നിരോധിത പുകയില കടത്ത്: എ ഷാനവാസിനെ സി പി എം തിരിച്ചെടുത്തു

ആലപ്പുഴ : നിരോധിത പുകയില കടത്തുമായി ബന്ധപ്പെട്ട്​ പാർട്ടി അംഗത്വത്തിൽ നിന്ന്​ പുറത്താക്കിയ ആലപ്പുഴ നഗരസഭ കൗൺസിലർ എ ഷാനവാസിനെ സി പി എം തിരിച്...

ആലപ്പുഴ : നിരോധിത പുകയില കടത്തുമായി ബന്ധപ്പെട്ട്​ പാർട്ടി അംഗത്വത്തിൽ നിന്ന്​ പുറത്താക്കിയ ആലപ്പുഴ നഗരസഭ കൗൺസിലർ എ ഷാനവാസിനെ സി പി എം തിരിച്ചെടുത്തു. സി പി എം സംസ്ഥാന സെക്രട്ടറിയേറ്റ്​ അംഗവും മന്ത്രിയുമായി സജി ചെറിയാന്‍റെ സാന്നിധ്യത്തിൽ കഴിഞ്ഞദിവസം ചേർന്ന ജില്ല സെക്രട്ടറിയേറ്റി​ന്‍റേതാണ്​ തീരുമാനം. 

തദ്ദേശ തെരഞ്ഞെടുപ്പിന് മുന്നോടിയായി കഴിഞ്ഞ ഡിസംബറിൽ ചേർന്ന ആശ്രമം ലോക്കൽ കമ്മിറ്റി,ആലപ്പുഴ ഏരിയ കമ്മിറ്റികളുടെ ശുപാർശയാണ്​ ജില്ല സെക്രട്ടറിയേറ്റ്​ അംഗീകരിച്ചത്​. 2023 ജനുവരിയിൽ കരുനാഗപ്പള്ളിയിൽ വാഹനപരിശോധനക്കി​ടെ ഒരു കോടിയുടെ നിരോധിത പുകയില ഉൽപന്നങ്ങൾ പിടികൂടിയ വാഹനങ്ങളിൽ ഒന്ന്​ സി പി എം നേതാവായിരുന്ന ഷാനവാസിന്‍റേതായിരുന്നു.

മറ്റൊരാൾ തന്റെ ലോറി വാടകക്ക്​ എടുത്ത രേഖകൾ ഹാജരാക്കി ഷാനവാസ് കേസിൽ നിന്ന് ഒഴിവായെങ്കിലും പാർട്ടിയിൽ ഇത് വലിയ ഒച്ചപ്പാടിനും വിവാദങ്ങൾക്കും ഇടയാക്കി. പാർട്ടിയെ അറിയിക്കാതെ ലോറി വാങ്ങിയതും ലഹരി കടത്തിൽ സംശയ നിഴലിലുള്ളയാൾക്ക് ലോറി വാടകക്ക്​ നൽകിയതും ചൂണ്ടിക്കാട്ടിയാണ് പാർട്ടി നടപടിയെടുത്തത്. ഷാനവാസിന് പിന്നീട് പോലീസ് ക്ലീൻചിറ്റ് നൽകി.

Key Words : CPM, A Shanavas