ഇറാനിയൻ എണ്ണക്കപ്പൽ ഇന്ത്യൻ സമുദ്രത്തിൽ യുഎസ് നാവികസേന പിടിച്ചെടുത്തു; പ്രതിരോധ വകുപ്പ് സ്ഥിരീകരിച്ചു

വാഷിംഗ്ടൺ: ഇറാനിയൻ എണ്ണക്കടത്തുമായി ബന്ധമുണ്ടെന്ന് സംശയിക്കുന്ന എണ്ണക്കപ്പൽ ഇന്ത്യൻ സമുദ്രത്തിൽ വെച്ച് യുഎസ് നാവികസേന പിടിച്ചെടുത്തു. ഗയാനയു...

വാഷിംഗ്ടൺ: ഇറാനിയൻ എണ്ണക്കടത്തുമായി ബന്ധമുണ്ടെന്ന് സംശയിക്കുന്ന എണ്ണക്കപ്പൽ ഇന്ത്യൻ സമുദ്രത്തിൽ വെച്ച് യുഎസ് നാവികസേന പിടിച്ചെടുത്തു. ഗയാനയുടെ പതാകയേന്തിയ 'മജസ്റ്റിക് എക്സ്' എന്ന കപ്പലാണ് യുഎസ് സേനയുടെ കസ്റ്റഡിയിലായത്. ഇറാനു മേലുള്ള ഉപരോധം ലംഘിച്ച് എണ്ണ കടത്തിയെന്നാരോപിച്ചാണ് നടപടി. യുഎസ് പ്രതിരോധ വകുപ്പ് ഇക്കാര്യം ഔദ്യോഗികമായി സ്ഥിരീകരിച്ചു.

ശ്രീലങ്കയ്ക്കും ഇന്തോനേഷ്യയ്ക്കും ഇടയിലുള്ള സമുദ്രമേഖലയിൽ വെച്ചാണ് കപ്പൽ തടഞ്ഞത്. കപ്പലിൽ യുഎസ് നാവികസേനാംഗങ്ങൾ ഹെലികോപ്റ്റർ മാർഗ്ഗം ഇറങ്ങുന്നതിന്റെ ദൃശ്യങ്ങളും അധികൃതർ പുറത്തുവിട്ടിട്ടുണ്ട്. നേരത്തെ 'ഫോണിക്സ്' എന്നറിയപ്പെട്ടിരുന്ന ഈ കപ്പലിന് മേൽ ഇറാനിയൻ എണ്ണക്കടത്തുമായി ബന്ധപ്പെട്ട് 2024 മുതൽ യുഎസ് ഉപരോധം നിലവിലുണ്ട്.

കഴിഞ്ഞ മൂന്ന് ദിവസത്തിനിടെ ഇന്ത്യൻ സമുദ്രത്തിൽ വെച്ച് യുഎസ് പിടിച്ചെടുക്കുന്ന രണ്ടാമത്തെ കപ്പലാണിത്. കഴിഞ്ഞ ഞായറാഴ്ച 'എം/ടി ടിഫാനി'എന്ന മറ്റൊരു കപ്പലും യുഎസ് സേന പിടിച്ചെടുത്തിരുന്നു. ഹോർമുസ് കടലിടുക്കിൽ വെച്ച് ഇറാൻ രണ്ട് വാണിജ്യ കപ്പലുകൾ പിടിച്ചെടുത്തതിന് മറുപടിയായാണ് യുഎസ് സേനയുടെ ഈ ശക്തമായ നീക്കം. മേഖലയിൽ ഇറാനും അമേരിക്കയും തമ്മിലുള്ള സംഘർഷം ഇതോടെ കൂടുതൽ രൂക്ഷമായിരിക്കുകയാണ്.

Key Words : US Navy, Ship Seized, Iranian oil Tanker, Indian Ocean