെക്ക് പടിഞ്ഞാറന് അറബിക്കടലിനും മുകളിലായി സ്ഥിതി ചെയ്തിരുന്ന ന്യൂന മര്ദ്ദം തെക്ക് പടിഞ്ഞാറന് ബംഗാള് ഉള്കടലിനു മുകളില് ശക്തി കൂടിയ ന്യൂനമര്ദമായി മാറി.
പടിഞ്ഞാറ് വടക്ക് പടിഞ്ഞാറ് ദിശയില് സഞ്ചരിച്ചു അടുത്ത 6 മണിക്കൂറിനുള്ളില് വീണ്ടും ശക്തി പ്രാപിച്ചു തീവ്ര ന്യൂന മര്ദ്ദമായി മാറാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
തെക്ക് കിഴക്കന് ബംഗാള് ഉള്ക്കടലിനു മുകളിലായി സ്ഥിതി ചെയ്തിരുന്ന ചക്രവാതചുഴി തെക്ക് പടിഞ്ഞാറന് ബംഗാള് ഉള്ക്കടലിനും തെക്ക് കിഴക്കന് ബംഗാള് ഉള്ക്കടലിനും മുകളിലായി ന്യൂനമര്ദ്ദമായി ശക്തി പ്രാപിച്ചു.
Key words: Monsoon, Kerala
COMMENTS