വനിതാ ടി20 ലോകകപ്പ്: ഹർമൻപ്രീത് ടീമിനെ നയിക്കും; പുതുമുഖങ്ങളുമായി ഇന്ത്യ കിരീടപ്പോരിന്

മുംബൈ: 2026 ജൂണിൽ ഇംഗ്ലണ്ടിലും വെയിൽസിലുമായി നടക്കാനിരിക്കുന്ന വനിതാ ടി20 ലോകകപ്പിനുള്ള 15 അംഗ ഇന്ത്യൻ ടീമിനെ ബിസിസിഐ (BCCI) പ്രഖ്യാപിച്ചു. ...

മുംബൈ: 2026 ജൂണിൽ ഇംഗ്ലണ്ടിലും വെയിൽസിലുമായി നടക്കാനിരിക്കുന്ന വനിതാ ടി20 ലോകകപ്പിനുള്ള 15 അംഗ ഇന്ത്യൻ ടീമിനെ ബിസിസിഐ (BCCI) പ്രഖ്യാപിച്ചു. അനുഭവസമ്പന്നയായ ഹർമൻപ്രീത് കൗർ ടീമിനെ നയിക്കുമ്പോൾ, സ്റ്റാർ ഓപ്പണർ സ്മൃതി മന്ദാനയാണ് വൈസ് ക്യാപ്റ്റൻ.വനിതാ പ്രീമിയർ ലീഗിലെ (WPL) തകർപ്പൻ പ്രകടനത്തിലൂടെ ശ്രദ്ധേയയായ പേസർ നന്ദിനി ശർമ്മയെയും ബാറ്റർ ഭാരതി ഫുൽമാലിയെയും ടീമിൽ ഉൾപ്പെടുത്തിയിട്ടുണ്ട്. വിക്കറ്റ് കീപ്പർ ബാറ്റർ റിച്ച ഘോഷും ടീമിലുണ്ട്. 

എന്നാൽ പരിക്കിനെത്തുടർന്ന് അമൻജോത് കൗർ, കശ്‌വീ ഗൗതം എന്നിവർക്ക് ടീമിൽ ഇടം നേടാനായില്ല.ശ്രേയങ്ക പാട്ടീൽ, രാധാ യാദവ്, ദീപ്തി ശർമ്മ എന്നിവർ നയിക്കുന്ന സ്പിൻ നിരയും രേണുക സിംഗ് താക്കൂർ നയിക്കുന്ന പേസ് നിരയുമാണ് ടീമിന്റെ കരുത്ത്. 

ജൂൺ 14-ന് പാകിസ്താനെതിരെയുള്ള ആവേശകരമായ പോരാട്ടത്തോടെയാണ് ഇന്ത്യയുടെ ലോകകപ്പ് യാത്ര തുടങ്ങുന്നത്. ഗ്രൂപ്പ് എയിൽ ഓസ്‌ട്രേലിയ, ദക്ഷിണാഫ്രിക്ക, ബംഗ്ലാദേശ്, നെതർലൻഡ്‌സ് എന്നിവരാണ് ഇന്ത്യയുടെ മറ്റ് എതിരാളികൾ.

ഇന്ത്യൻ ടീം: ഹർമൻപ്രീത് കൗർ (ക്യാപ്റ്റൻ), സ്മൃതി മന്ദാന (വൈസ് ക്യാപ്റ്റൻ), ഷഫാലി വർമ്മ, ജെമീമ റോഡ്രിഗസ്, റിച്ച ഘോഷ്, യാസ്തിക ഭാട്ടിയ, ദീപ്തി ശർമ്മ, ഭാരതി ഫുൽമാലി, രാധാ യാദവ്, ശ്രേയങ്ക പാട്ടീൽ, ശ്രീ ചരണി, രേണുക സിംഗ് താക്കൂർ, അരുന്ധതി റെഡി, ക്രാന്തി ഗൗഡ്, നന്ദിനി ശർമ്മ.

Key Words : Women's T20 World Cup, Harmanpreet, Team India