Even as the world waits in prayer, there is no news about the missing Titan probe. There is only one day's worth of air left for five people to breath
t
എം രാഖി
ന്യൂയോര്‍ക് : ലോകമാകെ പ്രാര്‍ത്ഥനയോടെ കാത്തിരിക്കുമ്പോഴും ടൈറ്റാനിക് കപ്പലിന്റെ അവശിഷ്ടങ്ങള്‍ കാണാന്‍ പോയി അപ്രത്യക്ഷമായ ടൈറ്റന്‍ പേടകത്തെക്കുറിച്ച് വിവരമൊന്നുമില്ല.
മുങ്ങിക്കപ്പല്‍ എന്നു പറയാനാവാത്ത പേടകത്തില്‍ അഞ്ചു പേര്‍ക്ക് ശ്വസിക്കാനായി ഒരു ദിവസത്തെ വായു കൂടിയാണ് ബാക്കിയുള്ളത്.
ഇതിനിടെ ചെറിയ പ്രതീക്ഷ പകര്‍ന്ന് കടലില്‍ നിന്നുള്ള അസാധാരണ ശബ്ദം ഒരു കനേഡിയന്‍ നിരീക്ഷണ വിമാനം പിടിച്ചെടുത്തു. ഇത് ടൈറ്റനില്‍ നിന്നുള്ളതു തന്നെയാണോ എന്നു വ്യക്തമല്ല.
30 മിനിറ്റ് ഇടവിട്ട് ശബ്ദം കിട്ടിയിരുന്നു. യുഎസ് കോസ്റ്റ് ഗാര്‍ഡും ഇക്കാര്യം സ്ഥിരീകരിച്ചു. ഇത് കുടുങ്ങിയ കപ്പലില്‍ നിന്നാണോ വരുന്നത് എന്ന് യുഎസ് നാവികസേനയ്ക്കും ഇതുവരെ സ്ഥിരീകരിക്കാന്‍ കഴിഞ്ഞില്ല. ഞായറാഴ്ച രാവിലെ എട്ടു മണിക്കാണ് കാണാതായത്.
യുഎസ് കോസ്റ്റ് ഗാര്‍ഡ് ഫസ്റ്റ് ഡിസ്ട്രിക്റ്റ് റെസ്പോണ്‍സ് കോ ഓര്‍ഡിനേറ്റര്‍ ജാമി ഫ്രെഡറിക് കൂടുതല്‍ ശബ്ദങ്ങള്‍ കേട്ടതായി സ്ഥിരീകരിച്ചു. കേട്ട ശബ്ദങ്ങള്‍ നാവികസേനയിലെ വിദഗ്ധരുടെ സംഘം വിശകലനം ചെയ്യുകയാണ്.'പ്രതീക്ഷയ്ക്ക്' ഇനിയും കാരണമുണ്ടെന്ന് ഫ്രെഡറിക് പറഞ്ഞു. കണക്റ്റിക്കട്ട് സംസ്ഥാനത്തിന്റെ ഇരട്ടി വലുപ്പമുള്ള പ്രദേശമാകെ അരിച്ചുപെറുക്കുകയാണെന്ന് അദ്ദേഹം പറഞ്ഞു.Deep-sea exploration began over 150 years ago but the ocean remains vastly unexplored. Our mission is to explore more and to share the experience of discovery with citizen explorers worldwide - starting with the #Titanic. #OceanExplorationDay
— OceanGate Expeditions (@OceanGateExped) January 23, 2023
Learn more: https://t.co/DbE7tSyRWI pic.twitter.com/bH5Tr4silH
യു.എസ് കോസ്റ്റ് ഗാര്‍ഡ്, കനേഡിയന്‍ ജോയിന്റ് റെസ്‌ക്യൂ സെന്റര്‍, ഫ്രാന്‍സില്‍ നിന്നുള്ള ഗവേഷണ കപ്പലുകള്‍ എന്നിവ മുങ്ങിക്കപ്പല്‍ കണ്ടെത്താന്‍ തീവ്രശ്രമത്തിലാണ്.
മുങ്ങിക്കപ്പലുകള്‍ക്ക് സമാനവും എന്നാല്‍ വളരെ പരിമിതമായ പരിധിക്കുള്ളില്‍ സഞ്ചരിക്കാന്‍ കഴിയുന്നതുമാണ് ഈ പേടകം.The #Titanic's debris field tells the human story of the ship in a way no other area of the wreck can. Learn more about our efforts to explore it and to preserve Titanic's legacy: https://t.co/F7OtKI0En7 pic.twitter.com/F09mWXcYBi
— OceanGate Expeditions (@OceanGateExped) January 31, 2023
പേടകത്തില്‍ ജീവന്റെ സാധ്യതയുള്ള സൂചനകള്‍ ലഭിച്ചുവെന്ന് രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുന്ന എക്സ്പ്ലോറേഴ്സ് ക്ലബ് പറഞ്ഞു.
കാര്‍ബണ്‍ ഫൈബറും ടൈറ്റാനിയവും കൊണ്ട് നിര്‍മ്മിച്ച 6.7 മീറ്റര്‍ നീളമുള്ളതാണ് പേടകം. വടക്കന്‍ അറ്റ്ലാന്റിക്കിലെ 20,000 ചതുരശ്ര കിലോമീറ്റര്‍ പ്രദേശത്ത് തിരച്ചില്‍ നടക്കുകയാണ്. പ്രതികൂല കാലാവസ്ഥ തിരച്ചില്‍ ദുഷ്‌കരമാക്കുന്നു. ശക്തമായ ജലാന്തര പ്രവാഹങ്ങളുള്ള മേഖലയാണിത്. പേടകം ഒഴുക്കില്‍ പെട്ടു പോയിരിക്കുമോ എന്ന ആശങ്കയുമുണ്ട്.
"If you want to go to the bottom of the ocean, this is the way to do it."
— OceanGate Expeditions (@OceanGateExped) January 20, 2023
Learn how you can join our 2023 Titanic Expedition as a Mission Specialist: https://t.co/F7OtKI0En7 #titanic pic.twitter.com/Zy9sAFO3N1
പ്രമുഖ പാകിസ്ഥാനി വ്യവസായി ഷഹ്സാദ ദാവൂദും അദ്ദേഹത്തിന്റെ മകനും ആക്ഷന്‍ ഏവിയേഷന്‍ ചെയര്‍മാന്‍ ഹാമിഷ് ഹാര്‍ഡിംഗും മുങ്ങിക്കപ്പലില്‍ ഉള്ള അഞ്ചുപേരില്‍ ഉള്‍പ്പെടുന്നു.
ചാള്‍സ് രാജാവിന്റെ ചാരിറ്റി പ്രസ്ഥാനമായ പ്രിന്‍സ് ട്രസ്റ്റ് ഇന്റര്‍നാഷണലിന്റെ ദീര്‍ഘകാല പിന്തുണക്കാരനാണ് ഷഹ്സാദ ദാവൂദ്. തിരച്ചില്‍ സംബന്ധിച്ച് ബ്രിട്ടനിലെ ചാള്‍സ് രാജാവിനെ അറിയിക്കാന്‍ ആവശ്യപ്പെട്ടതായി ബക്കിംഗ്ഹാം കൊട്ടാരം വൃത്തങ്ങള്‍ അറിയിച്ചു.
Summary: Even as the world waits in prayer, there is no news about the missing Titan probe. There is only one day's worth of air left for five people to breathe in an ark that cannot be called a submarine. Prominent Pakistani businessman Shahzada Dawood and his son, chairman of Action Aviation Hamish Harding are among the five aboard the submarine.
COMMENTS