നെല്‍വയല്‍ തണ്ണീത്തട നിയമത്തില്‍ നിലവിലുള്ള നിയമം തന്നെ തുടരും

തിരുവനന്തപുരം: നെല്‍വയല്‍, തണ്ണീര്‍ത്തട നിയമത്തില്‍ നഗരപ്രദേശങ്ങളില്‍ നിലിവിലുള്ള നിയമം തന്നെ തുടരും. റവന്യൂ മന്ത്രിയാണ് ഇക്കാര്യം അറിയിച...

തിരുവനന്തപുരം: നെല്‍വയല്‍, തണ്ണീര്‍ത്തട നിയമത്തില്‍ നഗരപ്രദേശങ്ങളില്‍ നിലിവിലുള്ള നിയമം തന്നെ തുടരും. റവന്യൂ മന്ത്രിയാണ് ഇക്കാര്യം അറിയിച്ചത്. നിയമത്തില്‍ ഇളവു വരുത്താനായി മുഖ്യമന്ത്രി ഉഭയകക്ഷി യോഗം വിളിച്ചിരുന്നു. എന്നാല്‍ ഈ യോഗത്തില്‍ സി.പി.ഐയുടെ കടുത്ത എതിര്‍പ്പിനെത്തുടര്‍ന്നാണ് തീരുമാനം.

തിരുവനന്തപുരം, എറണാകുളം നഗരങ്ങളെ നിയമത്തില്‍നിന്ന് ഒഴിവാക്കാനായിരുന്നു നീക്കം. നെല്‍വയല്‍നിയമ ഭേദഗതി നിയമസഭയുടെ സബ്ജക്ട് കമ്മറ്റി പരിഗണിക്കുന്നതിനിടയിലാണ് നിയമത്തില്‍ പഴുതുകള്‍ ഉണ്ടാക്കി നഗര പ്രദേശങ്ങളെ ഒഴിവാക്കാനുള്ള നീക്കം ഉണ്ടായത്. വി.എസ് അച്യുതാനന്ദന്റെ കാലത്താണ് ഈ നിയമം കൊണ്ടുവന്നത്. അതില്‍ മാറ്റം വരുത്താനാണ് ഇപ്പോഴത്തെ മന്ത്രിസഭ ശ്രമിച്ചത്.