ന്യൂഡല്ഹി: സ്വാതന്ത്ര്യ ദിനത്തോടനുബന്ധിച്ച് രാജ്യതലസ്ഥാനമായ ഡല്ഹിയില് സുരക്ഷ ശക്തമാക്കി. ഇതിന്റെ ഭാഗമായി ഡല്ഹിയിലെ വിവിധ മേഖലകളില് ഡല്...
ന്യൂഡല്ഹി: സ്വാതന്ത്ര്യ ദിനത്തോടനുബന്ധിച്ച് രാജ്യതലസ്ഥാനമായ ഡല്ഹിയില് സുരക്ഷ ശക്തമാക്കി. ഇതിന്റെ ഭാഗമായി ഡല്ഹിയിലെ വിവിധ മേഖലകളില് ഡല്ഹി പൊലീസ് നിരോധനാജ്ഞ ഏര്പ്പെടുത്തി. രാജ്ഘട്ട്, ഐടിഒ, ചെങ്കോട്ട തുടങ്ങിയ പ്രദേശങ്ങളില് സ്വാതന്ത്ര്യദിനത്തിന് മുന്നോടിയായാണ് 144 പ്രഖ്യാപിച്ചിരിക്കുന്നത്.
മാത്രമല്ല, ഡല്ഹി അതിര്ത്തിയില് നിന്ന് പ്രവേശിക്കുന്ന വാഹനങ്ങളുടെയും മറ്റും പരിശോധന കര്ശനമാക്കിയിട്ടുണ്ട്. സ്വാതന്ത്ര്യദിനാഘോഷം കണക്കിലെടുത്ത് രാജ്ഘട്ട്, ചെങ്കോട്ട തുടങ്ങിയ പ്രദേശങ്ങളില് സെക്ഷന് 144 ഏര്പ്പെടുത്തിയതായി ഡല്ഹി പൊലീസിന്റെ സെന്ട്രല് ഡിസ്ട്രിക്ട് ഡിസിപി ട്വീറ്റ് ചെയ്തു. ഈ പ്രദേശങ്ങളില് ആളുകള് കൂട്ടംകൂടാനും സമരങ്ങളും സത്യഗ്രഹങ്ങളും നടത്താനും അനുവദിക്കില്ലെന്നും പൊലീസ് അറിയിച്ചു.
മാത്രമല്ല, സ്വാതന്ത്ര്യ ദിനത്തോടനുബന്ധിച്ച് രാജ്യത്തെ വിവിധ നഗരങ്ങളിലും മറ്റും സുരക്ഷ വര്ദ്ധിപ്പിച്ചിട്ടുണ്ട്.
COMMENTS