U.S. Military Intervention in Iran Likely: Israel on High Alert
 |
ദുബായ് : ഇറാനില് പ്രതിഷേധക്കാര്ക്ക് നേരെ നടക്കുന്ന അടിച്ചമര്ത്തലുകള്ക്ക് മറുപടിയായി സൈനിക ആക്രമണത്തിനുളള സാധ്യതകളെക്കുറിച്ച് അമേരിക്കന് പ്രസിഡന്റ് ഡൊണാള്ഡ് ട്രംപിന് സൈനിക നേതൃത്വം വിശദീകരണം നല്കിയതായി ന്യൂയോര്ക് ടൈംസ് റിപ്പോര്ട്ട് ചെയ്തു.
പ്രസിഡന്റ് ഇതുവരെ അന്തിമ തീരുമാനം എടുത്തിട്ടില്ലെങ്കിലും, സാമ്പത്തിക പ്രതിസന്ധിയെത്തുടര്ന്നുണ്ടായ ജനകീയ പ്രക്ഷോഭങ്ങളെ അടിച്ചമര്ത്താനുള്ള ഇറാനിയന് ഭരണകൂടത്തിന്റെ ശ്രമങ്ങള്ക്കെതിരെ സൈനിക നടപടിക്ക് അദ്ദേഹം ഗൗരവമായി ആലോചിക്കുന്നുണ്ടെന്ന് റിപ്പോര്ട്ട പറയുന്നു. ടെഹ്റാനിലെ സൈനികേതര കേന്ദ്രങ്ങളില് ആക്രമണം നടത്തുന്നത് ഉള്പ്പെടെയുള്ള വിവിധ നിര്ദ്ദേശങ്ങള് അദ്ദേഹത്തിന് മുന്നിലുണ്ട്.
 |
'ഇറാന് സ്വാതന്ത്ര്യത്തിലേക്ക് നോക്കുകയാണ്, യുഎസ് സഹായിക്കാന് തയ്യാറാണ്' എന്ന് ട്രംപ് സോഷ്യല് മീഡിയയില് കുറിച്ചു. ആളുകളെ കൊല്ലാന് തുടങ്ങിയാല് തങ്ങള് ഇടപെടും എന്ന് അദ്ദേഹം വ്യക്തമാക്കിയിട്ടുണ്ട്. കഴിഞ്ഞ ജൂണില് ഇറാന്റെ മൂന്ന് ആണവ കേന്ദ്രങ്ങള്ക്ക് നേരെ ട്രംപ് ആക്രമണത്തിന് ഉത്തരവിട്ടിരുന്നു.
സൈനിക ആക്രമണം നടത്തിയാല് അത് ഇറാനിയന് ജനതയെ സര്ക്കാരിന് അനുകൂലമായി ഒരുമിപ്പിക്കുമോ എന്നും, മേഖലയിലുള്ള യുഎസ് ഉദ്യോഗസ്ഥര്ക്ക് നേരെ തിരിച്ചടി ഉണ്ടാകുമോ എന്നും ഉദ്യോഗസ്ഥര് ഭയപ്പെടുന്നു. ആക്രമണം പെട്ടെന്ന് നടത്തിയാല് ഇറാന് തിരിച്ചു ആക്രമിക്കാന് സാധ്യതയുണ്ട്. അതിനാല്, മിഡില് ഈസ്റ്റിലെ യുഎസ് സൈനിക താവളങ്ങളുടെ സുരക്ഷ ഉറപ്പാക്കാന് കൂടുതല് സമയം വേണമെന്ന് കമാന്ഡര്മാര് ആവശ്യപ്പെടുന്നുണ്ട്.
അവര് മുമ്പത്തെപ്പോലെ ആളുകളെ കൊല്ലാന് തുടങ്ങിയാല് ഞങ്ങള് ഇടപെടും. അത് കരസേനയെ ഇറക്കിക്കൊണ്ടുള്ള യുദ്ധമാകില്ല, പക്ഷേ അവര്ക്ക് വലിയ പ്രഹരം നല്കുന്ന രീതിയിലായിരിക്കും എന്നായിരുന്നു ട്രംപ് കഴിഞ്ഞ ദിവസം പറഞ്ഞത്. ട്രംപ് പറയുന്നതല്ല ചെയ്യുന്നതെന്നതിനാല് ഈ വാക്കുകള് അപ്പടി വിശ്വസിക്കാനുമാവില്ല. 'നിങ്ങള് വെടിവെക്കാന് നില്ക്കണ്ട, കാരണം ഞങ്ങളും വെടിവെക്കാന് തുടങ്ങും' എന്നും മറ്റൊരു ഘട്ടത്തില് ട്രംപ് പറഞ്ഞിരുന്നു
 |
മരണസംഖ്യ: മനുഷ്യാവകാശ സംഘടനകളുടെ റിപ്പോര്ട്ട് പ്രകാരം, ഡിസംബര് 28-ന് പ്രതിഷേധം ആരംഭിച്ചത് മുതല് ഇതുവരെ കുറഞ്ഞത് 225 പേര് കൊല്ലപ്പെട്ടിട്ടുണ്ട്. ഇതില് 14 സുരക്ഷാ ഉദ്യോഗസ്ഥരും ഉള്പ്പെടുന്നു.
പ്രതിഷേധങ്ങള് തടയുന്നതിനായി ഇറാന് ഭരണകൂടം രാജ്യമൊട്ടാകെ ഇന്റര്നെറ്റ് വിച്ഛേദിച്ചു. കണക്റ്റിവിറ്റി സാധാരണ നിലയുടെ ഒരു ശതമാനത്തിലേക്ക് താഴ്ന്നതായി നെറ്റ് ബ്ലോക്ക്സ് സ്ഥിരീകരിച്ചു.
ഇറാന്റെ പരമോന്നത നേതാവ് ആയത്തുള്ള അലി ഖൊമേനി പ്രക്ഷോഭങ്ങളെ 'വിദേശ ശത്രുക്കളുടെ ഗൂഢാലോചന' എന്ന് വിശേഷിപ്പിച്ചു. പ്രതിഷേധക്കാര് ട്രംപിന് വേണ്ടിയാണ് പ്രവര്ത്തിക്കുന്നതെന്നും ട്രംപിന്റെ കൈകളില് ഇറാനികളുടെ രക്തം പുരണ്ടിട്ടുണ്ടെന്നും അദ്ദേഹം ആരോപിച്ചു.
ആറ് മാസത്തിനുള്ളില് രണ്ടാം തവണയാണ് ഇറാനെതിരെ ആക്രമണം നടത്താന് ട്രംപ് ഒരുങ്ങുന്നത്. കഴിഞ്ഞ ജൂണില് ഇറാന്റെ ആണവ കേന്ദ്രങ്ങളില് നടത്തിയ 'മിഡ്നൈറ്റ് ഹാമര്' എന്ന ആക്രമണത്തിന് ശേഷം ഇറാന് തിരിച്ചടി നല്കിയിരുന്നു. ഇപ്പോള് വീണ്ടും ആക്രമണം നടത്തിയാല് അത് ഒരു വലിയ പ്രാദേശിക യുദ്ധത്തിലേക്ക് നയിക്കുമോ എന്ന ആശങ്ക ശക്തമാണ്.
ജനുവരി 3-ന് വെനസ്വേലയില് നടന്ന ആക്രമണമാണ്. വെനസ്വേലന് നേതാവ് നിക്കോളാസ് മഡുറോയെ പിടികൂടാന് ട്രംപ് ഉത്തരവിട്ടിരുന്നു. ഇത് സൂചിപ്പിക്കുന്നത്, തന്റെ ഭീഷണികള് വെറും വാക്കല്ലെന്ന് ലോകത്തിന് കാണിച്ചുകൊടുക്കാന് ട്രംപ് ശ്രമിക്കുന്നു എന്നാണ്. 'പ്രസിഡന്റ് ട്രംപിനോട് കളിക്കരുത്' എന്ന സ്റ്റേറ്റ് ഡിപ്പാര്ട്ട്മെന്റിന്റെ വീഡിയോ ഇതിന് തെളിവാണ്.
ഇത്തവണ സൈനിക കേന്ദ്രങ്ങള്ക്ക് പുറമെ ടെഹ്റാനിലെ സൈനികേതര കേന്ദ്രങ്ങളും ആക്രമിക്കാനുള്ള ഓപ്ഷനുകള് ട്രംപിന് മുന്നിലുണ്ട്. ഇത് വളരെ അപൂര്വ്വമായ നീക്കമാണ്. പ്രതിഷേധക്കാരെ അടിച്ചമര്ത്തുന്ന സുരക്ഷാ സേനയുമായി ബന്ധപ്പെട്ട കേന്ദ്രങ്ങളെ ലക്ഷ്യം വയ്ക്കാനാണ് ആലോചന.
2025 ജൂണ് 14-ന് ഇസ്രായേലിലെ റമത് ഗാനില് ഇറാന് നടത്തിയ മിസൈല് ആക്രമണത്തെത്തുടര്ന്ന് പാര്പ്പിട സമുച്ചയങ്ങള് തകര്ന്നപ്പോള്
ഇസ്രായേല് അതിജാഗ്രതയില്
ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവുമായുള്ള ചര്ച്ചകള് വളരെ പ്രധാനമാണ്. ഇറാന്റെ ആണവ പദ്ധതികള് തടയാന് ഇസ്രായേല് എപ്പോഴും യുഎസിന്റെ പിന്തുണ തേടാറുണ്ട്. മാരാലാഗോയില് നടന്ന കൂടിക്കാഴ്ചയില്, ഇറാന് മോശമായി പെരുമാറിയാല് ഇസ്രായേല് നടത്തുന്ന ആക്രമണങ്ങളെ താന് പിന്തുണയ്ക്കുമെന്ന് ട്രംപ് ഉറപ്പുനല്കിയിട്ടുണ്ട്.
അമേരിക്കന് സൈന്യം ഇറാനില് ഇടപെടാന് സാധ്യതയുണ്ടെന്ന സൂചനയെത്തുടര്ന്ന് ഇസ്രായേല് തങ്ങളുടെ സൈന്യത്തെ അതീവ ജാഗ്രതയിലാക്കിയെന്ന് റോയിട്ടേഴ്സ് വാര്ത്താ ഏജന്സി റിപ്പോര്ട്ട് ചെയ്യുന്നു.
അമേരിക്ക ഇറാനെ ആക്രമിച്ചാല്, മേഖലയിലുള്ള അമേരിക്കന് സൈനിക താവളങ്ങളും ഇസ്രായേലും തങ്ങളുടെ നിയമാനുസൃതമായ ലക്ഷ്യങ്ങളായിരിക്കുമെന്ന് ഇറാന് പാര്ലമെന്റ് സ്പീക്കര് മുഹമ്മദ് ബഗര് ഖാലിബാഫ് മുന്നറിയിപ്പ് നല്കി.
COMMENTS