The Ministry of Railways has sought a Central Bureau of Investigation (CBI) probe into the three train accidents in Odisha that killed more than 270
ഭുവനേശ്വര്‍: ഒഡീഷയില്‍ 270ലധികം പേര്‍ മരിച്ച മൂന്ന് ട്രെയിന്‍ അപകടത്തില്‍ റെയില്‍വേ മന്ത്രാലയം സെന്‍ട്രല്‍ ബ്യൂറോ ഒഫ് ഇന്‍വെസ്റ്റിഗേഷന്‍ (സിബിഐ) അന്വേഷണം ആവശ്യപ്പെട്ടു.
ബാലസോര്‍ അപകടത്തില്‍ റെയില്‍വേ ബോര്‍ഡ് നടത്തിയ അന്വേഷണത്തിനു ശേഷമാണ് സി ബി ഐ അന്വേഷണം ശുപാര്ശ ചെയ്തത്.
ഭരണപരമായ വിവരങ്ങള്‍ കണക്കിലെടുത്ത് റെയില്‍വേ ബോര്‍ഡ് കൂടുതല്‍ അന്വേഷണത്തിനായി മുഴുവന്‍ കേസും സി.ബി.ഐ.ക്ക് ശുപാര്ശ ചെയ്യുകയായിരുന്നു,'' ഭുവനേശ്വറില്‍ മാധ്യമപ്രവര്‍ത്തകരോട് സംസാരിക്കവെ അശ്വിനി വൈഷ്ണവ് പറഞ്ഞു.
ഇതേസമയം, ബാലസോറില്‍ മൂന്നു ട്രെയിനുകള്‍ കൂട്ടിയിടിച്ചിട്ടില്ലെന്നും അത്തരം പ്രചാരണം തെറ്റാണെന്നും റെയില്‍വേ ബോര്‍ഡ് അംഗം ജയവര്‍മ സിന്‍ഹ പറഞ്ഞു.
കോറമണ്ഡല്‍ എക്‌സ്പ്രസ് മാത്രമാണ് അപകടത്തില്‍ പെട്ടതെന്നാണ് അവരുടെ വിശദീകരണം.
കോറമണ്ഡല്‍ എക്‌സ്പ്രസും യശ്വന്ത്പുര്‍ ഷാലിമാര്‍ എക്‌സ്പ്രസും അനുവദനീയമായ വേഗത്തില്‍ തന്നെയായിരുന്നുവെന്നും അവര്‍ പറഞ്ഞു.
ലൂപ് ലൈനില്‍ നിറുത്തിയിട്ടിരുന്ന ഗുഡ്‌സ് ട്രെയിനില്‍ ഇരുമ്പാണ് ഉണ്ടായിരുന്നത്. അതുകൊണ്ടുതന്നെ അതിലേക്ക് ഇടിച്ചുകയറിയ കോറമണ്ഡല്‍ എക്‌സ്പ്രസിന് കൂടുതല്‍ ആഘാതമേറ്റുവെന്നും അവര്‍ പറയുന്നു.
സംഭവ സ്ഥലത്ത് രണ്ടു പാസഞ്ചര്‍ ട്രെയിനുകളുകളുടെയും ഗുഡ്‌സ് ട്രെയിനിന്റെയും ബോഗികള്‍ ചിതറിക്കിടക്കുമ്പോഴും ഒരു ട്രെയിന്‍ മാത്രമാണ് അപകടത്തില്‍ പെട്ടതെന്നാണ് അവര്‍ വിശദീകരിക്കുന്നത്.
COMMENTS