തിരുവനന്തപുരം: ബിജെപി പക്ഷത്തേയ്ക്കു ചാഞ്ഞ് കേന്ദ്രമന്ത്രി പദത്തിലെത്തിയ അല്ഫോണ്സ് കണ്ണന്താനത്തിനു സംഭവിച്ചിരിക്കുന്നത് ഏറ്റവും വലി...
തിരുവനന്തപുരം: ബിജെപി പക്ഷത്തേയ്ക്കു ചാഞ്ഞ് കേന്ദ്രമന്ത്രി പദത്തിലെത്തിയ അല്ഫോണ്സ് കണ്ണന്താനത്തിനു സംഭവിച്ചിരിക്കുന്നത് ഏറ്റവും വലിയ രാഷ്ട്രീയ അപചയമാണെന്ന് ഇടതു നേതാവ് വിഎസ് അച്യുതാനന്ദന്.
എന്നാല്, വിഎസിന് വയസ്സായെന്നും അദ്ദേഹത്തിന് എന്തും പറയാമെന്നുമായിരുന്നു കേന്ദ്രമന്ത്രിയുടെ മറുപടി.
ഫാസിസ്റ്റ് കൂടാരത്തില് ചേക്കേറുക വഴി ഒരു ഇടതു സഹയാത്രികനു സംഭവിക്കാവുന്ന ഏറ്റവും വലിയ അപചയമാണ് കണ്ണന്താനത്തിനുണ്ടായിരിക്കുന്നതെന്ന് വിഎസ് പറഞ്ഞു. കേന്ദ്രമന്ത്രിയായ ശേഷം കണ്ണന്താനം കേരളത്തില് ആദ്യമായി എത്തിയ ദിവസം തന്നെയാണ് ഭരണപരിഷ്കാര കമ്മിഷന് ചെയര്മാന് ഇങ്ങനെ പറഞ്ഞത്.
ഫാസിസം നടപ്പാക്കുന്നവരുടെ ചട്ടുകമായി മാറാന് നല്ല ഇടതു സഹയാത്രികനു കഴിയില്ലെന്നും വിഎസ് പറയുന്നു.
കണ്ണന്താനത്തെ അഭിനന്ദിച്ച് ഫേസ് ബുക്ക് പോസ്റ്റിട്ട മുഖ്യമന്ത്രി പിണറായി വിജയനും വിഎസ് ഒരു കൊട്ടു കൊടുത്തിട്ടുണ്ട്. കേന്ദ്രമന്ത്രിസ്ഥാന ലബ്ധിയില് അഭിനന്ദിക്കത്തക്കതായി ഒന്നുമില്ലെന്നും വിഎസ് പറയുന്നു. ഇനി മുതല് ഇടതു സ്വതന്ത്ര സ്ഥാനാര്ത്ഥികളെ നിര്ണയിക്കുമ്പോള്ഡ ജാഗ്രത പുലര്ത്തണമെന്നാണ് കണ്ണന്താനം അദ്ധ്യായം ഓര്മിപ്പിക്കുന്നതെന്നും വിഎസ് പറയുന്നു. 2006ല് സിവില് സര്വീസില് നിന്നു രാജിവച്ച കണ്ണന്താനം ഇടതു സ്വതന്ത്രനായി കാഞ്ഞിരപ്പള്ളിയില് നിന്നു നിയമസഭയിലേക്കു മത്സരിച്ചു ജയിച്ചിരുന്നു. 2011ലാണ് അദ്ദേഹം ബിജെപിയില് ചേര്ന്നത്.
ഇതേസമയം, ഇന്നു കൊച്ചിയില് നല്കിയ സ്വീകരണത്തില് കണ്ണന്താനത്തെ സ്വീകരിക്കാന് ബിജെപി നേതാക്കളെത്തി. ബി.ജെ.പി സംസ്ഥാന കമ്മിറ്റിയാണ് സ്വീകരണം നല്കിയത്.
ബിജെപി സംസ്ഥാന അധ്യക്ഷന് കുമ്മനം രാജശേഖരന്റെ നേതൃത്വത്തില് ബിജെപി നേതാക്കള് നെടുമ്പാശ്ശേരി വിമാനത്താവളത്തിലെത്തി കണ്ണന്താനത്തെ സ്വീകരിച്ചു.
കേരളവും കേന്ദ്രവും തമ്മില് അടുത്ത ബന്ധം വേണമെന്ന് പ്രധാനമന്ത്രി നരേന്ദ്രമോഡിയുടെ ആഗ്രഹിക്കുന്നുവെന്നും മുഖ്യമന്ത്രി പിണറായി വിജയനുമായി വ്യക്തിപരമായി അടുത്ത ബന്ധമാണ് ഉള്ളതെന്നും കേരള ബിജെപിയില് പ്രശ്നങ്ങളൊന്നുമില്ലെന്നും കണ്ണന്താനം പ്രതികരിച്ചു.
COMMENTS