Setback for Veena and CMRL in Exalogic Case; Court Orders Handing Over Crucial Documents to ED
സ്വന്തം ലേഖകന്
കൊച്ചി: സിഎംആര്എല്-എക്സാലോജിക് സാമ്പത്തിക ഇടപാട് കേസില് മുന് മുഖ്യമന്ത്രി പിണറായി വിജയന്റെ മകള് ടി. വീണയ്ക്കും കരിമണല് കമ്പനിയായ സിഎംആര്എല്ലിനും വന് തിരിച്ചടി. കേസുമായി ബന്ധപ്പെട്ട് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് സമര്പ്പിച്ച കുറ്റപത്രത്തിലെ അനുബന്ധ രേഖകള് എന്ഫോഴ്സ്മെന്റ് ഡയറക്ടറേറ്റിന് വിട്ടുകൊടുക്കാന് കൊച്ചിയിലെ പിഎംഎല്എ പ്രത്യേക കോടതി ഉത്തരവിട്ടു.
കള്ളപ്പണം വെളുപ്പിക്കല് തടയല് നിയമപ്രകാരമുള്ള കേസുകള് കൈകാര്യം ചെയ്യുന്ന പ്രത്യേക കോടതിയാണ് ഇ.ഡിയുടെ ആവശ്യം അംഗീകരിച്ചത്. കേസില് എസ്എഫ്ഐഒ നേരത്തെ കോടതിയില് സമര്പ്പിച്ചിരുന്ന 54 വാല്യങ്ങളിലായുള്ള 134 സുപ്രധാന രേഖകളുടെ അംഗീകൃത പകര്പ്പുകളാണ് ഇപ്പോള് ഇ.ഡിക്ക് കൈമാറാന് ഉത്തരവായിരിക്കുന്നത്.
ഈ രേഖകള് ഇ.ഡിക്ക് കൈമാറരുതെന്ന് സിഎംആര്എല് കോടതിയില് ശക്തമായി വാദിച്ചിരുന്നു. മറ്റൊരു അന്വേഷണ ഏജന്സി ശേഖരിച്ച മൊഴികളും രേഖകളും വേറൊരു കേസിന്റെ അന്വേഷണത്തിനായി ഉപയോഗിക്കാന് പാടില്ലെന്നായിരുന്നു അവരുടെ നിലപാട്. എന്നാല്, കള്ളപ്പണ നിരോധന നിയമപ്രകാരമുള്ള കേസുകള് അന്വേഷിക്കുമ്പോള് ഇത്തരം ഔദ്യോഗിക രേഖകളെ ആശ്രയിക്കാമെന്ന ഇ.ഡിയുടെ വാദം കോടതി അംഗീകരിക്കുകയായിരുന്നു.
സിഎംആര്എല്-എക്സാലോജിക് കമ്പനികള് തമ്മില് നടത്തിയ സാമ്പത്തിക ഇടപാടുകള്, ഇതുമായി ബന്ധപ്പെട്ട കത്തുകള്, ടി. വീണയുടെ മൊഴി, സിഎംആര്എല് ഉദ്യോഗസ്ഥരെ ചോദ്യം ചെയ്തപ്പോള് ലഭിച്ച വിവരങ്ങള്, വീണയുടെയും എക്സാലോജിക്കിന്റെയും ബാങ്ക് അക്കൗണ്ട് വിവരങ്ങള് എന്നിവ ഈ രേഖകളില് ഉള്പ്പെടുന്നു.
ഹൈക്കോടതി മുന്പ് സിഎംആര്എല്ലിന്റെ ഹര്ജികള് തള്ളിയപ്പോഴും എസ്എഫ്ഐഒയുടെ കണ്ടെത്തലുകളെ ഗൗരവത്തോടെയാണ് കണ്ടിരുന്നത്. കോടതിയില് നിന്ന് ഈ ഔദ്യോഗിക രേഖകള് കൂടി ലഭ്യമാകുന്നതോടെ വീണയ്ക്കും സിഎംആര്എല് ഉദ്യോഗസ്ഥര്ക്കും ചോദ്യം ചെയ്യലിന് ഹാജരാകാന് ഇ.ഡി ഉടന് തന്നെ സമന്സ് അയക്കുമെന്നാണ് സൂചനകള്.
ഇഡി നല്കിയ അപേക്ഷ കോടതി അനുവദിച്ചതോടെ ഈ കേസിലെ അന്വേഷണം അടുത്ത ഘട്ടത്തിലേക്ക് കടക്കുകയാണ്. എക്സാലോജിക് കമ്പനിയും വീണയും സിഎംആര്എല്ലുമായി ഉണ്ടാക്കിയ വിവിധ കരാറുകള്, എക്സാലോജിക്കിന്റെ ബാങ്ക് സ്റ്റേറ്റ്മെന്റുകള്, വീണാ വിജയന്റെ ഐടി റിട്ടേണ്സ് എന്നിവയടങ്ങുന്ന സുപ്രധാന രേഖകളാണ് ഇതിലുള്ളത്.
ഈ രേഖകള് ഇഡിക്ക് നല്കുന്നതില് തങ്ങള്ക്ക് എതിര്പ്പില്ലെന്ന് എസ്എഫ്ഐഒ കോടതിയെ അറിയിച്ചിരുന്നു.
വീണ വിജയനെ നേരിട്ട് ചോദ്യംചെയ്യുന്നതിന് മുന്നോടിയായി പഴുതടച്ച ഒരു അന്വേഷണ റിപ്പോര്ട്ട് തയ്യാറാക്കുക എന്നതാണ് ഇഡിയുടെ ലക്ഷ്യം. ഇത്രയും ബൃഹത്തായ രേഖകള് കൈവശം ലഭിക്കുന്നതോടെ കേസില് കൂടുതല് വ്യക്തത വരുമെന്നും, സമഗ്രമായ തെളിവുകള് ശേഖരിച്ച ശേഷം ചോദ്യം ചെയ്യല് ഉള്പ്പെടെയുള്ള തുടര്നടപടികളിലേക്ക് കടക്കാനുമാണ് അന്വേഷണ ഏജന്സിയുടെ തീരുമാനം. നേരത്തെ അന്വേഷണം തടയണമെന്ന് ആവശ്യപ്പെട്ട് സിഎംആര്എല് നല്കിയ ഹര്ജികള് ഹൈക്കോടതി സിംഗിള് ബെഞ്ചും ഡിവിഷന് ബെഞ്ചും തള്ളിയിരുന്നു. അതിന് പിന്നാലെയാണ് ഇപ്പോള് വീണ്ടും അവര്ക്ക് നിയമപരമായ തിരിച്ചടി നേരിട്ടിരിക്കുന്നത്.
മാസപ്പടി കേസില് ചോദ്യം ചെയ്യാന് വീണാ വിജയന് ഇ.ഡി ഉടന് സമന്സ് അയക്കും, കുരുക്കുകള് മുറുക്കാന് കേന്ദ്ര ഏജന്സി
Summary: The case concerning the financial transactions between CMRL (Cochin Minerals and Rutile Ltd) and Exalogic Solutions (a company owned by Veena Vijayan, daughter of Kerala CM Pinarayi Vijayan) has reached a critical stage following a court order. The special court handling corporate cases in Kochi has directed the Serious Fraud Investigation Office (SFIO) to hand over key documents related to their chargesheet to the Enforcement Directorate (ED).
Crucial Documents to be Handed Over: The court has ordered the transfer of 134 crucial documents, contained in 54 volumes, to the ED.
Nature of Documents: These highly sensitive documents include various contracts between Exalogic, Veena Vijayan, and CMRL, as well as Exalogic’s bank statements and Veena Vijayan’s income tax returns.
Stance of Investigation Agencies: The SFIO informed the court that they had no objection to sharing these documents with the ED. However, CMRL strongly opposed the move in court.
CMRL’s Arguments Rejected: CMRL argued that since the proceedings following the SFIO report were currently stayed, and because they were not a direct party to this specific application, the documents should not be transferred. The court rejected these arguments, observing that there was no legal impediment for the SFIO to share evidence with another investigation agency like the ED.
The ED aims to prepare a foolproof case dossier ahead of summoning Veena Vijayan for questioning. With the acquisition of these extensive documents, the agency intends to gain greater clarity on the financial dealings before moving to the next phase of the investigation, which is expected to include interrogations.
Previously, the Kerala High Court's single bench and division bench had dismissed petitions filed by CMRL seeking to halt the investigation. This latest court order marks another significant legal setback for the entities involved.Key Words: Masapadi Case, PMLA Court, ED, CMRL
COMMENTS