തിരുവനന്തപുരം: കേരളത്തിൻ്റെ പതിനാറാം നിയമസഭയുടെ ആദ്യസമ്മേളനം മേയ് 21-ാം തീയതി വ്യാഴാഴ്ച മുതൽ ആരംഭിക്കും. തിരഞ്ഞെടുക്കപ്പെട്ട പുതിയ അംഗങ്ങളുട...
തിരുവനന്തപുരം: കേരളത്തിൻ്റെ പതിനാറാം നിയമസഭയുടെ ആദ്യസമ്മേളനം മേയ് 21-ാം തീയതി വ്യാഴാഴ്ച മുതൽ ആരംഭിക്കും. തിരഞ്ഞെടുക്കപ്പെട്ട പുതിയ അംഗങ്ങളുടെ സത്യപ്രതിജ്ഞാ ചടങ്ങുകൾ സഭ ചേരുന്ന ആദ്യ ദിനത്തിൽ തന്നെ പൂർത്തിയാകും.മേയ് 22 വെള്ളിയാഴ്ചയാണ് പുതിയ സ്പീക്കറെ തിരഞ്ഞെടുക്കുന്നതിനുള്ള വോട്ടെടുപ്പ് നിശ്ചയിച്ചിരിക്കുന്നത്. പുതിയ സർക്കാരിൻ്റെ വികസനക്കാഴ്ചപ്പാടുകളും നയങ്ങളും വ്യക്തമാക്കുന്ന ഗവർണറുടെ നയപ്രഖ്യാപന പ്രസംഗം മേയ് 29-ന് നിയമസഭയിൽ നടക്കും.
നിയമസഭാ തിരഞ്ഞെടുപ്പിലെ കോൺഗ്രസ് നേതൃത്വത്തിലുള്ള യുഡിഎഫിൻ്റെ വൻ വിജയത്തിന് ശേഷമാണ് പുതിയ സഭ സമ്മേളിക്കുന്നത്. കോൺഗ്രസ് നിയമസഭാകക്ഷി നേതാവായി വി. ഡി. സതീശനെ കഴിഞ്ഞ ദിവസം ഹൈക്കമാൻഡ് പ്രഖ്യാപിച്ചിരുന്നു. രാജ്ഭവനിലെത്തി ഗവർണറെ കണ്ട് സർക്കാർ രൂപീകരണത്തിനുള്ള അവകാശവാദം ഉന്നയിച്ച പശ്ചാത്തലത്തിൽ, പുതിയ മന്ത്രിസഭയുടെ സത്യപ്രതിജ്ഞ തിങ്കളാഴ്ച നടക്കുമെന്നാണ് ഔദ്യോഗിക വിവരങ്ങൾ വ്യക്തമാക്കുന്നത്. പുതിയ ജനപ്രതിനിധികളുമായി സമ്മേളിക്കുന്ന സഭയുടെ ആദ്യ ദിനങ്ങൾ ഏറെ പ്രാധാന്യത്തോടെയാണ് രാഷ്ട്രീയ കേരളം വീക്ഷിക്കുന്നത്.
Key Words : VD Satheesan, Kerala Legislative Assembly
COMMENTS