പാലക്കാട്: വാളയാര് കേസ് അട്ടിമറിച്ച ഉദ്യോഗസ്ഥര്ക്കെതിരെ നടപടിയെടുക്കാത്തതില് പ്രതിഷേധിച്ച് തല മുണ്ഡനം ചെയ്ത് വാളയാര് പെണ്കുട്ടികളുടെ...
പാലക്കാട്: വാളയാര് കേസ് അട്ടിമറിച്ച ഉദ്യോഗസ്ഥര്ക്കെതിരെ നടപടിയെടുക്കാത്തതില് പ്രതിഷേധിച്ച് തല മുണ്ഡനം ചെയ്ത് വാളയാര് പെണ്കുട്ടികളുടെ അമ്മ.
ഈ ആവശ്യമുന്നയിച്ച് ഒരു മാസമായി സമരം ചെയ്യുകയാണ് അവര്. സ്ത്രീകള്ക്കും കുട്ടികള്ക്കും നീതി വേണം എന്ന മുദ്രാവാക്യം ഉയര്ത്തിക്കൊണ്ടായിരുന്നു പ്രതിഷേധം.
തിരഞ്ഞെടുപ്പ് തീയതി പ്രഖ്യാപിക്കുന്നതിനു മുന്പ് കേസ് അട്ടിമറിച്ച ഉദ്യോഗസ്ഥര്ക്കെതിരെ നടപടി ഉണ്ടായില്ലെങ്കില് തല മുണ്ഡനം ചെയ്യുമെന്ന് അവര് നേരത്തെ വ്യക്തമാക്കിയിരുന്നു. അവര്ക്ക് ഐക്യദാര്ഢ്യം പ്രഖ്യാപിച്ചുകൊണ്ട് സാമൂഹ്യപ്രവര്ത്തകരായ ബിന്ദു കമലനും സലീന പ്രക്കാനവും തല മുണ്ഡനം ചെയ്തു.
സ്ത്രീ സുരക്ഷ എവിടെയെന്ന് സര്ക്കാര് മറുപടിപറയണമെന്നും എല്ലാ ജില്ലകളിലും സഞ്ചരിച്ച് പ്രതിഷേധിക്കുമെന്നും ജനങ്ങള് തനിക്കൊപ്പം നില്ക്കുമെന്നാണ് പ്രതീക്ഷിക്കുന്നതെന്നും കുട്ടികളുടെ അമ്മ വ്യക്തമാക്കി.
Keywords: Walayar case, Mother, Government, Police
COMMENTS