പ്രീ-ലോഞ്ച് പരീക്ഷണത്തിനിടെ ബ്ലൂ ഒറിജിന്റെ ‘ന്യൂ ഗ്ലെൻ’ റോക്കറ്റ് പൊട്ടിത്തെറിച്ചു; വൻ നാശനഷ്ടം

ഫ്ലോറിഡ: ആമസോൺ സ്ഥാപകൻ ജെഫ് ബെസോസിന്റെ ബഹിരാകാശ ഗവേഷണ കമ്പനിയായ ‘ബ്ലൂ ഒറിജിന്റെ’ അത്യാധുനിക ‘ന്യൂ ഗ്ലെൻ’ റോക്കറ്റ് പരീക്ഷണത്തിനിടെ പൊട്ടിത്ത...

ഫ്ലോറിഡ: ആമസോൺ സ്ഥാപകൻ ജെഫ് ബെസോസിന്റെ ബഹിരാകാശ ഗവേഷണ കമ്പനിയായ ‘ബ്ലൂ ഒറിജിന്റെ’ അത്യാധുനിക ‘ന്യൂ ഗ്ലെൻ’ റോക്കറ്റ് പരീക്ഷണത്തിനിടെ പൊട്ടിത്തെറിച്ചു. ഫ്ലോറിഡയിലെ കേപ് കനാവറല് സ്പേസ് ഫോഴ്സ് സ്റ്റേഷനിൽ വെച്ച് നടന്ന ‘ഹോട്ട്ഫയർ’  പരീക്ഷണത്തിനിടെയാണ് വൻ അപകടമുണ്ടായത്. 

വിക്ഷേപണത്തിന് മുന്നോടിയായി റോക്കറ്റിന്റെ എൻജിനുകൾ നിലത്തുറപ്പിച്ചു നിർത്തി പ്രവർത്തിപ്പിച്ചു നോക്കുന്ന നിർണായക ഘട്ടത്തിലായിരുന്നു സ്ഫോടനം.വൻ നാശനഷ്ടം; ആളപായമില്ലഅപകടത്തിൽ 321 അടി ഉയരമുള്ള ഭീമാകാരമായ ന്യൂ ഗ്ലെൻ റോക്കറ്റ് പൂർണ്ണമായും തകർന്നു. ലോഞ്ച് പാഡിനും അതിനു ചുറ്റുമുള്ള ലൈറ്റ്നിങ് ടവറുകൾ ഉൾപ്പെടെയുള്ള അടിസ്ഥാന സൗകര്യങ്ങൾക്കും കനത്ത നാശനഷ്ടം സംഭവിച്ചിട്ടുണ്ട്. എന്നാൽ പരീക്ഷണ സമയത്ത് ജീവനക്കാരെല്ലാം സുരക്ഷിത അകലത്തിലായിരുന്നതിനാൽ ആർക്കും പരിക്കേറ്റിട്ടില്ല എന്ന് അധികൃതർ സ്ഥിരീകരിച്ചു.

ആമസോണിന്റെ ഇന്റർനെറ്റ് ഉപഗ്രഹ പദ്ധതിയായ 'പ്രൊജക്റ്റ് കുയിപ്പർ' ദൗത്യത്തിന്റെ ഭാഗമായുള്ള 48 സാറ്റലൈറ്റുകൾ വിക്ഷേപിക്കുന്നതിന് മുന്നോടിയായാണ് ഈ പരീക്ഷണം നടത്തിയത്. എന്നാൽ ഈ ഉപഗ്രഹങ്ങൾ റോക്കറ്റിൽ ഘടിപ്പിക്കുന്നതിന് മുൻപാണ് അപകടം നടന്നത് എന്നതിനാൽ പേലോഡ് പൂർണ്ണമായും സുരക്ഷിതമാണ്.ദൗത്യങ്ങൾ പ്രതിസന്ധിയിൽബ്ലൂ ഒറിജിൻ കമ്പനിക്ക് നിലവിൽ പ്രവർത്തനസജ്ജമായ ഒരേയൊരു ലൗഞ്ച് പാഡ് മാത്രമാണുള്ളത്. 

സ്ഫോടനത്തിൽ ഇതിനുണ്ടായ കേടുപാടുകൾ പരിഹരിക്കാൻ മാസങ്ങൾ എടുത്തേക്കുമെന്നാണ് റിപ്പോർട്ടുകൾ. ഇത് കമ്പനിയുടെ വരാനിരിക്കുന്ന മറ്റ് വിക്ഷേപണങ്ങളെയും പ്രതിസന്ധിയിലാക്കും. 

കൂടാതെ, നാസയുടെ പ്രശസ്തമായ 'ആർട്ടെമിസ്'  ചാന്ദ്ര ദൗത്യങ്ങൾക്കായി ലൂണാർ ലാൻഡറുകൾ വിക്ഷേപിക്കാൻ നിശ്ചയിച്ചിരിക്കുന്നത് ന്യൂ ഗ്ലെൻ റോക്കറ്റുകളിലാണ്ോ. ഈ അപകടം നാസയുടെ ചാന്ദ്ര ദൗത്യങ്ങളുടെ സമയക്രമത്തെയും ദോഷകരമായി ബാധിച്ചേക്കുമെന്ന ആശങ്ക ഉയർന്നിട്ടുണ്ട്. അപകടത്തിന്റെ കൃത്യമായ കാരണം കണ്ടെത്താൻ ബ്ലൂ ഒറിജിനും യു.എസ്. സ്പേസ് ഫോഴ്സും ചേർന്ന് സംയുക്ത അന്വേഷണം ആരംഭിച്ചു.

Key Words : Blue Origin, New Glenn Rocket, Pre-launch test, Blast