ന്യൂഡല്ഹി: സ്വാതന്ത്ര്യദിനത്തോടനുബന്ധിച്ച് ധീരതയ്ക്കുള്ള രാഷ്ട്രപതിയുടെ സേന മെഡലുകള് പ്രഖ്യാപിച്ചു. മൂന്ന് സൈനികര്ക്കും ഒരു ജമ്മു കശ്മീര്...
ന്യൂഡല്ഹി: സ്വാതന്ത്ര്യദിനത്തോടനുബന്ധിച്ച് ധീരതയ്ക്കുള്ള രാഷ്ട്രപതിയുടെ സേന മെഡലുകള് പ്രഖ്യാപിച്ചു. മൂന്ന് സൈനികര്ക്കും ഒരു ജമ്മു കശ്മീര് പൊലീസ് ഉദ്യോഗസ്ഥനുമാണ് കീര്ത്തിചക്ര നല്കി രാജ്യം ആദരിക്കുന്നത്.
18 സൈനികര്ക്കാണ് ശൗര്യചക്ര പ്രഖ്യാപിച്ചത്. ഇതില് നാല് പേര്ക്ക് മരണാനന്തര ബഹുമതിയായി ശൗര്യചക്ര നല്കും. കരസേനയില് നിന്ന് 63 പേര്ക്ക് ധീരതയ്ക്കുള്ള സേന മെഡലുകളും നല്കി രാജ്യം ആദരിക്കും. പതിനൊന്ന് പേര്ക്കാണ് നാവികസേനയുടെ ധീരതയ്ക്കുള്ള മെഡല് ലഭിച്ചത്. മലയാളിയായ ക്യാപ്റ്റന് ബ്രിജേഷ് നമ്പ്യാര് ധീരതയ്ക്കുള്ള നാവികസേന മെഡലിന് അര്ഹനായി.വ്യോമസേന അംഗങ്ങള്ക്കുള്ള രാഷ്ട്രപതിയുടെ ധീരതയ്ക്കുള്ള മെഡലുകളും പ്രഖ്യാപിച്ചു. രണ്ട് പേര്ക്ക് ശൗര്യചക്രയും ആറ് പേര്ക്ക് ധീരതയ്ക്കുള്ള വായുസേന മെഡലുകള് നല്കി രാജ്യം ആദരിക്കും.
Key Words: President's Medals, Kirtichakra
COMMENTS