മാസപ്പടി കേസ്: എക്‌സാലോജിക്കിനെതിരായ എസ്.എഫ്.ഐ.ഒ അന്വേഷണം തീര്‍ത്തും നിയമപരം: കര്‍ണ്ണാടക ഹൈക്കോടതി

Karnataka high court order about case against Veena Vijayan

ബംഗളൂരു: മാസപ്പടി കേസില്‍ വീണ വിജയന്റെ കമ്പനിയായ എക്‌സാലോജിക്കിനെതിരായ അന്വേഷണം തീര്‍ത്തും നിയമപരമാണെന്ന് കര്‍ണ്ണാടക ഹൈക്കോടതിയുടെ വിശദമായ വിധിപ്പകര്‍പ്പില്‍ പറയുന്നു.

എസ്.എഫ്.ഐ.ഒ അന്വേഷണം റദ്ദാക്കണമെന്നാവശ്യപ്പെട്ട് വീണ വിജയന്‍ നല്‍കിയ ഹര്‍ജി   തള്ളികൊണ്ടുള്ള കര്‍ണാടക ഹൈക്കോടതിയുടെ 46 പേജുള്ള വിധിപ്പകര്‍പ്പിലാണ് നിയമം പാലിച്ച് തന്നെയാണ് അന്വേഷണം നടക്കുന്നതെന്നും അതിനാല്‍ നിയമപരമായി യാതൊരു തടസ്സവും നിലവില്‍ ഉന്നയിക്കാന്‍ കഴിയില്ലെന്നും അന്വേഷണം റദ്ദാക്കുകയോ തടയുകയോ ചെയ്യാന്‍ കഴിയില്ലെന്നും വ്യക്തമാക്കിയിരിക്കുന്നത്. 

പ്രതിഭാഗത്തിന്റെ ഒരു വാദവും നിലനില്‍ക്കുന്നതല്ലെന്നും അന്വേഷണം ഏത് ഘട്ടത്തിലാണ്  എസ്എഫ്‌ഐഒയ്ക്ക് കൈമാറേണ്ടതെന്ന് കൃത്യമായി നിയമം അനുശാസിക്കുന്നുണ്ടെന്നും വിധിയില്‍ പറയുന്നു. 

എക്‌സാലോജിക്കിനെതിരെ പ്രഖ്യാപിച്ച അന്വേഷണം നിയമപരം ആയതിനാല്‍ ഹര്‍ജി തള്ളുന്നു എന്നാണ് ജസ്റ്റിസ് എം.നാഗപ്രസന്നയുടെ വിധിയില്‍ പറയുന്നത്. കര്‍ണ്ണാടക ഹൈക്കോടതിയുടെ ഈ വിധി മുഖ്യമന്ത്രിക്കും മകള്‍ക്കും ഇവരെ ന്യായീകരിക്കുന്ന പാര്‍ട്ടിക്കുമേറ്റ കനത്ത തിരിച്ചടി തന്നെയാണ്. 

Keywords: Karnataka high court, Order, SFIO,Veena Vijayan