കോഴക്കേസ്: കെ.സുരേന്ദ്രനെ ക്രൈംബ്രാഞ്ച് ചോദ്യം ചെയ്യും

കൊച്ചി: സുല്‍ത്താന്‍ ബത്തേരി തെരഞ്ഞെടുപ്പ് കോഴക്കേസുമായി ബന്ധപ്പെട്ട് ബി ജെ പി സംസ്ഥാന അധ്യക്ഷന്‍ കെ. സുരേന്ദ്രന് ക്രൈംബ്രാഞ്ച് നോട്ടീസ് നല്...

കൊച്ചി: സുല്‍ത്താന്‍ ബത്തേരി തെരഞ്ഞെടുപ്പ് കോഴക്കേസുമായി ബന്ധപ്പെട്ട് ബി ജെ പി സംസ്ഥാന അധ്യക്ഷന്‍ കെ. സുരേന്ദ്രന് ക്രൈംബ്രാഞ്ച് നോട്ടീസ് നല്‍കി. 

നവംബര്‍ 14ന് 11 മണിക്ക് അന്വേഷണ ഉദ്യോഗസ്ഥന് മുമ്പില്‍ ചോദ്യം ചെയ്യലിന് ഹാജരാകണം എന്നാണ് നിര്‍ദേശം. കല്‍പ്പറ്റ എസ് പി ഓഫീസിലെ ക്രൈംബ്രാഞ്ച് സെക്ഷനിലാണ് ചോദ്യം ചെയ്യാന്‍ ഹാജരാകേണ്ടത്.

സുല്‍ത്താന്‍ബത്തേരി നിയമസഭാ മണ്ഡലത്തില്‍ എന്‍ ഡി എ സ്ഥാനാര്‍ത്ഥിയാവാന്‍ സി.കെ ജാനുവിന് പണം നല്‍കി എന്ന കേസിലാണ് നടപടി. എം.എസ്.എഫ് സംസ്ഥാന പ്രസിഡന്റ് പി കെ നവാസ് ആണ് പരാതിക്കാരന്‍.

2021 മാര്‍ച്ച് മാസം തിരുവനന്തപുരത്തെ ഒരു സ്വകാര്യ ഹോട്ടലില്‍ വെച്ച് പത്തു ലക്ഷവും സുല്‍ത്താന്‍ബത്തേരിയില്‍ വെച്ച് 40 ലക്ഷവും സി.കെ ജാനുവിന് നല്‍കി എന്നതാണ് ആരോപണം. 

Key words: Surendran, C.K Janu, Manchery Case