പതിനൊന്ന് സീറ്റുകള്‍ അധികമായി ചേര്‍ക്കും, നിരക്ക് കുറയ്ക്കും; നവകേരള ബസ് വീണ്ടും നിരത്തിലേക്ക്

തിരുവനന്തപുരം: നവകേരള ബസ് വീണ്ടും നിരത്തിലേക്ക്. പതിനൊന്ന് സീറ്റുകള്‍ അധികമായി ഘടിപ്പിക്കുകയും, നിരക്ക് കുറയ്ക്കുകയും ചെയ്തിട്ടുണ്ട്. ആകെ സ...

തിരുവനന്തപുരം: നവകേരള ബസ് വീണ്ടും നിരത്തിലേക്ക്. പതിനൊന്ന് സീറ്റുകള്‍ അധികമായി ഘടിപ്പിക്കുകയും, നിരക്ക് കുറയ്ക്കുകയും ചെയ്തിട്ടുണ്ട്. ആകെ സീറ്റുകളുടെ എണ്ണം 37 ആയി ഉയര്‍ന്നു. ബസിലെ എക്‌സലേറ്റര്‍, പിന്‍ ഡോര്‍ എന്നിവ ഒഴിവാക്കിയാണ് സീറ്റുകളുടെ എണ്ണം കൂട്ടിയത്. എന്നാല്‍ ടോയ്ലറ്റ് അതേപടി നിലനിറുത്തിയിട്ടുണ്ട് എന്നാണ് റിപ്പോര്‍ട്ട്. ഇതിനൊപ്പം ബസിന്റെ ചാര്‍ജും കാര്യമായി കുറച്ചിട്ടുണ്ട്. നേരത്തേ 1280 ആയിരുന്നത് ഇപ്പോള്‍ 930 ആയി കുറച്ചുവെന്നാണ് റിപ്പോര്‍ട്ട്.

നവകേരള യാത്രയുടെ ഭാഗമായി മുഖ്യമന്ത്രിയ്ക്കും മന്ത്രിമാര്‍ക്കും കേരളം മുഴുവന്‍ സഞ്ചരിക്കാനാണ് ഒരുകോടിയിലേറെ രൂപ മുടക്കി ആഡംബര ബസ് വാങ്ങിയത്. കടുത്ത സാമ്പത്തിക പ്രതിസന്ധിക്കിടെ ഇത്രയും പണം മുടക്കി ബസ് വാങ്ങിയത് വന്‍ വിവാദമായിരുന്നു

Key Words: Navakerala Bus