പൊന്നാനിയിൽ സക്കീർ എൽ.ഡി.എഫ് സ്ഥാനാർത്ഥി; വഖഫ് ബോർഡ് ചെയർമാൻ സ്ഥാനം രാജിവെച്ചു

മലപ്പുറം: വരാനിരിക്കുന്ന തിരഞ്ഞെടുപ്പിൽ പൊന്നാനി മണ്ഡലത്തിലെ എൽ.ഡി.എഫ് സ്ഥാനാർത്ഥിയായി മത്സരിക്കുന്നതിനായി എം.കെ. സക്കീർ വഖഫ് ബോർഡ് ചെയർമാൻ ...

മലപ്പുറം: വരാനിരിക്കുന്ന തിരഞ്ഞെടുപ്പിൽ പൊന്നാനി മണ്ഡലത്തിലെ എൽ.ഡി.എഫ് സ്ഥാനാർത്ഥിയായി മത്സരിക്കുന്നതിനായി എം.കെ. സക്കീർ വഖഫ് ബോർഡ് ചെയർമാൻ സ്ഥാനം രാജിവെച്ചു. സക്കീറിന് പകരം മുസ്ലിം ലീഗിൽ നിന്നും സി.പി.എമ്മിലെത്തിയ കെ.എസ്. ഹംസ പുതിയ വഖഫ് ബോർഡ് ചെയർമാനാകും.

സക്കീറിനെ സ്ഥാനാർത്ഥിയാക്കുന്നതിനെതിരെ പൊന്നാനി മണ്ഡലം കമ്മിറ്റിയിൽ കടുത്ത എതിർപ്പ് ഉയർന്നിരുന്നു. സ്ഥാനാർത്ഥി നിർണ്ണയം റിപ്പോർട്ട് ചെയ്യാൻ ചേർന്ന യോഗത്തിൽ പ്രാദേശിക നേതാക്കൾ വിമർശനമുന്നയിച്ചെങ്കിലും, സംസ്ഥാന നേതൃത്വം സക്കീറിന്റെ പേരുമായി മുന്നോട്ട് പോവുകയായിരുന്നു.

വിവിധ ഘടകങ്ങൾ പരിശോധിച്ചാണ് സക്കീറിനെ തിരഞ്ഞെടുത്തതെന്നും ഇക്കാര്യത്തിൽ ഇനി ഒരു പുനരാലോചന ഇല്ലെന്നും സി.പി.എം സംസ്ഥാന കമ്മിറ്റി വ്യക്തമാക്കി. പാർട്ടി തീരുമാനത്തിന് പിന്നാലെയാണ് അദ്ദേഹം ഔദ്യോഗിക പദവികൾ ഒഴിഞ്ഞത്.

Key Words : M.K. Sakkeer , Waqf Board Chairman Resignation, Ponnani LDF Candidate, CPM State Committee, Kerala Election News