സ്വന്തം ലേഖകന് ആലപ്പുഴ: ചെങ്ങന്നൂരില് ശൈശവവിവാഹം നടന്നതായി കളക്ടറേറ്റില് ചേര്ന്ന ശിശു സംരക്ഷണ അവലോകന യോഗം സ്ഥിരീകരിച്ചു. ഇതോടെ, രക...
സ്വന്തം ലേഖകന്
ആലപ്പുഴ: ചെങ്ങന്നൂരില് ശൈശവവിവാഹം നടന്നതായി കളക്ടറേറ്റില് ചേര്ന്ന ശിശു സംരക്ഷണ അവലോകന യോഗം സ്ഥിരീകരിച്ചു. ഇതോടെ, രക്ഷിതാക്കള്ക്കെതിരേ നടപടിയുണ്ടാകുമെന്നു വ്യക്തമായി.
നടപടിക്കായി പൊലീസ് നീക്കമാരംഭിച്ചിട്ടുണ്ടെന്ന് ജില്ലാ ചൈല്ഡ് ലൈന് അധികൃതര് വ്യക്തമാക്കി. ചൈല്ഡ് ലൈന് അധികൃതരാണ് ഇതു സംബന്ധിച്ചു റിപ്പോര്ട്ട് സമര്പ്പിച്ചത്.
ഈ വര്ഷം ജൂണിലായിരുന്നു വിവാഹം. കേസിലെ പ്രതിയെ അറസ്റ്റ് ചെയ്തതായി റിപ്പോര്ട്ടില് പറയുന്നു. എന്നാല് അങ്ങനെയൊരു സംഭവം ഉണ്ടാട്ടില്ലെന്നാണ് പൊലീസ് പറയുന്നത്. ഇതോടെ, സംഭവം അറിഞ്ഞ പൊലീസ് ഒത്തുതീര്ത്തതാണെന്നും സംശയം ബലപ്പെട്ടിട്ടുണ്ട്.
ആലപ്പുഴ ചൈല്ഡ് ലൈനിലെ 1098 ഹെല്പ് നമ്പരിലൂടെ 688 പരാതികളാണ് ഈ വര്ഷം ഇതുവരെ കിട്ടിയത്. ഇതില് 23 കേസുകള് ശാരീരിക ചൂഷണവുമായും 14 എണ്ണം ലൈംഗികചൂഷണവുമായും ബന്ധപ്പെട്ടതാണെന്ന് കളക്ടര് ടി.വി. അനുപമ അറിയിച്ചു.
ഇതേസമയം, കേരളത്തില് ശൈശവവിവാഹം കൂടുന്നതായി യൂണിസെഫ് നേരത്തേ തന്നെ റിപ്പോര്ട്ടു ചെയ്തിരുന്നു. രാജ്യത്ത് ഏറ്റവുംകൂടുതല് ശിശുവിവാഹം നടക്കുന്നത് ബിഹാറിലാണ്, 68 ശതമാനം. ഏറ്റവും കുറവ് ഹിമാചല് പ്രദേശിലാണ്, ഒമ്പത് ശതമാനം.
സാക്ഷരതയില് മുന്നില് നില്ക്കുന്ന കേരളത്തില് ശൈശവവിവാഹം നേരത്തേ കുറവായിരുന്നുവെന്നും ഇപ്പോള് കൂടുന്നുവെന്നും യൂണിസെഫ് പറയുന്നു. കേരളത്തിലേക്ക് മറ്റു സംസ്ഥാനക്കാരുടെ കുടിയേറ്റം വര്ധിച്ചതും ഇതിനു കാരണമായി പറയുന്നു.
Alappuzha: Child protection council review meeting confirmed that child marriage was held in Chengannur. The Child Line authorities have submitted a report on this. In June this year, the accused has been arrested, the report said. Police say that there is no such incident.
This year, 688 complaints have been received at 1098 helpline number in Alappuzha Child Line.
Keywords: Alappuzha, Child protection, review meeting, Chengannur, child marriage, District Child Line officials , Child Line, confirm, police, TV , Anupama, UNICEF, Bihar, Himachal Pradesh, migration, Kerala
COMMENTS