തുര്‍ക്കിയിലെ ഇസ്രയേലി കോണ്‍സുലേറ്റിനു നേരെ വെടിവയ്പ്പ്: മൂന്നു പേരെ സേന വധിച്ചു

Gunfight outside the building housing the Israeli Consulate in Istanbul's Besiktas district

ഇസ്താംബൂള്‍: തുര്‍ക്കിയില്‍ ഇസ്താംബൂളിലെ ബെസിക്താസ് ജില്ലയിലുള്ള യാപ്പി ക്രെഡി പ്ലാസയ്ക്ക് സമീപം ഇസ്രയേലി കോണ്‍സുലേറ്റിനു നേരെ വെടിയുതിര്‍ത്ത സംഘത്തിലെ മൂന്നു പേരെ വെടിവച്ചു കൊന്നു. അത്യാധുനിക തോക്കുകളുമായി എത്തിയ മൂന്ന് അക്രമികള്‍ സുരക്ഷാ ഉദ്യോഗസ്ഥര്‍ക്ക് നേരെ വെടിയുതിര്‍ക്കുകയായിരുന്നു. ഉടന്‍ തന്നെ പോലീസ് തിരിച്ചടിച്ചു.

ഇസ്താംബൂള്‍ ഗവര്‍ണര്‍ ദാവൂദ് ഗുല്‍, ആഭ്യന്തര മന്ത്രി മുസ്തഫ ചിഫ്ത്ചി എന്നിവര്‍ നല്‍കിയ ഔദ്യോഗിക വിവരങ്ങള്‍ പ്രകാരം ഒരു അക്രമി വെടിയേറ്റ് സംഭവസ്ഥലത്ത് തന്നെ കൊല്ലപ്പെട്ടു. മറ്റ് രണ്ട് പേര്‍ ആശുപത്രിയിലേക്കു കൊണ്ടു പോകുംവഴിയാണ് മരിച്ചത്. ഏറ്റുമുട്ടലില്‍ രണ്ട് തുര്‍ക്കി പോലീസ് ഉദ്യോഗസ്ഥര്‍ക്ക് പരിക്കേറ്റു. ഇവരുടെ പരിക്ക് ഗുരുതരമല്ല.

ആക്രമണത്തില്‍ ഇസ്രായേല്‍ നയതന്ത്രജ്ഞര്‍ക്കോ ജീവനക്കാര്‍ക്കോ പരിക്കേറ്റിട്ടില്ല. നിലവിലെ സുരക്ഷാ സാഹചര്യങ്ങള്‍ മുന്‍നിര്‍ത്തി രണ്ട് വര്‍ഷമായി ഈ കോണ്‍സുലേറ്റ് കാര്യമായ പ്രവര്‍ത്തനങ്ങളില്ലാതെയാണ് തുടരുന്നത്. സംഭവത്തെക്കുറിച്ച് തുര്‍ക്കി സര്‍ക്കാര്‍ ഉന്നതതല അന്വേഷണം പ്രഖ്യാപിച്ചിട്ടുണ്ട്.

അക്രമികളില്‍ ഒരാള്‍ക്ക് തീവ്രവാദ ഗ്രൂപ്പുകളുമായി ബന്ധമുണ്ടെന്ന് ആഭ്യന്തര മന്ത്രി മുസ്തഫ ചിഫ്ത്ചി അറിയിച്ചു. ഇവര്‍ ഇസ്താംബൂളിന് 100 കിലോമീറ്റര്‍ അകലെയുള്ള ഇസ്മിത്തില്‍ നിന്ന് വാടകക്കെടുത്ത കാറിലാണ് എത്തിയതെന്ന് കണ്ടെത്തിയിട്ടുണ്ട്.

അക്രമികളില്‍ രണ്ട് പേര്‍ സഹോദരങ്ങളാണെന്നും, ഇവരില്‍ ഒരാള്‍ക്ക് ലഹരിക്കടത്ത് കേസുകളില്‍ മുന്‍പ് ക്രിമിനല്‍ പശ്ചാത്തലമുണ്ടെന്നും റിപ്പോര്‍ട്ടുകളുണ്ട്.

ഇസ്രായേലും ഇറാനും തമ്മില്‍ നിലനില്‍ക്കുന്ന കടുത്ത സംഘര്‍ഷങ്ങളുടെ പശ്ചാത്തലത്തിലാണ് ഈ ആക്രമണം ഉണ്ടായിരിക്കുന്നത് എന്നത് സ്ഥിതിഗതികള്‍ ഗൗരവമുള്ളതാക്കുന്നു. ഇതിനെത്തുടര്‍ന്ന് തുര്‍ക്കിയിലുടനീളമുള്ള നയതന്ത്ര സ്ഥാപനങ്ങള്‍ക്ക് സുരക്ഷ വര്‍ദ്ധിപ്പിച്ചു. ബെസിക്താസ് പ്രദേശം ഇപ്പോള്‍ പൂര്‍ണ്ണമായും പോലീസ് നിയന്ത്രണത്തിലാണ്.

Summary: A serious security incident occurred earlier today, Tuesday, April 7, 2026, outside the building housing the Israeli Consulate in Istanbul's Besiktas district. The situation involved a targeted attack followed by an intense gunfight with Turkish security forces.

At approximately 7:00 a.m. local time, three assailants armed with long-barreled weapons and carrying backpacks opened fire near the Yapi Kredi Plaza complex, which houses the Israeli Consulate.

Turkish police officers stationed at a nearby security checkpoint immediately returned fire. Video footage from the scene shows a chaotic exchange where an attacker in a brown backpack used a bus for cover while firing an assault rifle at retreating officers.