ചോദ്യംചെയ്യലിലുള്ള ശിവശങ്കറിന്റെ നിസഹകരണം: ചാര്‍ട്ടേഡ് അക്കൗണ്ടന്റ് വേണുഗോപാല്‍ അയ്യര്‍ക്ക് നോട്ടീസ് അയച്ച് ഇ.ഡി

ED's notice to Sivasanker's Chartered accountant

കൊച്ചി: ലൈഫ് മിഷന്‍ കോഴയിടപാടുമായി ബന്ധപ്പെട്ട് എം.ശിവശങ്കറിന്റെ സുഹൃത്തായ ചാര്‍ട്ടേഡ് അക്കൗണ്ടന്റ് വേണുഗോപാല്‍ അയ്യര്‍ക്ക് നോട്ടീസ് അയച്ച് എന്‍ഫോഴ്‌സ്‌മെന്റ് ഡയറക്ടറേറ്റ്. നാളെ ചോദ്യംചെയ്യലിന് ഹാജരാകാനാണ് നിര്‍ദ്ദേശം. 

അറസ്റ്റിലായ ശിവശങ്കറിന്റെ ചോദ്യംചെയ്യലിലുള്ള നിസഹകരണ മനോഭാവം പൊളിക്കാനായി ഇരുവരെയും ഒന്നിച്ചിരുത്തി ചോദ്യംചെയ്യനാണ് ഇഡിയുടെ നീക്കം. 

ശിവശങ്കറിന്റെ നിര്‍ദ്ദേശപ്രകാരം വേണുഗോപാല്‍ സ്വപ്ന സുരേഷിനായി സംയുക്ത അക്കൗണ്ടില്‍ ലോക്കര്‍ തുടങ്ങിയ ശേഷം വിവരം ശിവശങ്കറിനെ അറിയിച്ചിരുന്നതായി സ്വപ്ന മൊഴി നല്‍കിയിരുന്നു. എന്നാല്‍ ഇത് ശിവശങ്കര്‍ നിഷേധിച്ചതിനെ തുടര്‍ന്നാണ് നടപടി.

കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് ഇ.ഡി ശിവശങ്കറെ അറസ്റ്റ് ചെയ്തിരിക്കുന്നത്. കഴിഞ്ഞ ദിവസം കോടതിയില്‍ ഹാജരാക്കിയ ശവശങ്കറിനെ അഞ്ചു ദിവസത്തെ ഇ.ഡി കസ്റ്റഡിയില്‍ വിട്ടിരിക്കുകയാണ്. അന്വേഷണവുമായി ഒരു തരത്തിലും സഹകരിക്കില്ലെന്ന നിലപാടിലാണ് ശിവശങ്കര്‍. ഇയാളെ ഇന്നും ഇ.ഡി ചോദ്യം ചെയ്യും.

Keywords: ED, Sivasankar, Notice, Chartered accountant