Reports confirm that the United States conducted a series of precision airstrikes on military targets on Iran’s Kharg Island
എന് പ്രഭാകരന്
ദുബായ് : ഇറാനിലെ പ്രധാന എണ്ണ കയറ്റുമതി കേന്ദ്രമായ ഖാര്ഗ് ദ്വീപില് സ്ഫോടന പരമ്പര നടന്നതായി ഇറാനിയന് വാര്ത്താ ഏജന്സിയായ മെഹര് റിപ്പോര്ട്ട് ചെയ്തു. സമാധാന കരാറിലെത്താനും ഹോര്മുസ് കടലിടുക്ക് തുറന്നുകൊടുക്കാനും യുഎസ് പ്രസിഡന്റ് ഡൊണാള്ഡ് ട്രംപ് നല്കിയ സമയപരിധി അവസാനിക്കാന് മണിക്കൂറുകള് മാത്രം ബാക്കിനില്ക്കെയാണ് ഈ ആക്രമണം.
വാള്സ്ട്രീറ്റ് ജേണലിന്റെ റിപ്പോര്ട്ട് പ്രകാരം, ഖാര്ഗ് ദ്വീപിലെ 50-ലധികം കേന്ദ്രങ്ങളില് യുഎസ് ആക്രമണം നടത്തി. നിര്ദ്ദേശങ്ങള് പാലിച്ചില്ലെങ്കില് ഇറാന്റെ എല്ലാ വൈദ്യുതി നിലയങ്ങളും പാലങ്ങളും തകര്ക്കുന്ന രീതിയിലുള്ള ശക്തമായ ബോംബാക്രമണം നടത്തുമെന്ന് ട്രംപ് മുന്നറിയിപ്പ് നല്കി.
അമേരിക്കന് സൈനിക ഉദ്യോഗസ്ഥരില് നിന്നു ലഭിക്കുന്ന വിവരങ്ങള് പ്രകാരം, ദ്വീപിന്റെ വടക്കന് മേഖലയിലെ സൈനിക താവളങ്ങളെയാണ് പ്രധാനമായും ലക്ഷ്യം വച്ചത്. വ്യോമ പ്രതിരോധ സംവിധാനങ്ങള്, സൈനിക ബങ്കറുകള്, ആയുധപ്പുരകള് എന്നിവ ഉള്പ്പെടെ അമ്പതോളം സൈനിക കേന്ദ്രങ്ങള് തകര്ത്തു.
ദ്വീപിലെ സൈനിക കേന്ദ്രങ്ങളിലാണ് ആക്രമണം നടത്തിയതെന്ന് യുഎസ് ഉദ്യോഗസ്ഥര് വ്യക്തമാക്കി. ഇത് രാജ്യത്തിന്റെ തന്ത്രപരമായ മാറ്റമല്ലെന്ന് വൈസ് പ്രസിഡന്റ് ജെ.ഡി. വാന്സ് പറഞ്ഞു. നിലവിലെ ആക്രമണങ്ങള് എണ്ണ അടിസ്ഥാന സൗകര്യങ്ങളെ ബാധിച്ചിട്ടില്ലെന്ന് റോയിട്ടേഴ്സ് റിപ്പോര്ട്ട് ചെയ്തു. ആഗോള വിപണിയിലെ എണ്ണവിലയെ ബാധിക്കാതിരിക്കാന്, ദ്വീപിലെ എണ്ണ കയറ്റുമതി കേന്ദ്രങ്ങളെയും ഗ്യാസ് ടെര്മിനലുകളെയും ബോധപൂര്വം ഒഴിവാക്കിയതായി യുഎസ് അറിയിച്ചു.
സാമ്പത്തികമായ വലിയ പ്രാധാന്യമുള്ളതിനാല് റഡാര് സംവിധാനങ്ങളും മിസൈലുകളും ഉപയോഗിച്ച് ഈ ദ്വീപിനെ ഇറാന് ശക്തമായി സുരക്ഷിതമാക്കിയിട്ടുണ്ട്. ഇവയാണ് അമേരിക്ക തകര്ക്കാന് നോക്കുന്നത്.
ദ്വീപിലെ സ്ഫോടനങ്ങള് ഇറാന് സ്ഥിരീകരിച്ചിട്ടുണ്ട്. നിലവില് സ്ഥിതിഗതികള് നിയന്ത്രണവിധേയമാണെന്നും എണ്ണ നിലയങ്ങള്ക്ക് നാശനഷ്ടങ്ങള് സംഭവിച്ചിട്ടില്ലെന്നും ഇറാന് മാധ്യമങ്ങള് റിപ്പോര്ട്ട് ചെയ്തു. എന്നാല് സമാധാനത്തിന്റെ സമയം അവസാനിച്ചുവെന്ന് ഇറാന് റെവല്യൂഷണറി ഗാര്ഡ് മുന്നറിയിപ്പ് നല്കി.
ഇറാന്റെ സാമ്പത്തിക ഭൂപടത്തില് അതീവ പ്രാധാന്യമുള്ള ഇടമാണ് ഖാര്ഗ് ഐലന്ഡ്. ഇറാന്റെ എണ്ണ കയറ്റുമതിയുടെ 90 ശതമാനവും കൈകാര്യം ചെയ്യുന്നത് ഈ ദ്വീപിലൂടെയാണ്. ഹോര്മുസ് കടലിടുക്ക് അടച്ചതോടെ ആഗോള വിപണിയില് എണ്ണവിലയില് വലിയ മാറ്റങ്ങള് പ്രതീക്ഷിക്കുന്നു. ഇറാന് ഇതിന് വലിയ വില നല്കേണ്ടി വരുമെന്ന് ട്രംപ് ആവര്ത്തിച്ചു. 'ഞങ്ങള് ഇറാനിലെ ഓരോ വൈദ്യുതി നിലയവും എണ്ണക്കിണറും ഖാര്ഗ് ദ്വീപും ഒരുപക്ഷേ ശുദ്ധജല പ്ലാന്റുകളും പൂര്ണ്ണമായും തകര്ക്കും,' എന്ന് ട്രംപ് സോഷ്യല് മീഡിയയില് കുറിച്ചു. ഒരൊറ്റ രാത്രികൊണ്ട് ഇറാനെ മുഴുവനായി തകര്ക്കാന് സാധിക്കുമെന്നും അദ്ദേഹം മുന്നറിയിപ്പ് നല്കി.
ഇതിനിടെ, ഇറാന്റെ പരമോന്നത നേതാവ് അബോധാവസ്ഥയിലാണെന്നും തീരുമാനങ്ങളില് അദ്ദേഹം ഇടപെടുന്നില്ലെന്നും റിപ്പോര്ട്ടുകളുണ്ട്. യുഎസിന്റെ സമാധാന നിര്ദ്ദേശങ്ങള് തള്ളിയ ഇറാന് 10 ഇന ആവശ്യങ്ങള് മുന്നോട്ടുവച്ചിരിക്കുകയാണ്.
ഇറാനിലുടനീളമുള്ള ഡസന് കണക്കിന് ഭീകരവാദ കേന്ദ്രങ്ങളില് തങ്ങള് വ്യോമാക്രമണം പൂര്ത്തിയാക്കിയതായി ഇസ്രായേല് സൈന്യം അറിയിച്ചു.
Summary: Reports confirm that the United States conducted a series of precision airstrikes on military targets on Iran’s Kharg Island earlier today, April 7, 2026. This operation follows a similar large-scale strike on the island in mid-March and comes amid an escalating regional conflict.
According to senior U.S. officials and regional reports, the strikes targeted military infrastructure along the island's northern coastline.
The operation focused on dozens of military sites, specifically air defense systems, military bunkers, and storage facilities.
Crucially, U.S. officials stated that the strikes deliberately avoided the island's oil and gas export terminals to prevent a massive disruption to global energy markets.
Iran's Mehr News Agency reported that while explosions were heard, the situation is "under control," and oil facilities remain operational without damage or disruption. However, the IRGC has reportedly warned that their "restraint is over."
COMMENTS