തരൂരിനെ വിലക്കിയത് അപമാനമെന്ന് എം കെ രാഘവന്‍, എതിരാളികളുടെ കുപ്രചരണണെന്ന് സുധാകരന്‍

Youth Congress withdrew from the seminar in which MP Shashi Tharoor participated has become controversy

സ്വന്തം ലേഖകന്‍

കോഴിക്കോട്: ശശി തരൂര്‍ എം പിയെ പങ്കെടുപ്പിച്ചുള്ള സെമിനാറില്‍ നിന്ന് യൂത്ത് കോണ്‍ഗ്രസ് പിന്‍മാറിയതു വന്‍ വിവാദമായി മാറുന്നു.

ഇതേസമയം, തരൂരിനെ യൂത്ത് കോണ്‍ഗ്രസ് പരിപാടിയില്‍ പങ്കെടുക്കുന്നതില്‍ വിലക്കിയിട്ടില്ലെന്ന് കെപിസിസി അദ്ധ്യക്ഷന്‍ കെ സുധാകരന്‍ പറഞ്ഞു. ശശി തരൂര്‍ കോണ്‍ഗ്രസ് പാര്‍ട്ടിയുടെ സമുന്നത നേതാവാണ്. അദ്ദേഹത്തെ വിലക്കാന്‍ കെപിസിസി ശ്രമിക്കില്ലെന്നും തരൂരിന് കേരളത്തിലെവിടെയും വേദിയൊരുക്കാന്‍ കെപിസിസി നേതൃത്വം തയ്യാറാണെന്നും സുധാകരന്‍ പറഞ്ഞു. 

എന്നാല്‍, യൂത്ത് കോണ്‍ഗ്രസ് നടപടി പാര്‍ട്ടിക്ക് നാണക്കേടായെന്ന് എംകെ രാഘവന്‍ എം പി  പറഞ്ഞു. സംഘപരിവാറിനെതിരായ പാര്‍ട്ടി ആശയത്തെ വിലക്ക്  കളങ്കപ്പെടുത്തും. 

സമ്മര്‍ദ്ദം മൂലമാണ് പന്മാറ്റമെന്ന് യൂത്ത് കോണ്‍ഗ്രസ് നേതാക്കള്‍ പറഞ്ഞു. കോണ്‍ഗ്രസിന്റെ തിരിച്ചുവരവിന് തരൂര്‍ വേണമെന്നും എംകെ രാഘവന്‍ പറഞ്ഞു. 

'സംഘപരിവാറും മതേതരത്വം നേരിടുന്ന വെല്ലുവിളികളും' എന്ന വിഷയത്തില്‍ നടത്താനിരുന്ന സെമിനാറില്‍ നിന്നാണ് കോഴിക്കോട് യൂത്ത് കോണ്‍ഗ്രസ് യൂണിറ്റ് ഇന്നലെ പിന്‍മാറിയത്. 

ഇതോടെ, എം കെ രാഘവന്‍ ഇടപെട്ട് കൊടുവള്ളി കേന്ദ്രമായുള്ള ജവാഹര്‍ യൂത്ത് ഫൗണ്ടേഷന്‍ പരിപാടി ഏറ്റെടുത്തു. കോഴിക്കോട് ഡിസിസി ഓഫീസില്‍നിന്ന് പരിപാടി കെ പി കേശവമേനോന്‍ സ്മാരക ഹാളിലേക്ക് മാറ്റി.

ഇതേസമയം, കെപിസിസി നേതൃത്വം ശശി തരൂരിനെ തടഞ്ഞുവെന്ന വാര്‍ത്ത അടിസ്ഥാനരഹിതമാണെന്ന് അധ്യക്ഷന്‍ കെ സുധാകരന്‍ പറഞ്ഞു.

കേരളത്തില്‍ എവിടെയും  തരൂരിന് രാഷ്ട്രീയ വേദി നല്‍കാന്‍ കെപിസിസി നേതൃത്വം പൂര്‍ണ്ണമനസ്സോടെ തയ്യാറാണ്. എതിരാളികളുടെ വ്യാജ പ്രചാരണങ്ങള്‍ പ്രവര്‍ത്തകര്‍ തള്ളണമെന്നും സുധാകരന്‍ പറഞ്ഞു. 

Summary: Youth Congress withdrew from the seminar in which MP Shashi Tharoor participated has become  controversy. MK Raghavan MP said that Youth Congress action is a shame for the party. The ban will taint the party concept against the Sangh Parivar.