രഞ്ജിത്തിനെതിരെയുള്ള ലൈംഗികാതിക്രമ കേസ്: അന്വേഷണം പൂർത്തിയായി; കുറ്റപത്രം ഉടൻ സമർപ്പിക്കും

കൊച്ചി: സംവിധായകൻ രഞ്ജിത്തിനെതിരെയുള്ള ലൈംഗികാതിക്രമ കേസിൽ പ്രത്യേക അന്വേഷണ സംഘം (SIT) അന്വേഷണം പൂർത്തിയാക്കി. വരും ദിവസങ്ങളിൽ തന്നെ കേസിൽ ക...

കൊച്ചി: സംവിധായകൻ രഞ്ജിത്തിനെതിരെയുള്ള ലൈംഗികാതിക്രമ കേസിൽ പ്രത്യേക അന്വേഷണ സംഘം (SIT) അന്വേഷണം പൂർത്തിയാക്കി. വരും ദിവസങ്ങളിൽ തന്നെ കേസിൽ കുറ്റപത്രം സമർപ്പിക്കും. രഞ്ജിത്തിനെതിരെ ലൈംഗികാതിക്രമം നടന്നതിന് കൃത്യമായ തെളിവുകൾ ലഭിച്ചിട്ടുണ്ടെന്നാണ് അന്വേഷണ സംഘത്തിന്റെ കണ്ടെത്തൽ.

നിലവിൽ ചുമത്തിയിട്ടുള്ള വകുപ്പുകളിൽ മാറ്റം വരുത്താതെയാകും കുറ്റപത്രം നൽകുക. കേസ് രജിസ്റ്റർ ചെയ്യുന്നതിന് മുൻപായി ചില ഒത്തുതീർപ്പ് ശ്രമങ്ങൾ നടന്നതായി സൂചനയുണ്ടെങ്കിലും, അതിജീവിതയെ രഞ്ജിത്ത് ഭീഷണിപ്പെടുത്തിയതായി കണ്ടെത്താനായിട്ടില്ലെന്ന് SIT അറിയിച്ചു.

അതേസമയം, ജാമ്യവ്യവസ്ഥകളിൽ ഇളവ് തേടി രഞ്ജിത്ത് നാളെ കോടതിയെ സമീപിക്കും. അന്വേഷണത്തിന്റെ ഭാഗമായി ഏർപ്പെടുത്തിയിട്ടുള്ള ജില്ലാ അതിർത്തി കടന്നുപോകുന്നതിനുള്ള വിലക്ക് ഉൾപ്പെടെയുള്ള നിയന്ത്രണങ്ങളിൽ ഇളവ് വേണമെന്നാണ് ഹർജിയിലെ പ്രധാന ആവശ്യം.

Key Words : Sexual Assault Case, Director Ranjith, Charge sheet