സ്വന്തം ലേഖകന് കൊച്ചി : നടന് ദിലീപിന്റെ ജാമ്യഹര്ജിയിലെ വിധി ഇന്ന് ഉച്ചയ്ക്ക് 1.45നു ഉണ്ടാവും. ഇതോടെ, നടനും ആരാധകരും ബന്ധുക്കളും ആകാം...
സ്വന്തം ലേഖകന്
കൊച്ചി : നടന് ദിലീപിന്റെ ജാമ്യഹര്ജിയിലെ വിധി ഇന്ന് ഉച്ചയ്ക്ക് 1.45നു ഉണ്ടാവും. ഇതോടെ, നടനും ആരാധകരും ബന്ധുക്കളും ആകാംക്ഷയുടെ മുള്മുനയിലാണ്.ജാമ്യം കിട്ടുമെന്ന പ്രതീക്ഷയില് തന്നെയാണ് താരവും വേണ്ടപ്പെട്ടവരും. എന്നാല്, തങ്ങള് സമര്പ്പിച്ച പുതിയ തെളിവുകള് ദിലീപിനെ പുറത്തിറക്കാതിരിക്കാന് പോന്നതാണെന്നാണ് അന്വേഷണ സംഘം നല്കുന്ന സൂചന.
വിചാരണക്കോടതിയിലും ഹൈക്കോടതിയിലുമായി അഞ്ചാം തവണയാണ് ദിലീപ് ജാമ്യത്തിന് അപേക്ഷിച്ചത്. നാലു തവണയും ജാമ്യം നിഷേധിക്കപ്പെട്ടെങ്കിലും ഇക്കുറി ജാമ്യം കിട്ടുമെന്നു പ്രതീക്ഷിക്കാമെന്ന് അഭിഭാഷകര് സൂചന നല്കിയതാണ് ദിലീപിന് ആശ്വാസം പകരുന്നത്.
ദിലീപ് വിഷയം ഇന്ന് പരിഗണിക്കുന്നതായി ജസ്റ്റിസ് സുനില് തോമസിന്റെ ബെഞ്ച് വ്യക്തമാക്കിയതോടെയാണ് നടന്റെ കാര്യത്തില് തീരുമാനമാവുമെന്ന് ഉറപ്പായത്.
ഇതേസമയം, വിധി എന്തു തന്നെയായാലും ഈയാഴ്ച തന്ന കുറ്റപത്രം സമര്പ്പിക്കാനുള്ള അന്തിമ തയ്യാറെടുപ്പിലാണ് അന്വേഷക സംഘം. ദിലീപ് ജയിലിലായി 90 ദിവസം തികയുന്നതിനു മുന്പു തന്നെ കുറ്റപത്രം സമര്പ്പിക്കും. അതിനു മുന്പ് ജാമ്യം കിട്ടിയില്ലെങ്കില് ദിലീപ് വിചാരണത്തടവുകാരനായി മാറുകയും ചെയ്യും.
Keywords: Dileep, Jail, Bail, Court
COMMENTS