സുനിതയും സംഘവും സുരക്ഷിതരായി മടങ്ങിയെത്തി; പുഞ്ചിരിയോടെ ലോകത്തെ അഭിവാദ്യം ചെയ്ത് യാത്രികര്‍

After waiting for the whole world, four astronauts, including Sunita Williams of Indian origin, reached the earth safely

എം രാഖി

ന്യൂയോര്‍ക്: ലോകത്തിന്റെയാകെ കാത്തിരിപ്പിനൊടുവില്‍ ഇന്ത്യന്‍ വംശജയായ സുനിതാ വില്യംസ് ഉള്‍പ്പെടെ നാലു ബഹിരാകാശ യാത്രികര്‍ സുരക്ഷിതരായി ഭൂമിയിലെത്തി.

ഇന്ത്യന്‍ സമയം വെളുപ്പിന് 3.40നാണ് സ്‌പേസ് എക്‌സിന്റെ ഡ്രാഗണ്‍ ക്രൂ9 പേടകം അറ്റ്‌ലാന്റിക് സമുദ്രത്തില്‍ പതിച്ചത്. ഫ്‌ളോറിഡ തീരത്ത് ഗള്‍ഫ് ഒഫ് അമേരിക്കയിലാണ് പേടകം സുരക്ഷിതമായി ഇറങ്ങിയത്.

സമുദ്രത്തില്‍ വീഴുന്നതിന് മുമ്പ് ബഹിരാകാശ കാപ്‌സ്യൂള്‍ പാരച്യൂട്ട് വിടര്‍ത്തി. നാസയുടെ നിക്ക് ഹേഗ്, റോസ്‌കോസ്മോസ് ബഹിരാകാശയാത്രികന്‍ അലക്സാണ്ടര്‍ ഗോര്‍ബുനോവ് എന്നിവരും തിരിച്ചെത്തിയ സംഘത്തിലുണ്ട്. 17 മണിക്കൂര്‍ നീണ്ട യാത്രയ്‌ക്കൊടുവിലാണ് ഇവര്‍ ഭൂമിയെ തൊട്ടത്.

കടലില്‍ പതിച്ചതിനു പിന്നാലെ സ്പീഡ് ബോട്ടുകളിലെത്തിയ നാസ സംഘം പോടകത്തെ രക്ഷാ കപ്പലിലേക്കു നയിച്ചു. പേടകത്തില്‍ നിന്ന് മൂന്നാമതായാണ് സുനിത പുറത്തേക്ക് വന്നത്. തംപ്‌സ് അപ്പ് കാണിച്ച് എല്ലാവരെയും അഭിവാദ്യം ചെയ്താണ് സുനിത ആരോഗ്യ പരിശോധനകള്‍ക്കായി പോയത്.

ബഹിരാകാശ യാത്രികരായ സുനിത വില്യംസും ബുച്ച് വില്‍മോറും അന്താരാഷ്ട്ര ബഹിരാകാശ നിലയത്തിലേക്കുള്ള എട്ട് ദിവസത്തെ ദൗത്യത്തിനാണ് കഴിഞ്ഞ വര്‍ഷം ജൂണ്‍ 5 ന് ബോയിംഗ് സ്റ്റാര്‍ലൈനറില്‍ ബഹിരാകാശത്തേക്ക് പറന്നത്. എന്നാല്‍, യാത്രാ പേടകത്തിന്റെ സാങ്കേതിക തകരാര്‍ നിമിത്തം അവര്‍ അന്താരാഷ്ട്ര ബഹിരാകാശ നിലയത്തില്‍ കുടുങ്ങുകയായിരുന്നു. ആകെ  ദിവസമാണ് അവര്‍ നിലയത്തില്‍ കഴിച്ചുകൂട്ടിയത്.

ബോയിംഗ് സ്റ്റാര്‍ലൈനര്‍ പരാജയപ്പെട്ടതോടെ ഇവരെ തിരിച്ചെത്തിക്കാനുള്ള ദൗത്യം ഇലോണ്‍ മസ്‌കിന്റെ സ്പേസ് എക്സ് ഏറ്റെടുക്കുകയായിരുന്നു. 

ഭൂമിയുടെ അന്തരീക്ഷത്തില്‍ പ്രവേശിക്കുന്ന ഡീ ഓര്‍ബിറ്റ് ബേണ്‍ പുലര്‍ച്ചെ 2:41 നാണ് തുടങ്ങിയത്. ഭൂമിയുടെ അന്തരീക്ഷത്തില്‍ പ്രവേശിക്കുമ്പോള്‍ ഗുരുത്വാകര്‍ഷത്തെ അതിജീവിക്കാനായി പേടകം ബഹിരാകാശത്തേയ്ക്കു ഉന്നം വച്ച് ത്രസ്റ്ററുകള്‍ ജ്വലിപ്പിച്ച് വേഗം നിയന്ത്രിക്കുന്ന പ്രക്രിയയാണിത്. തുടര്‍ന്ന് 44 മിനിറ്റിന് ശേഷം പുലര്‍ച്ചെ 3:27 ന് സമുദ്രത്തില്‍ പതിച്ചു.

ബൈഡന്‍ ഭരണകൂടം കൈവിട്ടതുകൊണ്ടാണ് ഇവരുടെ മടങ്ങിവരവ് ഇത്രയും വൈകിതയതെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് ആരോപിച്ചു. പ്രസിഡന്റ് ട്രംപ് ഒരു 'വാഗ്ദാനം നല്‍കുകയും അത് പാലിക്കുകയും ചെയ്തു' എന്നാണ് ദൗത്യത്തിന്റെ വിജയത്തെക്കുറിച്ച് വൈറ്റ് ഹൗസ് പ്രതികരിച്ചത്.

മുന്‍ നേവി പൈലറ്റുമാരായ സുനിതാ വില്യംസും ബുച്ച് പോയ ബോയിംഗ് സ്റ്റാര്‍ലൈനറിന്റെ പേടകത്തിന്  പ്രൊപ്പല്‍ഷന്‍ പ്രശ്നമുണ്ടായതിനെ തുടര്‍ന്ന് പറക്കാന്‍ യോഗ്യമല്ലെന്ന് കരുതി സെപ്തംബറില്‍ ക്രൂവില്ലാതെ മടങ്ങിയെത്തുകയായിരുന്നു.

പലവിധ കാലതാമസങ്ങള്‍ക്കു ശേഷം ഡ്രാഗണ്‍  പേടകം ഞായറാഴ്ചയാണ് ബഹിരാകാശ നിലയത്തിലെത്തിയത്. എല്ലുകളുടെയും പേശികളുടെയും ശോഷണം, റേഡിയേഷന്‍ എക്‌സ്‌പോഷര്‍, കാഴ്ച വൈകല്യം എന്നിവ ബഹിരാകാശ യാത്രികര്‍ ദീര്‍ഘകാലത്തെ താമസത്തിന് ശേഷം ഭൂമിയിലേക്ക് മടങ്ങുമ്പോള്‍ അഭിമുഖീകരിക്കേണ്ട ചില വെല്ലുവിളികളാണ്.

ഗുരുത്വാകര്‍ഷണത്തിന്റെ അഭാവം ഗണ്യമായതും പലപ്പോഴും പരിഹരിക്കാനാകാത്തതുമായ അസ്ഥികളുടെ സാന്ദ്രത നഷ്ടപ്പെടുത്തുന്നു.

സാധാരണയായി ഭൂമിയില്‍ സഞ്ചരിക്കുന്നതിലൂടെ സജീവമാകുന്ന പേശികള്‍, കൂടുതല്‍ കഠിനാധ്വാനം ചെയ്യേണ്ടതില്ല എന്നതിനാല്‍ ദുര്‍ബലമാവുന്നു.

ബഹിരാകാശത്ത് സമയം ചെലവഴിക്കുന്നതിന്റെ ഏറ്റവും അപകടകരമായ ആഘാതങ്ങളിലൊന്ന് റേഡിയേഷന്‍ എക്‌സ്‌പോഷര്‍ ആണ്. ഭൂമിയുടെ അന്തരീക്ഷവും കാന്തികക്ഷേത്രവും ഉയര്‍ന്ന തോതിലുള്ള വികിരണങ്ങളില്‍ നിന്ന് മനുഷ്യരെ സംരക്ഷിക്കുമ്പോള്‍, ബഹിരാകാശയാത്രികര്‍ക്ക് അത്തരം സംരക്ഷണം ലഭ്യമല്ല.

സുനിതാ വില്യംസിന് ഇന്ത്യന്‍ പ്രധാനമന്ത്രി നരേന്ദ്ര മോഡി എഴുതിയ കത്ത് കഴിഞ്ഞ ദിവസം പുറത്തുവന്നിരുന്നു. 'നിങ്ങളെയും നിങ്ങളുടെ ജോലിയെയും കുറിച്ച് ഞങ്ങള്‍ക്ക് എത്രമാത്രം അഭിമാനമുണ്ടെന്ന് ഞങ്ങള്‍ ചര്‍ച്ച ചെയ്തു. ജോ ബൈഡന്‍, ഡൊണാള്‍ഡ് ട്രംപ് എന്നിവരുമായുള്ള ആശയവിനിമയത്തിനു ശേഷം, നിങ്ങള്‍ക്ക് എഴുതുന്നതില്‍ നിന്ന് എനിക്ക് എന്നെ തടയാന്‍ കഴിഞ്ഞില്ല,' പ്രധാനമന്ത്രി കത്തില്‍ പറയുന്നു.

'1.4 ബില്യണ്‍ ഇന്ത്യക്കാര്‍ എല്ലായ്‌പ്പോഴും നിങ്ങളുടെ നേട്ടങ്ങളില്‍ അഭിമാനിക്കുന്നു. സമീപകാല സംഭവവികാസങ്ങള്‍ നിങ്ങളുടെ പ്രചോദനാത്മകമായ ധൈര്യവും സ്ഥിരോത്സാഹവും വീണ്ടും വ്യക്തമാക്കിയിരിക്കുന്നു,' അദ്ദേഹം എഴുതി.

ഭൂമിയില്‍ സുനിതയേയും വില്‍മോറിനെയും കാത്തിരിക്കുന്നത് കടുത്ത പരീക്ഷണങ്ങള്‍, ആരോഗ്യം വീണ്ടെടുക്കാന്‍ മാസങ്ങള്‍ വേണം, ഹൃദയത്തിനും കാലിനും കണ്ണിനും അസ്ഥിക്കുമെല്ലാം പ്രശ്‌നങ്ങളുണ്ടാകാന്‍ സാദ്ധ്യത

Summary: After waiting for the whole world, four astronauts, including Sunita Williams of Indian origin, reached the earth safely. #SunitaWilliams #sunitawilliamsreturn #SunitaReturns