യുഎസ്-ഇറാന്‍ വെടിനിര്‍ത്തല്‍: പാകിസ്ഥാന്റെ മധ്യസ്ഥത ഇന്ത്യ സ്വാഗതം ചെയ്യണമെന്ന് ശശി തരൂര്‍

Shashi Tharoor Backs India’s "Mature" Stance on Pakistan-Mediated US-Iran Ceasefire

ന്യൂഡല്‍ഹി: യുഎസ്-ഇറാന്‍ വെടിനിര്‍ത്തലിലേക്ക് നയിച്ച പാകിസ്ഥാന്റെ മധ്യസ്ഥതയെ ഇന്ത്യ ആഘോഷിക്കണമെന്നും, കാരണം നമ്മളും സമാധാനമാണ് ആഗ്രഹിക്കുന്നതെന്നും മുതിര്‍ന്ന കോണ്‍ഗ്രസ് നേതാവ് ശശി തരൂര്‍.

വിഷയത്തില്‍ ഇന്ത്യയുടെ പ്രതികരണം 'പക്വതയുള്ളതും' 'യുക്തിസഹവുമാണെന്ന്' അദ്ദേഹം  എന്‍ഡിടിവിക്ക് നല്‍കിയ പ്രത്യേക അഭിമുഖത്തില്‍ പറഞ്ഞു. സമാധാന ചര്‍ച്ചകളില്‍ ഇസ്ലാമാബാദിന്റെ പങ്ക് ഇന്ത്യയെ ആശങ്കപ്പെടുത്തേണ്ടതുണ്ടോ എന്ന ചോദ്യത്തിന് അദ്ദേഹം ഇപ്രകാരം മറുപടി നല്‍കി: 'അതിലൊരു കാര്യവുമില്ല. കാരണം എല്ലാ കാര്യങ്ങളും പരസ്പര വിരുദ്ധമാകണമെന്നില്ല. ഇന്ത്യയിലേക്ക് ഭീകരരെ അയക്കുന്നതിനാണ് പാകിസ്ഥാന്‍ പ്രശംസിക്കപ്പെടുന്നതെങ്കില്‍ അതൊരു വലിയ പ്രശ്‌നമാണ്. എന്നാല്‍ നമ്മള്‍ ആഗ്രഹിക്കുന്ന സമാധാനത്തിന് വേണ്ടിയാണ് പാകിസ്ഥാന്‍ ശ്രമിക്കുന്നതെങ്കില്‍, അത് നമ്മള്‍ യഥാര്‍ത്ഥത്തില്‍ ആഘോഷിക്കുകയാണ് വേണ്ടത്.'

'യഥാര്‍ത്ഥത്തില്‍, സമാധാന നീക്കത്തെ സ്വാഗതം ചെയ്തുള്ള ഭാരത സര്‍ക്കാരിന്റെ പ്രസ്താവന ശരിയായതും പക്വതയുള്ളതുമാണ്. തന്ത്രപരമായ സംയമനം, പ്രാദേശിക ഉത്തരവാദിത്തം, ഗ്ലോബല്‍ സൗത്തിന്റെ ശബ്ദം എന്ന നിലയിലുള്ള നമ്മുടെ പങ്ക് എന്നിവയുമായി ഈ സാഹചര്യത്തെ നമ്മള്‍ നേരിടണം,' തരൂര്‍ പറഞ്ഞു.

പാക് പ്രധാനമന്ത്രി ഷെഹ്ബാസ് ഷെരീഫിന് എക്‌സില്‍ പറ്റിയ പിഴവിനെക്കുറിച്ചും തരൂര്‍ പരാമര്‍ശിച്ചു. ഷെരീഫിന്റെ പോസ്റ്റ് വാഷിംഗ്ടണ്‍ ഡിസിയില്‍ തയ്യാറാക്കിയതാണെന്ന ആരോപണങ്ങള്‍ അദ്ദേഹം ചൂണ്ടിക്കാട്ടി. 'ഒരുപക്ഷേ, വെടിനിര്‍ത്തലിന് നിഷ്പക്ഷമായ ഒരു മുഖം നല്‍കാന്‍ അമേരിക്ക പാകിസ്ഥാനെ ഉപയോഗിച്ചതാകാം. നേരിട്ട് വിട്ടുവീഴ്ച ചെയ്തു എന്ന് തോന്നിക്കാതെ ഇരുരാജ്യങ്ങള്‍ക്കും പിന്മാറാനുള്ള ഒരു വഴിയാകാം ഇത്,' അദ്ദേഹം നിരീക്ഷിച്ചു.

ഇറാനുമായി 900 കിലോമീറ്റര്‍ അതിര്‍ത്തി പങ്കിടുന്ന രാജ്യമാണ് പാകിസ്ഥാന്‍. യുദ്ധമുണ്ടായാല്‍ അഭയാര്‍ത്ഥി പ്രവാഹം ഉള്‍പ്പെടെയുള്ള വലിയ പ്രത്യാഘാതങ്ങള്‍ പാകിസ്ഥാന്‍ നേരിടേണ്ടി വരും. അതുകൊണ്ട് തന്നെ സമാധാനത്തിനായി അവര്‍ക്ക് പ്രത്യേക താല്‍പ്പര്യമുണ്ടാകുന്നത് സ്വാഭാവികമാണ്.

അയല്‍രാജ്യങ്ങളുടെ സമാധാനം ഇന്ത്യയുടെയും താല്‍പ്പര്യമാണ്. സമാധാനം ഉണ്ടായാല്‍ ഊര്‍ജ്ജ വിപണി സുസ്ഥിരമാവുകയും ഇന്ത്യന്‍ താല്‍പ്പര്യങ്ങള്‍ സംരക്ഷിക്കപ്പെടുകയും ചെയ്യും.

ലോകത്ത് പലയിടത്തും യുദ്ധങ്ങള്‍ പടരുമ്പോള്‍ ഇന്ത്യക്ക് വെറുതെ ഇരിക്കാനാവില്ല. അമേരിക്കന്‍ മേധാവിത്വമുള്ള പഴയ 'നിയമാധിഷ്ഠിത ക്രമം' തകരുകയാണ്. പുതിയ ലോകക്രമത്തില്‍ ഇന്ത്യക്ക് നിര്‍ണ്ണായക പങ്ക് വഹിക്കാനുണ്ട്.

കേരള നിയമസഭാ തിരഞ്ഞെടുപ്പ്

'തിരഞ്ഞെടുപ്പ് കമ്മിഷന്‍ പ്രചാരണത്തിനായി കൂടുതല്‍ സമയം നല്‍കണമായിരുന്നു. മെയ് 23-ന് സഭ ചേരേണ്ട സാഹചര്യത്തില്‍ ഏപ്രില്‍ 9-ന് തന്നെ വോട്ടെടുപ്പ് നടത്തിയത് അനാവശ്യമാണ്. എങ്കിലും മാറ്റത്തിനായുള്ള ഞങ്ങളുടെ സന്ദേശം ജനങ്ങളിലെത്തിക്കാന്‍ സാധിച്ചു. കൂടുതല്‍ കാര്യക്ഷമമായ ഒരു സര്‍ക്കാര്‍ കേരളത്തിന് ആവശ്യമാണ്, യുഡിഎഫ് അത് നല്‍കുമെന്ന് ഞങ്ങള്‍ പ്രതീക്ഷിക്കുന്നു.' 

സംസ്ഥാനത്ത് ഭരണവിരുദ്ധ വികാരം ശക്തമാണെന്നും ജനങ്ങള്‍ മാറ്റത്തിനായി വോട്ട് ചെയ്യുമെന്നും അദ്ദേഹം ആത്മവിശ്വാസം പ്രകടിപ്പിച്ചു.

Summary: Senior Congress leader and former diplomat Shashi Tharoor has called on India to welcome Pakistan’s role in facilitating a ceasefire between the US and Iran. Speaking to NDTV, Tharoor argued that regional peace is not a "zero-sum game" and that stability in the Middle East directly benefits India’s energy security and strategic interests.

Tharoor praised the Indian government’s positive response to the truce, describing it as "sensible and mature." Addressing concerns over Islamabad’s involvement, he noted:

A "Diplomatic Fig Leaf": Tharoor suggested that Pakistan might have served as a neutral face for the US to de-escalate without appearing to yield to Iran.

Regional Stakes: With a shared 900-km border, Pakistan has "skin in the game," as any conflict would trigger refugee crises and instability on its doorstep.

India’s Role: He emphasized that India should watch as an "interested neighbor" rather than a "resentful critic," utilizing its position as the voice of the Global South to help build a new global architecture.

"If Pakistan were being applauded for sending terrorists to India, then it would be a zero-sum game. But when they are working for a peace that we also want, we should be celebrating."