വാല്‍പ്പാറ ദുരന്തം: പോസ്റ്റുമോര്‍ട്ടം കഴിഞ്ഞു, ആംബുലന്‍സുകള്‍ നാട്ടിലേക്കു തിരിച്ചു, ദുരന്തത്തില്‍ വിറങ്ങലിച്ച് നാട്

Valparai Tragedy: Post-mortems completed; ambulances depart for home; the community stands numb with grief

മലപ്പുറം : വാല്‍പ്പാറ ദുരന്തത്തില്‍ മരിച്ച ഒന്‍പതു പേരുടെയും പോസ്റ്റുമോര്‍ട്ടം കഴിഞ്ഞു മൃതദേഹങ്ങളുമായി ആംബുലന്‍സുകള്‍ നാട്ടിലേക്കു തിരിച്ചു. പൊള്ളാച്ചിയിലാണ് പോസ്റ്റ്മോര്‍ട്ടം നടപടികള്‍ പൂര്‍ത്തിയാക്കിയത്. പൊതു ദര്‍ശനത്തിനു ശേഷം സംസ്‌കാരം നടത്തും.

മലപ്പുറം ജില്ലയിലെ പാങ്ങ് - അമ്പലപ്പറമ്പ് ഗവണ്‍മെന്റ് എല്‍.പി. സ്‌കൂളിലെ അധ്യാപകരും ജീവനക്കാരും കുടുംബാംഗങ്ങളും സഞ്ചരിച്ചിരുന്ന ടൂറിസ്റ്റ് വാന്‍ അപകടത്തില്‍പ്പെട്ട് ഒന്‍പത് പേര്‍ മരിച്ച സംഭവം കേരളത്തെയാകെ നടുക്കി. 

അതിരപ്പിള്ളി, മലക്കപ്പാറ വഴി വാല്‍പ്പാറ സന്ദര്‍ശിച്ച് മടങ്ങുകയായിരുന്നു സംഘം. വെള്ളിയാഴ്ച വൈകിട്ട് 5.30-നാണ് നാടിനെ നടുക്കിയ ദുരന്തമുണ്ടായത്. വാല്‍പാറ സന്ദര്‍ശനം കഴിഞ്ഞ് പൊള്ളാച്ചി വഴി നാട്ടിലേക്ക് മടങ്ങുന്നതിനിടെ ചുരം റോഡിലെ 13-ാം ഹെയര്‍പിന്‍ വളവില്‍ വച്ച് വാന്‍ നിയന്ത്രണം വിട്ട് താഴ്ചയിലേക്ക് മറിയുകയായിരുന്നു. ഏകദേശം 500-800 അടി താഴ്ചയിലേക്ക് മറിഞ്ഞ വാന്‍ 9-ാം വളവിനടുത്താണ് ചെന്നുനിന്നത്.

അപകടത്തില്‍ ഒന്‍പത് പേരാണ് മരിച്ചത്. ഇതില്‍ പ്രധാനാധ്യാപികയും അഞ്ച് അധ്യാപകരും ഉള്‍പ്പെടുന്നു. 

വിനോദയാത്ര ദുരന്തത്തില്‍ കലാശിക്കുന്നതിനു മുന്‍പ് എടുത്ത ചിത്രം

മരിച്ചവര്‍:

• അജിത (54): പ്രധാനാധ്യാപിക, പാലൂര്‍ സ്വദേശി.
• റംല (52): അധ്യാപിക, പാങ്ങ് സ്വദേശി.
• സുഹറ (43): അധ്യാപിക, പാങ്ങ് സ്വദേശി.
• ആശ (41): അധ്യാപിക, കൊളത്തൂര്‍ സ്വദേശി.
• മജീദ് (43): അധ്യാപകന്‍, പാങ്ങ് സ്വദേശി.
• റുഖിയ (39): മജീദിന്റെ ഭാര്യ.
• ഷക്കീന (37): ജി.യു.പി സ്‌കൂള്‍ അധ്യാപിക.
• സാജിത (45): സ്‌കൂള്‍ പാചകത്തൊഴിലാളി.
• ഹിഷാം (12): സുഹറയുടെ മകന്‍ (ആശുപത്രിയില്‍ വച്ചാണ് മരിച്ചത്).

തകര്‍ന്ന വാഹനത്തിനുള്ളില്‍ നിന്ന് ഉയര്‍ന്ന നിലവിളി കേട്ടെത്തിയ മറ്റ് യാത്രക്കാരും പ്രദേശവാസികളുമാണ് ദുഷ്‌കരമായ പാതയില്‍ ആദ്യഘട്ട രക്ഷാപ്രവര്‍ത്തനം നടത്തിയത്. പിന്നീട് എത്തിയ വാല്‍പാറ പൊലീസും അഗ്‌നിരക്ഷാസേനയും തമിഴ്നാട് വനംവകുപ്പും നാട്ടുകാരും ചേര്‍ന്നാണ് ദുര്‍ഘടമായ താഴ്ചയില്‍ നിന്നു പരിക്കേറ്റവരെയും മൃതദേഹങ്ങളെയും പുറത്തെടുത്തത്.

പരിക്കേറ്റവര്‍:

ഡ്രൈവര്‍ ഉള്‍പ്പെടെ നാല് പേര്‍ക്ക് പരിക്കേറ്റു. ഇവരെ കോയമ്പത്തൂര്‍ മെഡിക്കല്‍ കോളേജ് ആശുപത്രിയിലും പൊള്ളാച്ചി സര്‍ക്കാര്‍ ആശുപത്രിയിലുമായി പ്രവേശിപ്പിച്ചിരിക്കുകയാണ്.

നൗഷാദ് (39), ഷഹദീന്‍ (11), മസ്‌നീന്‍ (10), മുഹമ്മദ് ഫാസിത് (21) ഡ്രൈവര്‍ എന്നിവര്‍ക്കാണ് പരിക്കേറ്റത്. 

അപകടത്തില്‍ നിന്ന് അത്ഭുതകരമായി രക്ഷപ്പെട്ട 10 വയസ്സുകാരി മസ്നീനെ വിദഗ്ധ ചികിത്സയ്ക്കായി പെരിന്തല്‍മണ്ണയിലെ സ്വകാര്യ ആശുപത്രിയിലേക്ക് മാറ്റി. വാന്‍ ഡ്രൈവര്‍ മുഹമ്മദ് ഫാഹിസ് ഉള്‍പ്പെടെയുള്ള മറ്റ് മൂന്നുപേര്‍ കോയമ്പത്തൂര്‍ മെഡിക്കല്‍ കോളേജ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്.

പാങ്ങ് അമ്പലപ്പറമ്പ് ഹയര്‍സെക്കന്‍ഡറി സ്‌കൂളില്‍ പൊതുദര്‍ശനത്തിന് വയ്ക്കും. മതപരമായ ചടങ്ങുകള്‍ക്ക് ശേഷം വിവിധ കുടുംബ ഖബറിസ്ഥാനുകളിലും പൊതുശ്മശാനങ്ങളിലുമായി മൃതദേഹങ്ങള്‍ സംസ്‌കരിക്കും.

പ്രധാനമന്ത്രി നരേന്ദ്ര മോദിയും മുഖ്യമന്ത്രി പിണറായി വിജയനും അപകടത്തില്‍ ദുഃഖം രേഖപ്പെടുത്തി. 

പരിക്കേറ്റവര്‍ക്ക് ആവശ്യമായ എല്ലാ ചികിത്സാ സൗകര്യങ്ങളും സഹായങ്ങളും ലഭ്യമാക്കാന്‍ മുഖ്യമന്ത്രി ജില്ലാ ഭരണകൂടത്തിന് നിര്‍ദ്ദേശം നല്‍കി. വിദ്യാഭ്യാസ മന്ത്രിയുള്‍പ്പെടെയുള്ള പ്രമുഖര്‍ നാടിന്റെ ദുഃഖത്തില്‍ പങ്കുചേര്‍ന്നു.

ഒരേ സ്‌കൂളിലെ അധ്യാപകരും ജീവനക്കാരും ഒന്നിച്ച് വിടവാങ്ങിയത് പാങ്ങ് ഗ്രാമത്തെ തീരാദുഃഖത്തിലാഴ്ത്തിയിരിക്കുകയാണ്.

Summary: A tourist van carrying teachers, staff, and family members from the Pang-Ambalaparambu Government L.P. School in Malappuram district met with a fatal accident. The incident occurred on Friday (April 17) between 5:15 PM and 5:30 PM. While returning home via Pollachi after visiting Valparai, the van lost control at the 13th hairpin bend and plummeted into a deep gorge. The vehicle fell approximately 500–800 feet down, coming to a rest near the 9th hairpin bend.

Deceased (9 Persons):

Nine people lost their lives in the accident, including the Headmistress and five teachers:

Ajitha (54): Headmistress, native of Paloor.

Ramla (52): Teacher, native of Pang.

Suhara (43): Teacher, native of Pang.

Asha (41): Teacher, native of Kolathur.

Majeed (43): Teacher, native of Pang.

Rukhiya (39): Majeed’s wife.

Shakeena (37): G.U.P School teacher.

Sajitha (45): School cook.

Hisham (12): Suhara’s son (passed away at the hospital).

Injured:

Four people, including the driver, sustained injuries. They have been admitted to Coimbatore Medical College Hospital and Pollachi Government Hospital.

Noushad (39)

Shahadeen (11)

Masneen (10)

Mohammed Fasith (21) - Driver.