തിരുവനന്തപുരം: സംസ്ഥാനത്തെ 2023-24 അക്കാദമിക വര്ഷത്തെ രണ്ടാം വര്ഷ ഹയര് സെക്കണ്ടറി പരീക്ഷാ ഫലവും വൊക്കേഷണല് ഹയര് സെക്കണ്ടറി പരീക്ഷാ ഫലവ...
തിരുവനന്തപുരം: സംസ്ഥാനത്തെ 2023-24 അക്കാദമിക വര്ഷത്തെ രണ്ടാം വര്ഷ ഹയര് സെക്കണ്ടറി പരീക്ഷാ ഫലവും വൊക്കേഷണല് ഹയര് സെക്കണ്ടറി പരീക്ഷാ ഫലവും പ്രഖ്യാപിച്ചു. 78.69 ശതമാനമാണ് രണ്ടാം വര്ഷ ഹയര്സെക്കന്ഡറി പരീക്ഷയുടെ വിജയ ശതമാനം. മുന് വര്ഷത്തേക്കാള് വിജയ ശതമാനം ഇത്തവണ കുറഞ്ഞു. 4.26 ശതമാനത്തിന്റെ കുറവാണ് ഇത്തവണയുണ്ടായത്. കഴിഞ്ഞ വര്ഷത്തേ അപേക്ഷിച്ച് ഇത്തവണ 16 ദിവസം മുമ്പാണ് പരീക്ഷാ ഫലം പ്രഖ്യാപിച്ചത്. കഴിഞ്ഞവര്ഷം മെയ് 25 നാണ് ഫലപ്രഖ്യാപനം നടത്തിയത്.
3,73755 പേരാണ് ഹയര് സെക്കന്ഡറി പരീക്ഷ എഴുതിയത്. ഇതില് 2,94888 പേര് ഉപരിപഠനത്തിന് യോഗ്യത നേടി. കഴിഞ്ഞ വര്ഷം 82.95 ശതമാനമായിരുന്നു പ്ലസ് ടു പരീക്ഷയിലെ വിജയം.
വിഎച്ച്എസ്ഇ പരീക്ഷയില് 71.42ശതമാനമാണ് വിജയം. കഴിഞ്ഞ വര്ഷം 78.39ശതമാനമായിരുന്നു വിജയം. വിഎച്ച്എസ്ഇ പരീക്ഷയുടെ വിജയ ശതമാനവും ഇത്തവണ കുറഞ്ഞു. 6.97ശതമാനത്തിന്റെ കുറവാണുണ്ടായത്. സയന്സ് വിഭാഗത്തില് 84.84 ശതമാനമാണ് വിജയം. ഹ്യുമാനിറ്റീസ് 67.09 ശതമാനവും കൊമേഴ്സ് 76.11ശതമാനവുമാണ് വിജയം. ഇത്തവണ സയന്സ് വിഭാഗത്തില് മാത്രമായി 189411 പേര് പരീക്ഷയെഴുതിതില് 160696 പേരാണ് ഉന്നത പഠനത്തിന് അര്ഹത നേടിയത്. ഹ്യൂമാനിറ്റീസ് വിഭാഗത്തില് 76835 പേര് പരീക്ഷ എഴുതിയതില് 51144 ഉന്നത പഠനത്തിന് അര്ഹത നേടി.
COMMENTS