ഇറാൻ - അമേരിക്ക സമാധാന ചർച്ച പാകിസ്ഥാനിൽ; ട്രംപ് പങ്കെടുത്തേക്കും

ഇസ്ലാമാബാദ്: പശ്ചിമേഷ്യയിൽ നിലനിൽക്കുന്ന കടുത്ത സംഘർഷങ്ങൾക്ക് അയവ് വരുത്താൻ ലക്ഷ്യമിട്ടുള്ള ഇറാൻ - അമേരിക്ക സമാധാന ചർച്ചകൾക്ക് പാകിസ്ഥാൻ വേദ...

ഇസ്ലാമാബാദ്: പശ്ചിമേഷ്യയിൽ നിലനിൽക്കുന്ന കടുത്ത സംഘർഷങ്ങൾക്ക് അയവ് വരുത്താൻ ലക്ഷ്യമിട്ടുള്ള ഇറാൻ - അമേരിക്ക സമാധാന ചർച്ചകൾക്ക് പാകിസ്ഥാൻ വേദിയാകുന്നു. നാളെ ഇസ്ലാമാബാദിൽ വെച്ച് നടക്കാനിരിക്കുന്ന ചർച്ചയിൽ അമേരിക്കൻ പ്രസിഡന്റ് ഡൊണാൾഡ് ട്രംപ് നേരിട്ടോ വെർച്വലായോ പങ്കെടുത്തേക്കുമെന്ന് റോയിട്ടേഴ്സ് റിപ്പോർട്ട് ചെയ്തു.

നിലവിലെ വെടിനിർത്തൽ കാലാവധി ബുധനാഴ്ച അവസാനിക്കാനിരിക്കെയാണ് ചർച്ചകൾ വേഗത്തിലാക്കാൻ നീക്കം നടക്കുന്നത്. വൈസ് പ്രസിഡന്റ് ജെ.ഡി. വാൻസിന്റെ നേതൃത്വത്തിലുള്ള ഉന്നതതല അമേരിക്കൻ സംഘം ചർച്ചകൾക്കായി പാകിസ്ഥാനിലേക്ക് തിരിക്കും. ഒരു അന്തിമ കരാറിൽ എത്താൻ സാധിക്കുകയാണെങ്കിൽ ട്രംപ് ചർച്ചയുടെ ഭാഗമാകുമെന്നാണ് സൂചന.

അതേസമയം, ചർച്ചയിൽ പങ്കെടുക്കുന്ന കാര്യത്തിൽ ഇറാൻ ഇതുവരെ ഔദ്യോഗികമായി തീരുമാനം അറിയിച്ചിട്ടില്ല. അമേരിക്ക ഏർപ്പെടുത്തിയ നാവിക ഉപരോധവും ഇറാനിയൻ കപ്പൽ പിടിച്ചെടുത്തതുമാണ് ചർച്ചകളിൽ നിന്ന് ഇറാനെ വിട്ടുനിൽക്കാൻ പ്രേരിപ്പിക്കുന്നത്. എങ്കിലും സമാധാന ശ്രമങ്ങളോട് ഇറാൻ പോസിറ്റീവ് ആയി പ്രതികരിക്കുമെന്നാണ് പാകിസ്ഥാൻ പ്രതീക്ഷിക്കുന്നത്.

ഇരു രാജ്യങ്ങളും തമ്മിലുള്ള നയതന്ത്ര ബന്ധം പുനഃസ്ഥാപിക്കുന്നതിനും മേഖലയിൽ സമാധാനം ഉറപ്പാക്കുന്നതിനും ഈ ചർച്ച നിർണ്ണായകമാണ്.

Key Words : Iran-US peace talks, Donald Trump