ഒരാവശ്യത്തിന് വിളിച്ചാല്‍ ഓടിയെത്തുന്നയാള്‍ക്ക് വോട്ടുചെയ്തു : ഷാജി കൈലാസ്

"Voted for the one who rushes to help when called": Shaji Kailas

തിരുവനന്തപുരം : വട്ടിയൂര്‍ക്കാവ് മണ്ഡലത്തില്‍ വോട്ട് രേഖപ്പെടുത്തിയ സംവിധായകന്‍ ഷാജി കൈലാസ് നടത്തിയ പ്രസ്താവന സമൂഹമാധ്യമങ്ങളില്‍ വലിയ ചര്‍ച്ചയായി. 'ഒരാവശ്യത്തിന് വിളിച്ചാല്‍ ഓടിയെത്തുന്ന ഒരാളുണ്ട് ഈ സ്ഥാനാര്‍ത്ഥികളുടെ കൂട്ടത്തില്‍. അയാള്‍ക്കാണ് വോട്ട്' എന്നാണ് ഷാജി പറഞ്ഞത്.

കവടിയാര്‍ സാല്‍വേഷന്‍ ആര്‍മി സ്‌കൂളില്‍ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്്‌നു അദ്ദേഹം.

ആര്‍ക്കാണ് വോട്ട് ചെയ്തതെന്ന് വ്യക്തമാക്കാതെയുള്ള അദ്ദേഹത്തിന്റെ ഈ പരാമര്‍ശം വലിയ അഭ്യൂഹങ്ങള്‍ക്ക് വഴിവച്ചു. വട്ടിയൂര്‍ക്കാവില്‍ ഇത്തവണ ശക്തമായ ത്രികോണ മത്സരമാണ് നടക്കുന്നത്.

വി.കെ. പ്രശാന്ത് (എല്‍.ഡി.എഫ് - സിറ്റിങ് എം.എല്‍.എ), കെ. മുരളീധരന്‍ (യു.ഡി.എഫ് - മുന്‍ എം.എല്‍.എ, മുതിര്‍ന്ന നേതാവ്), ആര്‍. ശ്രീലേഖ (എന്‍.ഡി.എ - മുന്‍ ഡി.ജി.പി) എന്നിവരാണ് സ്ഥാനാര്‍ത്ഥികള്‍.

'ആവശ്യത്തിന് വിളിച്ചാല്‍ ഓടിയെത്തുന്ന ആള്‍' എന്ന് ഷാജി കൈലാസ് വിശേഷിപ്പിച്ചത് ആരെയാണെന്ന കാര്യത്തില്‍ സോഷ്യല്‍ മീഡിയയില്‍ തര്‍ക്കം മുറുകുകയാണ്. പ്രളയകാലത്തെ പ്രവര്‍ത്തനങ്ങളിലൂടെ 'മേയര്‍ ബ്രോ' എന്ന് പേരെടുത്ത വി.കെ. പ്രശാന്തിനെയാണോ, അതോ ജനകീയ നേതാവായ കെ. മുരളീധരനെയാണോ, അതുമല്ലെങ്കില്‍ മുന്‍ പോലീസ് മേധാവി ശ്രീലേഖയെയാണോ അദ്ദേഹം ഉദ്ദേശിച്ചതെന്നാണ് നെറ്റിസണ്‍സിന്റെ ചോദ്യം.

പത്‌നിയും നടിയുമായ ആനിക്കും മക്കള്‍ക്കുമൊപ്പമാണ് അദ്ദേഹം വോട്ട് ചെയ്യാനെത്തിയത്. രാഷ്ട്രീയ സിനിമകളുടെ മാസ്റ്റര്‍ എന്ന് വിളിക്കപ്പെടുന്ന ഷാജി കൈലാസിന്റെ ഈ നിഗൂഢ പ്രതികരണം തിരഞ്ഞെടുപ്പ് ചര്‍ച്ചകള്‍ക്ക് ഒരു സിനിമാറ്റിക് സസ്‌പെന്‍സ് കൂടി നല്‍കിയിരിക്കുകയാണ്.

Summary: Renowned filmmaker Shaji Kailas has sparked a major debate on social media following a statement he made after casting his vote in the Vattiyoorkavu constituency. "There is one person among these candidates who rushes to help whenever there is a need. That is the person I voted for," Shaji said.

He was speaking to the media after casting his vote at the Kawdiar Salvation Army School. His remark, which did not explicitly name the candidate, has led to widespread speculation. Vattiyoorkavu is currently witnessing a fierce triangular contest in this election.