രോഹിതും കോലിയും പടനയിച്ചു, ഇന്ത്യയ്ക്ക് ഒമ്പതു വിക്കറ്റ് ജയം

India won the third ODI in the India-Australia ODI series by nine wickets. India secured a consolation win, led from the front by superstar players

സിഡ്‌നി : ഇന്ത്യ-ഓസ്ട്രേലിയ ഏകദിന പരമ്പരയിലെ മൂന്നാം ഏകദിനത്തില്‍ ഇന്ത്യയ്ക്ക് ഒമ്പത് വിക്കറ്റ് വിജയം. സൂപ്പര്‍ താരങ്ങളായ രോഹിത് ശര്‍മയും (121*) വിരാട് കോലി (74*)യും മുന്നില്‍ നിന്നു നയിച്ചാണ് ഇന്ത്യയ്ക്ക് ആശ്വാസ ജയം സമ്മാനിച്ചത്. മൂന്ന് മത്സരങ്ങളുള്ള ഏകദിന പരമ്പര ഓസ്ട്രേലിയ 2-1 ന് വിജയിച്ചിരുന്നു.

ഓസ്ട്രേലിയ236 ഓവറില്‍ 46.4 റണ്‍സിന് ഓള്‍ ഔട്ട്

ഇന്ത്യ237/1 (38.3 ഓവറില്‍)

11.3 ഓവറുകള്‍ ബാക്കിനില്‍ക്കെയാണ് സിഡ്നി ക്രിക്കറ്റ് ഗ്രൗണ്ടില്‍ ഇന്ത്യ വിജയിച്ചത്. രോഹിത് ശര്‍മയാണ് മാന്‍ ഒഫ് ദി മാച്ച്. പരമ്പരയിലെ താരവും രോഹിത് തന്നെ.

ഓസ്ട്രേലിയ ടോസ് നേടി ബാറ്റിംഗ് തിരഞ്ഞെടുത്തു. ഓപ്പണര്‍ ട്രാവീസ് ഹെഡ് (25 പന്തില്‍ 29) മികച്ച തുടക്കം നേടി. ഏകദിനത്തില്‍ 3,000 റണ്‍സ് ഏറ്റവും വേഗത്തില്‍ തികയ്ക്കുന്ന ഓസ്ട്രേലിയന്‍ താരമായി ഹെഡ് ഈ ഇന്നിംഗ്സോടെ മാറി.

ക്യാപ്റ്റന്‍ മിച്ചല്‍ മാര്‍ഷ് 41 റണ്‍സ് സംഭാവന ചെയ്തു. മാറ്റ് റെന്‍ഷോ ആയിരുന്നു ഓസ്ട്രേലിയയുടെ ടോപ് സ്‌കോറര്‍. അദ്ദേഹം 58 പന്തില്‍ 56 റണ്‍സെടുത്തു. 183/4 എന്ന നിലയിലായിരുന്ന ഓസ്ട്രേലിയക്ക് പിന്നീട് ബാറ്റിംഗ് തകര്‍ച്ച നേരിട്ടു. ഒടുവില്‍ 236 റണ്‍സിന് എല്ലാവരും പുറത്തായി.

പേസര്‍ ഹര്‍ഷിത് റാണ 8.4 ഓവറില്‍ 4/39 എന്ന മികച്ച പ്രകടനവുമായി ബൗളിംഗില്‍ തിളങ്ങി. സ്പിന്നര്‍മാരായ വാഷിംഗ്ടണ്‍ സുന്ദര്‍ (2/44), അക്സര്‍ പട്ടേല്‍ (1/18) എന്നിവര്‍ മധ്യ ഓവറുകളില്‍ റണ്ണൊഴുക്ക് തടഞ്ഞു. മുഹമ്മദ് സിറാജ് (1/24), കുല്‍ദീപ് യാദവ് (1/50), പ്രസിദ്ധ് കൃഷ്ണ (1/52) എന്നിവര്‍ ഓരോ വിക്കറ്റ് വീതം നേടി.

ഫീല്‍ഡിംഗിനിടെ ശ്രേയസ് അയ്യര്‍ അലക്സ് കാരിയെ പുറത്താക്കാന്‍ മികച്ച ഡൈവിംഗ് ക്യാച്ചെടുത്തു.  എന്നാല്‍, ഈ ശ്രമത്തിനിടെ വാരിയെല്ലിന് പരിക്കേറ്റ് അയ്യര്‍ക്ക് കളം വിടേണ്ടിവന്നു. 

ഇന്ത്യയുടെ ചേസിംഗ് അനായാസമായിരുന്നു. ഓപ്പണര്‍മാരായ രോഹിത് ശര്‍മ്മയും ശുഭ്മാന്‍ ഗില്ലും ചേര്‍ന്ന് 69 റണ്‍സ് നേടി. ശുഭ്മാന്‍ ഗില്‍ (24) പുറത്തായ ശേഷം, പരിചയസമ്പന്നരായ രോഹിത് ശര്‍മ്മയും വിരാട് കോലിയും ഇന്നിംഗ്സിന്റെ നിയന്ത്രണം ഏറ്റെടുത്തു. ഇരുവരും ചേര്‍ന്ന് രണ്ടാം വിക്കറ്റില്‍ 168 റണ്‍സിന്റെ അപരാജിത കൂട്ടുകെട്ട് പടുത്തുയര്‍ത്തി ഇന്ത്യയെ വിജയത്തിലേക്ക് നയിച്ചു.

രോഹിത് ശര്‍മ്മ തന്റെ 33-ാം ഏകദിന സെഞ്ച്വറി നേടി, 125 പന്തില്‍ 121 (നോട്ടൗട്ട്). 13 ഫോറുകളും മൂന്നു സിക്‌സറുകളും നിറം ചാര്‍ത്തിയതായിരുന്നു ആ ഇന്നിംഗ്‌സ്.

വിരാട് കോലി 81 പന്തില്‍ 74 (നോട്ടൗട്ട്)* റണ്‍സെടുത്ത് ഫോമിലേക്ക് തിരിച്ചെത്തി. ഈ ഇന്നിംഗ്സിനിടെ, കോലി കുമാര്‍ സംഗക്കാരയെ മറികടന്ന് ഏകദിന ക്രിക്കറ്റിലെ എക്കാലത്തെയും ഉയര്‍ന്ന രണ്ടാമത്തെ റണ്‍വേട്ടക്കാരനായി മാറി. 38.3 ഓവറില്‍ ഇന്ത്യ ലക്ഷ്യം മറികടന്നു.

ഓസ്ട്രേലിയന്‍ ബൗളര്‍മാരില്‍ ജോഷ് ഹേസല്‍വുഡ് (1/23) മാത്രമാണ് വിക്കറ്റ് നേടിയത്. 

രോഹിത് ശര്‍മ്മയുടെ 33-ാം ഏകദിന സെഞ്ച്വറിയാണിത്. ഓസ്ട്രേലിയയ്ക്കെതിരെ സച്ചിന്‍ ടെണ്ടുല്‍ക്കറുടെ റെക്കോര്‍ഡിനൊപ്പം (9 സെഞ്ച്വറികള്‍) ആദ്ദേഹം എത്തി. വിരാട് കോലി ഏകദിനത്തില്‍ കുമാര്‍ സംഗക്കാരയെ മറികടന്ന് എക്കാലത്തെയും ഉയര്‍ന്ന രണ്ടാമത്തെ റണ്‍വേട്ടക്കാരനായി. ഓസ്ട്രേലിയന്‍ താരം ട്രാവീസ് ഹെഡ് ഏകദിനത്തില്‍ 3,000 റണ്‍സ് ഏറ്റവും വേഗത്തില്‍ (76 ഇന്നിംഗ്സ്) നേടുന്ന ഓസ്ട്രേലിയന്‍ താരമായി (സ്റ്റീവ് സ്മിത്തിന്റെ റെക്കോര്‍ഡ് തകര്‍ത്തു). ശുഭ്മാന്‍ ഗില്ലിന് ക്യാപ്റ്റന്‍ എന്ന നിലയിലെ ആദ്യ ഏകദിന വിജയമാണിത്.

Summary: India won the third ODI in the India-Australia ODI series by nine wickets. India secured a consolation win, led from the front by superstar players Rohit Sharma (121*) and Virat Kohli (74*). Australia won the three-match ODI series 2-1.