തിരഞ്ഞെടുപ്പുകള്‍ കഴിഞ്ഞു, പെട്രോള്‍, ഡീസല്‍ വില കൂട്ടി

ന്യൂഡല്‍ഹി : പശ്ചിമേഷ്യന്‍ സംഘര്‍ഷങ്ങളെത്തുടര്‍ന്ന് അന്താരാഷ്ട്ര വിപണിയില്‍ ക്രൂഡ് ഓയില്‍ വില വര്‍ദ്ധിച്ച സാഹചര്യത്തില്‍, ഇന്ത്യയില്‍ പെട്രേ...

ന്യൂഡല്‍ഹി : പശ്ചിമേഷ്യന്‍ സംഘര്‍ഷങ്ങളെത്തുടര്‍ന്ന് അന്താരാഷ്ട്ര വിപണിയില്‍ ക്രൂഡ് ഓയില്‍ വില വര്‍ദ്ധിച്ച സാഹചര്യത്തില്‍, ഇന്ത്യയില്‍ പെട്രോളിനും ഡീസലിനും ലിറ്ററിന് മൂന്നു രൂപയിലധികം  വര്‍ദ്ധിപ്പിച്ചു. 2026 മെയ് 15 വെള്ളിയാഴ്ച മുതലാണ് പുതുക്കിയ വില പ്രാബല്യത്തില്‍ വന്നത്.

പശ്ചിമേഷ്യന്‍ രാജ്യങ്ങളിലെ സംഘര്‍ഷം രൂക്ഷമായ സാഹചര്യത്തില്‍ രാജ്യത്ത് പെട്രോള്‍, ഡീസല്‍ വില വന്‍തോതില്‍ വര്‍ദ്ധിപ്പിച്ചു. പെട്രോള്‍ വില: പെട്രോളിന് ലിറ്ററിന് 2.86 രൂപ മുതല്‍ 3.29 രൂപ വരെയാണ് വര്‍ധിച്ചത്.  

പശ്ചിമേഷ്യയിലെ യുദ്ധസമാനമായ സാഹചര്യങ്ങള്‍ ആഗോളതലത്തില്‍ ക്രൂഡ് ഓയില്‍ വിതരണത്തെ ബാധിക്കുമെന്ന ആശങ്കയാണ് വില ഉയരാന്‍ പ്രധാന കാരണം.

ഇന്ധനവിലയിലുണ്ടായ ഈ പെട്ടെന്നുള്ള വര്‍ധന നിത്യോപയോഗ സാധനങ്ങളുടെ വിലക്കയറ്റത്തിനും ഇടയാക്കുമെന്ന ആശങ്ക ശക്തമാണ്.

കേരളത്തിലെ പുതിയ നിരക്കുകള്‍:

• തിരുവനന്തപുരം: പെട്രോള്‍ - 110.75, ഡീസല്‍ - 99.63
• കൊച്ചി: പെട്രോള്‍ - 108.78, ഡീസല്‍ - 97.67
• കോട്ടയം: പെട്രോള്‍ - 109.28, ഡീസല്‍ - 98.14
• ഡല്‍ഹി: പെട്രോള്‍ - 97.77, ഡീസല്‍ - 90.67
• ചെന്നൈ: പെട്രോള്‍ - 103.67, ഡീസല്‍ - 95.25

ക്രൂഡ് ഓയില്‍ വില വര്‍ദ്ധിച്ചതോടെ എണ്ണ വിതരണ കമ്പനികള്‍ നേരിടുന്ന വന്‍ സാമ്പത്തിക പ്രതിസന്ധി പരിഹരിക്കാനാണ് ഈ തീരുമാനമെടുത്തതെന്നാണ് കേന്ദ്ര സര്‍ക്കാര്‍ പറയുന്നത്.

വില ഇനിയും വര്‍ദ്ധിച്ചേക്കുമെന്ന ആശങ്കയെത്തുടര്‍ന്ന് രാജ്യത്തിന്റെ വിവിധ ഭാഗങ്ങളിലെ പെട്രോള്‍ പമ്പുകളില്‍ വലിയ തിരക്ക് അനുഭവപ്പെട്ടതായും റിപ്പോര്‍ട്ടുകളുണ്ട്. അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് ഫലം പുറത്തുവന്നതിന് തൊട്ടുപിന്നാലെയാണ് ഈ വില വര്‍ദ്ധന നടപ്പിലാക്കിയത്.

Summary:  Following the surge in international crude oil prices due to conflicts in the Middle East, petrol and diesel prices in India have been increased by over ?3 per litre. The revised rates came into effect on Friday, May 15, 2026.

The massive hike comes amid escalating tensions in West Asian countries. Specifically, petrol prices saw an increase ranging from ?2.86 to ?3.29 per litre. The primary driver behind this spike is the concern that war-like situations in the Middle East will disrupt the global crude oil supply chain.

There are growing fears that this sudden jump in fuel costs will lead to an increase in the prices of essential commodities.