Search

ശബരിമലയില്‍ നിരോധനാജ്ഞ തുടരാമെന്ന് ഹൈക്കോടതി, സമരം പാടില്ല, നിരീക്ഷണത്തിന് സമിതി


കൊച്ചി: ശബരിലയില്‍ ഇപ്പോഴത്തെ നിരോധനാജ്ഞ തുടരാമെന്ന് ഹൈക്കോടതി. ഈ വിഷയത്തിലെ വിവിധ കേസുകള്‍ തീര്‍പ്പാക്കിക്കൊണ്ടാണ് കോടതി ഇക്കാര്യം വ്യക്തമാക്കിയത്.

നിലവിലെ നിരോധനാജ്ഞയില്‍ ഇടപെടില്ലെന്നും കോടതി പറഞ്ഞഞു. ഇതോടൊപ്പം മണ്ഡലകാലത്തെ ശബരിമലയിലെ സ്ഥിതിഗതികള്‍ നിരീക്ഷിക്കുന്നതിനായി ഹൈക്കോടതി മുന്‍ ജഡ്ജിമാരായ ജസ്റ്റിസ് സിരിജഗന്‍, ജസ്റ്റിസ് പി ആര്‍ രാമന്‍ , ഹേമചന്ദ്രന്‍ ഐപിഎസ് എന്നിവരെ  കോടതി നിയോഗിക്കുകയും ചെയ്തു.

ശബരിമല കേസ് രണ്ടാഴ്ച കഴിഞ്ഞ് വീണ്ടും പരിഗണിക്കും. ജസ്റ്റിസ് പി ആര്‍ രാമചന്ദ്ര മേനോന്‍, ജസ്റ്റിസ്  എന്‍ അനില്‍കുമാര്‍ എന്നിവരുള്‍പ്പെട്ട ബെഞ്ചിന്റേതാണ് വിധി.

മറ്റു നിര്‍ദ്ദേശങ്ങള്‍:
* സന്നിധാനത്തും പരിസരത്തും തിരക്ക് നിയന്തിക്കാന്‍ നടപടിയാവാം.
* വിശ്രമിക്കുന്നവരെയും അല്ലാത്ത തീര്‍ത്ഥാടകരെയും വേര്‍തിരിക്കാന്‍ നടപടി വേണം.
* ഭക്തരുടെ തീര്‍ത്ഥാടന സൗകര്യങ്ങള്‍ തടയാന്‍ പാടില്ല.
* കുട്ടികള്‍ സ്ത്രീകള്‍, വികലാംഗര്‍, മുതിര്‍ന്ന പൗരന്മാര്‍ എന്നിവര്‍ക്ക് നടപ്പന്തല്‍ വിശ്രമത്തിന് അനുവദിക്കണം.
* നടപ്പന്തല്‍ തീര്‍ത്ഥാടകര്‍ക്ക്  വിശ്രമിക്കാനുള്ളതാണെന്ന് പൊലീസും ഓര്‍ക്കണം.
* നിലയ്ക്കലില്‍ നിന്നുള്ള സര്‍വീസ് കെഎസ്ആര്‍ടിസി മുടക്കാന്‍ പാടില്ല.
* തിരക്ക് നിയന്ത്രിക്കാനുള്ള നടപടികള്‍ പൊലീസ് അതിരുകടക്കാതെ ചെയ്യണം.
* യുദ്ധകാല അടിസ്ഥാനത്തില്‍ പമ്പയില്‍ ശൗചാലയങ്ങള്‍ സ്ഥാപിക്കണം.
* ധര്‍ണ്ണയും പ്രകടനവും തീര്‍ത്ഥാടനത്തിന്റെ മറവില്‍ പാടില്ല. ഇതുണ്ടായാല്‍ പൊലീസിന് ഇടപെടാം.

Keywords: Sabarimala, Lord Ayyappa, High court, Police




vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ ശബരിമലയില്‍ നിരോധനാജ്ഞ തുടരാമെന്ന് ഹൈക്കോടതി, സമരം പാടില്ല, നിരീക്ഷണത്തിന് സമിതി