അഭിനന്ദ് ചണ്ഡീഗഡ്: പെണ്കുട്ടികളെ ബലാത്സംഗം ചെയ്ത കുറ്റത്തിനു ശിക്ഷിക്കപ്പെട്ട ദേരാ സച്ച സൗദ തലവന് ഗുര്മീത് റാം റഹിം സിങിനെ നാളെ വി...
അഭിനന്ദ്
ചണ്ഡീഗഡ്: പെണ്കുട്ടികളെ ബലാത്സംഗം ചെയ്ത കുറ്റത്തിനു ശിക്ഷിക്കപ്പെട്ട ദേരാ സച്ച സൗദ തലവന് ഗുര്മീത് റാം റഹിം സിങിനെ നാളെ വിധി പ്രഖ്യാപിക്കുന്ന വേളയില് കോടതിയില് ഹാജരാക്കില്ല.ഇയാളെ വീഡിയോ കോണ്ഫറന്സിംഗ് വഴി കാര്യങ്ങള് അറിയിക്കാനാണ് തിരുമാനം. സിങിനെ കോടതിയില് കൊണ്ടുവന്നാല് വന് ക്രമസമാധാന പ്രശ്നങ്ങള് ഉണ്ടാകുമെന്നു ഭയന്നാണ് ഈ തീരുമാനമെന്ന് ഹരിയാന ചീഫ് സെക്രട്ടറി ഡി.എസ് ധെസി പറഞ്ഞു.
ഇതിനിടെ വിധി പ്രസ്താവം മാറ്റിവയ്ക്കാന് സമ്മര്ദ്ദമുണ്ടായെങ്കിലും കോടതി വഴങ്ങിയില്ല. റോത്തക് ജയിലിലാണ് സിങിനെ പാര്പ്പിച്ചിട്ടുള്ളത്.
ഗുര്മീത് റാം റഹിം സിങിന് നല്കിയിരുന്ന ഇസഡ് പ്ലസ് റദ്ദാക്കിയിട്ടുണ്ടെന്ന് ഹരിയാന ഡി.ജി.പി ബി.എസ് സന്ധു പറഞ്ഞു.
ഇതേസമയം, റോത്തക് ജയിലില് ഇയാള്ക്ക് ഇയാള്ക്ക് വി.ഐ.പി പരിഗണന നല്കുന്നില്ലെന്നു സര്ക്കാര് പറയുമ്പോഴും പ്രതി ആഘോഷത്തില് തന്നെയാണ് ജയിലില് കഴിയുന്നതെന്നാണ് പുറത്തുവരുന്ന വാര്ത്തകള്.
കുടിക്കാന് മിനറല് വാട്ടറും ഉറക്കത്തിനു ഭംഗം വരാതിരിക്കാന് എയര് കൂളറുമെല്ലാം ജയിലില് ഒരുക്കിയിരിക്കുന്നതായാണ് അനൗദ്യോഗിക റിപ്പോര്ട്ട്. ഭക്ഷണം പുറത്തു നിന്നാണ് എത്തിക്കുന്നതെന്നാണ് അറിയുന്നത്.
സിര്സ പട്ടണത്തിനടുത്ത് ദേരാ സച്ച ആസ്ഥാനം സേന വളഞ്ഞിട്ടുണ്ട്. ഇതുവരെ സേന ഇവിടെ കടന്നിട്ടില്ല. പൊലീസും അര്ദ്ധസൈനിക വിഭാഗവും ഇതിനൊപ്പം ഇവിടെ സുരക്ഷാ ചുമതലയിലുണ്ട്.
സ്ത്രീകളും കുട്ടികളും ഉള്പ്പെടെ നൂറുകണക്കിന് ഗുര്മീത് അനുയായികള് ഇവിടെ തമ്പടിച്ചിരുന്നു. ഇവരോടു പിരിഞ്ഞുപോകാന് ഉച്ചഭാഷിണിയിലൂടെ സൈന്യവും ജില്ലാ അധികാരികളും ആവശ്യപ്പെട്ടെങ്കിലും വലിയൊരു വിഭാഗം പോകാതെ ഇവിടെ തന്നെ തമ്പടിച്ചിട്ടുണ്ട്.
Keywords: Haryana, Riots, Narendra Modi, Crime, Gurmeet Singh Ram Rahim
COMMENTS