ഭരണത്തില്‍ നേരിട്ട് ഇടപെടാതെ മുജ്തബ ഖമേനി, രാജ്യം ഭരിക്കുന്നത് ഐ.ആര്‍.ജി.സി കമാന്‍ഡര്‍മാരുടെ ഡയറക്ടര്‍ ബോര്‍ഡ്

Iran’s Supreme Leader Mojtaba Khamenei is "Mentally Sharp"; Country Managed by a Board of IRGC Commanders: Report

എന്‍ പ്രഭാകരന്‍

ദുബായ് : ഇറാന്‍ പരമോന്നത നേതാവ് മുജ്തബ ഖമേനി 'മാനസികമായി ഉന്മേഷവാനും കര്‍മ്മനിരതനുമാണ്' എന്നും, വിശ്വസ്തരായ ഇസ്ലാമിക് റവല്യൂഷണറി ഗാര്‍ഡ് കോര്‍ കമാന്‍ഡര്‍മാരുടെ ഒരു 'ബോര്‍ഡിലൂടെ' അദ്ദേഹം രാജ്യം ഭരിക്കുകയാണെന്നും മുതിര്‍ന്ന ഇറാനിയന്‍ ഉദ്യോഗസ്ഥരെ ഉദ്ധരിച്ച് ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു.

തന്റെ പിതാവിന്റെ കൊലപാതകത്തിന് കാരണമായ ആക്രമണത്തില്‍ പരിക്കേറ്റ് ദിവസങ്ങള്‍ക്ക് ശേഷം, മാര്‍ച്ചില്‍ പരമോന്നത നേതാവായി നിയമിതനായ മുജ്തബ ഖമേനി ഇതുവരെ പൊതുവേദികളില്‍ പ്രത്യക്ഷപ്പെടുകയോ സംസാരിക്കുകയോ ചെയ്തിട്ടില്ല. ആ ആക്രമണത്തില്‍ ഖമേനിയുടെ 'രൂപം വികൃതമായിരിക്കാന്‍ സാധ്യതയുണ്ടെന്ന്' യുഎസ് പ്രതിരോധ സെക്രട്ടറി പീറ്റ് ഹെഗ്‌സെത്ത് ഏപ്രിലില്‍ പറഞ്ഞിരുന്നു.

നിലവില്‍, പുറംലോകത്തെ വിശേഷങ്ങള്‍ അദ്ദേഹം കൈപ്പടയില്‍ എഴുതിയ കുറിപ്പുകളിലൂടെയാണ് അറിയുന്നതെന്നും, രേഖാമൂലമുള്ള പ്രസ്താവനകളിലൂടെയാണ് അദ്ദേഹം പൊതുജനങ്ങളെ അഭിസംബോധന ചെയ്യുന്നതെന്നും റിപ്പോര്‍ട്ടുകള്‍ സൂചിപ്പിക്കുന്നു.

ഖമേനിയുടെ ഭരണരീതി ഒരു 'ബോര്‍ഡ് ഡയറക്ടറെ' പോലെയാണെന്നാണ്. തീരുമാനങ്ങള്‍ എടുക്കാന്‍ തനിക്ക് വിശ്വാസമുള്ളവരെ അദ്ദേഹം 'ബോര്‍ഡ് അംഗങ്ങളായി' നിയമിച്ചിരിക്കുന്നു എന്നാണ് മുന്‍ പ്രസിഡന്റ് മഹമൂദ് അഹമ്മദി നെജാദിന് കീഴില്‍ സേവനമനുഷ്ഠിച്ച മുതിര്‍ന്ന ഉദ്യോഗസ്ഥനായ   അബ്ദുല്‍റെസ ദവാരി ന്യൂയോര്‍ക്ക് ടൈംസിനോട് പറഞ്ഞത്.

 'ജനറല്‍മാരാണ് ബോര്‍ഡ് അംഗങ്ങള്‍,' പ്രതിരോധം, വിദേശകാര്യം എന്നീ മേഖലകളില്‍ ഇറാന്‍ ഭരിക്കാന്‍ ഖമേനി നിയമിച്ച കമാന്‍ഡര്‍മാരെക്കുറിച്ച് ദവാരി വിശദീകരിച്ചു.

തന്റെ പിതാവായ അലി ഖമേനിയുടെ ഭരണശൈലിയില്‍ നിന്ന് തികച്ചും വ്യത്യസ്തമാണ് മുജ്തബയുടേതെന്ന് റിപ്പോര്‍ട്ട് പറയുന്നു. 'ഓപ്പറേഷന്‍ റോറിംഗ് ലയണിന്റെ' തുടക്കത്തില്‍ ഐഡിഎഫ്  വ്യോമാക്രമണത്തില്‍ കൊല്ലപ്പെടുന്നത് വരെ അലി ഖമേനി പൂര്‍ണ്ണ അധികാരത്തോടെയാണ് രാജ്യം ഭരിച്ചിരുന്നത്.

പുതിയ ഭരണക്രമത്തില്‍ ഐആര്‍ജിസി ജനറല്‍മാരാണ് നിര്‍ണ്ണായക ശക്തി. ഖമേനിക്ക് അവരുമായുള്ള വ്യക്തിപരമായ ബന്ധമാണ് ഇതിന് കാരണം. എന്നാല്‍ ഖമേനി ഇതുവരെ ഭരണത്തില്‍ പൂര്‍ണ്ണ നിയന്ത്രണം ഏറ്റെടുത്തിട്ടില്ലെന്ന് ചാത്തം ഹൗസിലെ മിഡില്‍ ഈസ്റ്റ് ഡയറക്ടര്‍ സനം വക്കീല്‍ അഭിപ്രായപ്പെട്ടു.

യുഎസ് മുന്നോട്ടുവച്ച സമാധാന കരാറിനോടുള്ള ഇറാന്റെ പ്രതികരണം ഖമേനിയെ അറിയിച്ചിട്ടുണ്ടെന്നും അദ്ദേഹത്തിന്റെ നിലപാട് പരിഗണിക്കുമെന്നുമാണ് ശനിയാഴ്ച ഇറാന്‍ പാര്‍ലമെന്റ് സ്പീക്കര്‍ മുഹമ്മദ് ബാഘര്‍ ഗാലിബാഫ് പറഞ്ഞത്.

യുഎസുമായുള്ള ചര്‍ച്ചകളുടെ ചുമതല ഇപ്പോള്‍ സ്പീക്കര്‍ ഗാലിബാഫ് ഏറ്റെടുത്തിരിക്കുകയാണ്. യുദ്ധത്തിന് മുമ്പ് ചര്‍ച്ചകള്‍ക്ക് നേതൃത്വം നല്‍കിയിരുന്ന വിദേശകാര്യ മന്ത്രി അബ്ബാസ് അരാഗ്ചി ഇപ്പോള്‍ തഴയപ്പെട്ട അവസ്ഥയിലാണെന്ന് ന്യൂയോര്‍ക്ക് ടൈംസ് റിപ്പോര്‍ട്ട് ചെയ്യുന്നു.

തന്റെ പ്രസംഗത്തില്‍ ഗാലിബാഫ് കുറച്ചുകൂടി യാഥാര്‍ത്ഥ്യബോധമുള്ള നിലപാടാണ് സ്വീകരിച്ചത്. അടുത്തകാലത്തുണ്ടായ സൈനിക നേട്ടങ്ങള്‍ക്കിടയിലും ഇറാന്‍ അമേരിക്കയേക്കാള്‍ ശക്തമല്ലെന്ന് അദ്ദേഹം സമ്മതിച്ചു.

'ചിലപ്പോള്‍ നമ്മുടെ ആളുകള്‍ പറയുന്നത് കേള്‍ക്കാം നമ്മള്‍ അവരെ തകര്‍ത്തു എന്ന്. ഇല്ല, നമ്മള്‍ അവരെ തകര്‍ത്തിട്ടില്ല; ഇത് നിങ്ങള്‍ മനസ്സിലാക്കേണ്ടതുണ്ട്,' ഗാലിബാഫ് പറഞ്ഞു.

Summary: Iran’s Supreme Leader Mojtaba Khamenei is "Mentally Sharp"; Country Managed by a Board of IRGC Commanders: Report

Iran’s Supreme Leader, Mojtaba Khamenei, is "mentally sharp and engaged" and is managing the country through a "board" of trusted Islamic Revolutionary Guard Corps (IRGC) commanders, according to a report by The New York Times, citing senior Iranian officials.

Khamenei has not been seen or heard publicly since being appointed to the position in March, days after he was wounded in the strike that killed his father. US Secretary of Defense Pete Hegseth claimed earlier in April that Khamenei was "likely disfigured" in the strike.

Currently, he reportedly receives updates from the outside world via handwritten notes and addresses the public through alleged written statements.