എയർഹോസ്റ്റസിനൊപ്പം തമിഴ്‌നാട് മുഖ്യമന്ത്രി; വിജയിയുടെ ചിത്രം സോഷ്യൽ മീഡിയയിൽ വൈറൽ

ചെന്നൈ: തമിഴ്‌നാട് മുഖ്യമന്ത്രി സി. ജോസഫ് വിജയ് (നടൻ വിജയ്) വിമാനത്തിലെ കാബിൻ ക്രൂ അംഗത്തിനൊപ്പം നിൽക്കുന്ന ചിത്രം സോഷ്യൽ മീഡിയയിൽ തരംഗമാകുന...

ചെന്നൈ: തമിഴ്‌നാട് മുഖ്യമന്ത്രി സി. ജോസഫ് വിജയ് (നടൻ വിജയ്) വിമാനത്തിലെ കാബിൻ ക്രൂ അംഗത്തിനൊപ്പം നിൽക്കുന്ന ചിത്രം സോഷ്യൽ മീഡിയയിൽ തരംഗമാകുന്നു. മുഖ്യമന്ത്രിയായി ചുമതലയേറ്റ ശേഷമുള്ള തന്റെ ആദ്യ ഔദ്യോഗിക ഡൽഹി സന്ദർശനം പൂർത്തിയാക്കി മടങ്ങുന്നതിനിടെയാണ് വിമാനത്തിൽ വെച്ച് ഈ ചിത്രം പകർത്തിയത്.വിമാനത്തിലെ എയർഹോസ്റ്റസായ ഉമ മീനാക്ഷി തന്റെ ഇൻസ്റ്റാഗ്രാം പേജിലൂടെയാണ് ചിത്രം പങ്കുവെച്ചത്. 

ഒപ്പമുള്ളത് തമിഴ്‌നാടിന്റെ മുഖ്യമന്ത്രിയാണെങ്കിലും, തന്റെ പ്രിയപ്പെട്ട 'ദളപതി'യെ തൊട്ടടുത്ത് കിട്ടിയ സന്തോഷത്തിലാണ് അവർ ചിത്രം പോസ്റ്റ് ചെയ്തത്."ബഹുമാനപ്പെട്ട തമിഴ്‌നാട് മുഖ്യമന്ത്രി ശ്രീ സി. ജോസഫ് വിജയ് (നമ്മുടെ സ്വന്തം ദളപതി) വിമാനത്തിൽ ഒപ്പമുണ്ടായിരുന്നതിനാൽ ഇന്നത്തെ ക്രൂ ഡ്യൂട്ടി ഏറെ സവിശേഷമായി മാറി" എന്ന് ഉമ ചിത്രത്തിനൊപ്പം കുറിച്ചു.

സത്യപ്രതിജ്ഞാ ചടങ്ങിൽ ധരിച്ചിരുന്നതുപോലെ, കറുപ്പും വെളുപ്പും ചേർന്ന ലളിതമായ ഫോർമൽ വസ്ത്രം ധരിച്ചാണ് വിജയ് ചിത്രത്തിലുള്ളത്. മുഖ്യമന്ത്രി പദവിയിൽ എത്തിയിട്ടും സാധാരണക്കാരോട് വിജയ് കാണിക്കുന്ന എളിമയെയും വിനയത്തെയും പ്രശംസിച്ച് ലക്ഷക്കണക്കിന് ആരാധകരാണ് ചിത്രത്തിന് താഴെ കമന്റുകളുമായി എത്തിയിരിക്കുന്നത്.

മുഖ്യമന്ത്രിയായ ശേഷം ആദ്യമായി ഡൽഹിയിലെത്തിയ വിജയ്, പ്രധാനമന്ത്രി നരേന്ദ്ര മോദിയുമായും മറ്റ് കേന്ദ്രമന്ത്രിമാരുമായും കൂടിക്കാഴ്ച നടത്തി തമിഴ്‌നാടിന്റെ വികസന പദ്ധതികൾ ചർച്ച ചെയ്തിരുന്നു. ഈ ഔദ്യോഗിക യാത്രയ്ക്ക് ശേഷമുള്ള മടക്കയാത്രയിലാണ് വിമാന ജീവനക്കാരെയും യാത്രക്കാരെയും ഒരുപോലെ അത്ഭുതപ്പെടുത്തിക്കൊണ്ട് വിജയ് ചിത്രം പകർത്താൻ തയാറായത്.

Key Words : Tamil Nadu, Vijay, Social Media Viral