വയനാട് ടൗൺഷിപ്പിലെ വീടുകളിൽ വിള്ളൽ: പരിശോധന നടത്തി ഊരാളുങ്കൽ അധികൃതർ; ആശങ്കപ്പെടേണ്ടെന്ന് വിശദീകരണം

കൽപ്പറ്റ: വയനാട് ഉരുൾപൊട്ടൽ ദുരന്തബാധിതർക്കായി കൽപ്പറ്റ എൽസ്റ്റൺ എസ്റ്റേറ്റിൽ നിർമ്മിക്കുന്ന സർക്കാർ ടൗൺഷിപ്പിലെ വീടുകളിൽ വിള്ളൽ കണ്ടെത്തി. ...

കൽപ്പറ്റ: വയനാട് ഉരുൾപൊട്ടൽ ദുരന്തബാധിതർക്കായി കൽപ്പറ്റ എൽസ്റ്റൺ എസ്റ്റേറ്റിൽ നിർമ്മിക്കുന്ന സർക്കാർ ടൗൺഷിപ്പിലെ വീടുകളിൽ വിള്ളൽ കണ്ടെത്തി. ആദ്യഘട്ടത്തിൽ നിർമ്മാണം പൂർത്തിയാക്കിയ രണ്ട് വീടുകളിലാണ് വിള്ളലുകൾ പ്രത്യക്ഷപ്പെട്ടത്. സംഭവത്തെത്തുടർന്ന് നിർമ്മാണ ചുമതലയുള്ള ഊരാളുങ്കൽ ലേബർ സൊസൈറ്റി അധികൃതർ സ്ഥലത്തെത്തി പരിശോധന നടത്തി.

വീട് വാസയോഗ്യമാക്കുന്നതിന് മുന്നോടിയായി നടത്തുന്ന വിവിധ പരിശോധനകൾക്കിടയിൽ ഇത്തരത്തിലുള്ള ചെറിയ വിള്ളലുകൾ സ്വാഭാവികമാണെന്നും അവ പരിഹരിക്കാവുന്നതാണെന്നും ഊരാളുങ്കൽ അധികൃതർ അറിയിച്ചു. താപനിലയിലെ വ്യതിയാനം മൂലമുണ്ടാകുന്ന ഇത്തരം പ്രശ്നങ്ങൾ ശാസ്ത്രീയമായി പരിഹരിക്കുമെന്നും ആശങ്കപ്പെടേണ്ട സാഹചര്യമില്ലെന്നും സൊസൈറ്റി വ്യക്തമാക്കി.

മാർച്ച് ഒന്നിന് മുഖ്യമന്ത്രി ടൗൺഷിപ്പിന്റെ ഉദ്ഘാടനം നിർവ്വഹിച്ചിരുന്നെങ്കിലും ഗുണഭോക്താക്കൾ താമസത്തിന് എത്തുന്നതിന് മുൻപേ വിള്ളലുകൾ കണ്ടത് പ്രദേശവാസികൾക്കിടയിൽ ചർച്ചയായിരുന്നു. വിള്ളലുകൾ പൂർണ്ണമായും അടച്ച് സുരക്ഷിതത്വം ഉറപ്പാക്കിയ ശേഷം മാത്രമേ വീടുകൾ കൈമാറൂ എന്ന് അധികൃതർ ഉറപ്പുനൽകി.

Key Words : Cracks, Wayanad Township Houses, Uralungal