കാറപടകത്തില്‍ നടി ശബാന അസ്മിക്കു പരിക്ക്, അപകടം മുംബയ്-പുണെ ഹൈവേയില്‍, പരിക്ക് ഗുരുതരമല്ലെന്ന് സൂചന

മുംബയ്:  മുംബയ്- പുണെ എക്‌സ്പ്രസ് ഹൈവേയിലുണ്ടായ അപകടത്തില്‍ നടി ശബാന അസ്മിക്കു പരിക്കേറ്റു. മുംബയിലേക്കു പോവുകയായിരുന്നു ശബാന. ഓവര്‍ട...

മുംബയ്:  മുംബയ്- പുണെ എക്‌സ്പ്രസ് ഹൈവേയിലുണ്ടായ അപകടത്തില്‍ നടി ശബാന അസ്മിക്കു പരിക്കേറ്റു.

മുംബയിലേക്കു പോവുകയായിരുന്നു ശബാന. ഓവര്‍ടേക്ക് ചെയ്യാന്‍ ശ്രമിക്കുന്നതിനിടെ, ശബാന യാത്രചെയ്തിരുന്ന കാര്‍ ട്രക്കിലേക്ക് ഇടിച്ചുകയറുകയായിരുന്നു.

വൈകുന്നേരം നാലു മണിയോടെ ഖലാപൂര്‍ ടോള്‍ ബൂത്തിന് രണ്ട് കിലോമീറ്റര്‍ മുമ്പാണ് അപകടം നടന്നതെന്ന് മഹാരാഷ്ട്ര ട്രാഫിക് പൊലീസ് പറഞ്ഞു. കാറിന്റെ മുന്നിലാണ് ശബാന ഇരുന്നത്. കഴുത്തിനും താടിയിലും കണ്ണിനു സമീപവും മുഖത്തും പരിക്കുണ്ടെന്ന് പൊലീസ് പറഞ്ഞു.

അസ്മിയുടെ ഭര്‍ത്താവും ഗാനരചയിതാവുമായ ജാവേദ് അക്തര്‍ മറ്റൊരു കാറില്‍ പിന്നാലെയുണ്ടായിരുന്നു. അദ്ദേഹത്തിന്റെ കാര്‍ സുരക്ഷിതമായിരുന്നു.

പൊലീസ് എത്തുന്നതിനു മുന്‍പു തന്നെ അസ്മിയെ കമോതെയിലെ എംജിഎം ആശുപത്രിയില്‍ പ്രവേശിപ്പിച്ചു.

ശബാനയുടെ അപകട വാര്‍ത്തയറിഞ്ഞ് നിരവധി ബോളിവുഡ് താരങ്ങള്‍ അവര്‍ പെട്ടെന്നു സുഖം പ്രാപിക്കട്ടെയെന്നുപറഞ്ഞ് ട്വീറ്റ് ചെയ്തു.

Summary: Actress Shabana Azmi hurt in road accident on Mumbai-Pune Expressway. Her car was hit by a truck from behind on Pune-Mumbai Expressway near Khalapur toll plaza. The actress has been admitted to MGM Hospital Panvel, Maharashtra.

Keywords: Summary: Actress Shabana Azmi,  Mumbai-Pune Expressway, Truck, Khalapur toll plaza, MGM Hospital Panvel, Maharashtra, Javed Akthar