അഞ്ച് ഇന്ത്യന്‍ വിമാനങ്ങള്‍ വെടിവച്ചിട്ടെന്നു പാകിസ്ഥാന്‍ പ്രതിരോധന മന്ത്രി, പക്ഷേ, തെളിവു കാണിക്കാനില്ല

Pakistan's Defense Minister Khawaja Asif claimed that at least five Indian aircraft were shot down and several Indian soldiers were captured

അഭിനന്ദ്

ന്യൂഡല്‍ഹി: കുറഞ്ഞത് അഞ്ച് ഇന്ത്യന്‍ വിമാനങ്ങളെങ്കിലും വെടിവച്ചിട്ടതായും നിരവധി ഇന്ത്യന്‍ സൈനികരെ തടവിലാക്കപ്പെട്ടതായും പാകിസ്ഥാന്‍ പ്രതിരോധ മന്ത്രി ഖവാജ ആസിഫ് അവകാശപ്പെട്ടു. എന്നാല്‍, ഇതുവരെ ഇതിന് ഒരു തെളിവും നല്കാന്‍ പാകിസ്ഥാന് കഴിഞ്ഞിട്ടില്ല.

ഇന്ത്യന്‍ ആക്രമണത്തിന് മറുപടി നല്‍കുമെന്ന് ആസിഫ് പറഞ്ഞു. കാലാള്‍പ്പടയുടെ ഒരു ബ്രിഗേഡ് ആസ്ഥാനം തകര്‍ന്നുവെന്നും അസീഫ് പറഞ്ഞതായി അല്‍ ജസീറ റിപ്പോര്‍ട്ടു ചെയ്തു.

നിയന്ത്രണ രേഖയില്‍ ഇപ്പോള്‍ കനത്ത ഷെല്ലാക്രമണം നടക്കുകയുമാണ്. പാകിസ്ഥാനിലുടനീളം ജനങ്ങള്‍ രാത്രിയില്‍ തെരുവിലാണ്. ഇന്ത്യ ഇനിയും ആക്രമിക്കുമെന്ന ഭയമാണ് അവര്‍ക്ക്.

പാകിസ്ഥാനില്‍ ആശുപത്രികളില്‍ അടിയന്തരാവസ്ഥ പ്രഖ്യാപിച്ചു. എല്ലാ ആശുപത്രി ജീവനക്കാരോടും ഡ്യൂട്ടിയില്‍ ഹാജരാകാന്‍ ആവശ്യപ്പെട്ടിട്ടുണ്ട്. പാക് അധീന കശ്മീരിലും ഇതേ അവസ്ഥയാണ്.

ഇന്ത്യയുടെ തിരിച്ചടിയില്‍ 90 ലധികം ഭീകരര്‍ കൊല്ലപ്പെട്ടതായി അനൗദ്യോഗിക റിപ്പോര്‍ട്ടുകള്‍ പറയുന്നുണ്ട്. 

ഇന്ത്യയ്ക്കെതിരായ ഭീകരാക്രമണങ്ങള്‍ ആസൂത്രണം ചെയ്യുകയും ലക്ഷ്യം വയ്ക്കുകയും ചെയ്തിരുന്ന പാക് അധീന കശ്മീരിലെ (പിഒകെ) അടിസ്ഥാന സൗകര്യങ്ങളെയാണ് ഇന്ത്യ തകര്‍ത്തിരിക്കുന്നത്. 

പാകിസ്ഥാന്‍ പ്രദേശത്തിനുള്ളില്‍ വ്യോമാക്രമണത്തിനായി ഉപയോഗിച്ചത് ആഴത്തിലുള്ള ആക്രമണങ്ങള്‍ക്കായി രൂപകല്‍പ്പന ചെയ്ത സ്‌കാല്‍പ് ക്രൂയിസ് മിസൈലുകള്‍ ഘടിപ്പിച്ച റാഫേല്‍ യുദ്ധവിമാനങ്ങളും, വായുവില്‍ നിന്ന് ഭൂമിയിലേക്ക് പ്രയോഗക്ഷമമായ കൃത്യതയുള്ള ഹാമര്‍ ബോംബുകളുമാണ്.

ആകാശത്ത് ജെറ്റുകള്‍ പറക്കുന്നത് കേട്ടതായി മുസാഫറാബാദിലെ നിവാസികള്‍ പറഞ്ഞതായി ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു. മുസാഫറാബാദിനടുത്തുള്ള ഒരു ഗ്രാമപ്രദേശത്ത്  ലഷ്‌കര്‍-ഇ-തൊയ്ബ ഉപയോഗിച്ചിരുന്ന ഒരു സ്ഥലം ആക്രമിക്കപ്പെട്ടതായും അവര്‍ പറഞ്ഞു.

Summary: Pakistan's Defense Minister Khawaja Asif claimed that at least five Indian aircraft were shot down and several Indian soldiers were captured. However, Pakistan has not been able to provide any proof of this so far.