V.D Satheesan about food security in kerala
തിരുവനന്തപുരം: സംസ്ഥാനത്ത് ഭക്ഷ്യ സുരക്ഷ നടപ്പാക്കുന്നതില് സര്ക്കാര് വന് പരാജയമെന്ന് പ്രതിപക്ഷ നേതാവ് വി ഡി സതീശന്. ഉദ്യോഗസ്ഥ ലോബി ഭക്ഷ്യ സുരക്ഷാ വകുപ്പിനെ അട്ടിമറിക്കുകയാണെന്നും അദ്ദേഹം ആരോപണം ഉന്നയിച്ചു.
യുഡിഎഫ് സര്ക്കാരിന്റെ കാലത്ത് ദേശീയ ഭക്ഷ്യ സുരക്ഷാ സൂചികയില് ഒന്നാം സ്ഥാനത്തായിരുന്ന കേരളം 2022-ല് ആറാം സ്ഥാനത്തേക്ക് തള്ളപ്പെട്ടിരിക്കുകയാണെന്നും ഗുരുതരമായ ആരോഗ്യപ്രശ്നങ്ങള് എല്ലാ ദിവസവും റിപ്പോര്ട്ട് ചെയ്യപ്പെടുന്ന അവസ്ഥയിലേക്ക് സംസ്ഥാനം എത്തിയിരിക്കുകയാണെന്നും അദ്ദേഹം വ്യക്തമാക്കി.
കഴിഞ്ഞ ആറു ദിവസത്തിനിടെ ഭക്ഷ്യവിഷബാധയെ തുടര്ന്ന് രണ്ടു മരണമാണ് സംസ്ഥാനത്തുണ്ടായത്. ഇത്തരം വാര്ത്തകളും പരാതികളും ഉണ്ടാകുമ്പോള് മാത്രം പരിശോധനയ്ക്ക് ഇറങ്ങുന്ന രീതിയാണ് സംസ്ഥാന ഭക്ഷ്യ സുരക്ഷാ വകുപ്പ് സ്വീകരിക്കുന്നതെന്നും ഈ രീതി മാറി സര്ക്കാര് ഉണര്ന്ന് പ്രവര്ത്തിക്കണമെന്നും അദ്ദേഹം ആവശ്യപ്പെട്ടു.
Keywords: V.D Satheesan, Food security,
COMMENTS