ലോകമാകെ ഇന്ധന പ്രതിസന്ധി : വർക്ക് ഫ്രം ഹോം വീണ്ടും തുടങ്ങണം; ഒരു വർഷത്തേക്ക് സ്വർണം വാങ്ങരുത്, പ്രത്യേക നിർദേശവുമായി പ്രധാനമന്ത്രി മോദി

ന്യൂഡൽഹി : ലോകമാകെ ഇന്ധന പ്രതിസന്ധി ഉണ്ടായിരിക്കെ ശ്രദ്ധേയമായ പ്രതികരണവുമായി പ്രധാനമന്ത്രി. വർക്ക് ഫ്രം ഹോം വീണ്ടും തുടങ്ങണമെന്ന് പ്രധാനമന്ത...

ന്യൂഡൽഹി : ലോകമാകെ ഇന്ധന പ്രതിസന്ധി ഉണ്ടായിരിക്കെ ശ്രദ്ധേയമായ പ്രതികരണവുമായി പ്രധാനമന്ത്രി. വർക്ക് ഫ്രം ഹോം വീണ്ടും തുടങ്ങണമെന്ന് പ്രധാനമന്ത്രി നരേന്ദ്ര മോദിയുടെ അഭ്യർഥന. ഇന്ധനച്ചെലവ് കുറക്കാൻ ഇത് സഹായിക്കും. 

നമ്മുടെ വിദേശനാണ്യത്തെ സംരക്ഷിക്കാനായി ഒരു വർഷത്തേക്ക് സ്വർണം വാങ്ങരുതെന്നും പ്രധാനമന്ത്രി ജനങ്ങളോട് അഭ്യർഥിച്ചു. ദേശീയതാൽപര്യം മുൻനിർത്തി വർക്ക് ഫ്രം ഹോം, ഓൺലൈൻ കോൺഫറൻസ്, വിർച്വൽ മീറ്റീങ് എന്നിവ വീണ്ടും തുടങ്ങണം. പെട്രോൾ,ഡീസൽ വില വലിയ രീതിയിൽ ഉയരുകയാണ്. വിനോദസഞ്ചാരത്തിനായുള്ള വിദേശയാത്രകളും വിദേശരാജ്യങ്ങളിലെ വിവാഹാഘോഷങ്ങളും ഒരു വർഷത്തേക്ക് മാറ്റിവയ്ക്കണമെന്ന് അദ്ദേഹം അഭ്യർത്ഥിച്ചു. പാചക എണ്ണയുടെ ഉപയോഗം 10 ശതമാനം കുറയ്ക്കുക, രാസവളങ്ങളുടെ ഉപയോഗം കുറച്ച് പ്രകൃതി കൃഷിയിലേക്ക് മാറാൻ കർഷകർ ശ്രദ്ധിക്കുക എന്നിവയും അദ്ദേഹം നിർദ്ദേശിച്ചിട്ടുണ്ട്.

ഈയൊരു സാഹചര്യത്തിൽ നമ്മുടെ വിദേശനാണ്യം സംരക്ഷിക്കുകയെന്നത് എല്ലാവരുടേയും ഉത്തരവാദിത്തമാണെന്നും പ്രധാനമന്ത്രി പറഞ്ഞു. രാജ്യാന്തര വിപണിയിൽ എണ്ണ വില വലിയ രീതിയിൽ ഉയരുന്നതിനിടെയാണ് പ്രധാനമന്ത്രിയുടെ അഭ്യർഥന.

Key Words : Work from hom, Gold , PM Modi