കോഴിക്കോട് : കോഴിക്കോട് ജില്ലയില് മഴ ശക്തമായതിന് പിന്നാലെ സുപ്രധാന തീരുമാനവുമായി കോഴിക്കോട് ജില്ലാ കളക്ടര്. അതത് പ്രദേശങ്ങളിലെ സാഹചര്യങ്ങ...
കോഴിക്കോട് : കോഴിക്കോട് ജില്ലയില് മഴ ശക്തമായതിന് പിന്നാലെ സുപ്രധാന തീരുമാനവുമായി കോഴിക്കോട് ജില്ലാ കളക്ടര്. അതത് പ്രദേശങ്ങളിലെ സാഹചര്യങ്ങള് പരിഗണിച്ച് സ്കൂളുകള്ക്ക് അവധി നല്കുന്ന കാര്യത്തില് പ്രധാനാധ്യാപകര്ക്കും പ്രിന്സിപ്പല്മാര്ക്കും ബന്ധപ്പെട്ട വിദ്യാഭ്യാസ ഓഫീസറുമായി ആലോചിച്ച് തീരുമാനം എടുക്കാമെന്ന് കളക്ടര് സ്നേഹില് കുമാര് സിംഗ് നിര്ദ്ദേശം നല്കി.
വിദ്യാര്ഥികളുടെ സുരക്ഷ മുന്നിര്ത്തി ഇക്കാര്യത്തില് അനുയോജ്യമായ തീരുമാനം കൈക്കൊള്ളാമെന്ന് നിര്ദ്ദേശത്തില് പറയുന്നു.ആവശ്യമായ ഘട്ടങ്ങളില് ജില്ലാതലത്തില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിക്കുമെന്നും കോഴിക്കോട് ജില്ലാകലക്ടര് പുറത്തിറക്കിയ നിര്ദ്ദേശത്തില് പറയുന്നു. കനത്ത മഴയുണ്ടായിട്ടും കോഴിക്കോട്ടെ മലയോര മേഖലയിലെ സ്കൂളുകള്ക്ക് ഇന്ന് അവധി നല്കിയിരുന്നില്ല. ഇതോടെ സ്കൂളിലേക്കുള്ള യാത്രയിലും തിരിച്ചും വിദ്യാര്ത്ഥികള് വലഞ്ഞിരുന്നു.
Key Words: Headmaster, Kozhikode Collector, Rain, Alert
COMMENTS