വോട്ടെടുപ്പിന്റെ തലേന്ന് കുട്ടനാട്ടിൽ രാഷ്ട്രീയ ഭൂകമ്പം; റെജി ചെറിയാൻ പണം വിതരണം ചെയ്തെന്ന് എൽഡിഎഫ്

കുട്ടനാട്: നിയമസഭാ ഉപതിരഞ്ഞെടുപ്പിന്റെ വോട്ടെടുപ്പ് നടക്കാൻ മണിക്കൂറുകൾ മാത്രം ബാക്കിനിൽക്കെ കുട്ടനാട് മണ്ഡലത്തിൽ പണമിടപാട് ആരോപണവുമായി എൽ.ഡ...

കുട്ടനാട്: നിയമസഭാ ഉപതിരഞ്ഞെടുപ്പിന്റെ വോട്ടെടുപ്പ് നടക്കാൻ മണിക്കൂറുകൾ മാത്രം ബാക്കിനിൽക്കെ കുട്ടനാട് മണ്ഡലത്തിൽ പണമിടപാട് ആരോപണവുമായി എൽ.ഡി.എഫ് രംഗത്ത്. യു.ഡി.എഫ് സ്ഥാനാർത്ഥി റെജി ചെറിയാൻ വോട്ടർമാർക്ക് നേരിട്ട് പണം നൽകിയെന്നാണ് എൽ.ഡി.എഫ് സ്ഥാനാർത്ഥി തോമസ് കെ. തോമസിന്റെ ഗുരുതര ആരോപണം.

തൊഴിലുറപ്പ് പദ്ധതിയുടെ ജോലി നടക്കുന്ന സ്ഥലങ്ങളിൽ നേരിട്ടെത്തി റെജി ചെറിയാൻ വോട്ടർമാരെ സ്വാധീനിക്കാൻ പണം വിതരണം ചെയ്തുവെന്ന് തോമസ് കെ. തോമസ് പറഞ്ഞു. തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണ് നടന്നതെന്നും, പരസ്യമായി പണം നൽകി വോട്ടർമാരെ സ്വാധീനിക്കാൻ ശ്രമിച്ച സ്ഥാനാർത്ഥിക്കെതിരെ തിരഞ്ഞെടുപ്പ് കമ്മീഷനെയും കോടതിയെയും സമീപിക്കുമെന്നും അദ്ദേഹം വ്യക്തമാക്കി.

യു.ഡി.എഫിന്റെ ഇത്തരം അഭ്യാസങ്ങൾ മണ്ഡലത്തിൽ ഫലം കാണില്ലെന്നും കുട്ടനാട്ടിൽ എൽ.ഡി.എഫ് മികച്ച വിജയം നേടുമെന്നും തോമസ് കെ. തോമസ് കൂട്ടിച്ചേർത്തു. വോട്ടെടുപ്പിന്റെ തലേന്ന് ഉയർന്ന ഈ പണമിടപാട് ആരോപണം മണ്ഡലത്തിലെ രാഷ്ട്രീയ അന്തരീക്ഷത്തെ ചൂടുപിടിപ്പിച്ചിരിക്കുകയാണ്.

Key Words : Political Issue, Kuttanad, LDF, Reji Cherian