ഇറാന്‍ യുദ്ധം : ട്രംപിന് കടിഞ്ഞാണിടാനുള്ള പ്രമേയം യു എസ് സെനറ്റ് തള്ളി, പ്രതിനിധി സഭയും പ്രമേയം അംഗീകരിക്കാന്‍ സാദ്ധ്യതയില്ല

വാഷിംഗ്ടണ്‍ : അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇറാനില്‍ നടത്തുന്ന സൈനിക നീക്കങ്ങള്‍ അവസാനിപ്പിക്കാന്‍ ലക്ഷ്യമിട്ട് ഡെമോക്രാറ്റുകള്‍ ക...

വാഷിംഗ്ടണ്‍ : അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇറാനില്‍ നടത്തുന്ന സൈനിക നീക്കങ്ങള്‍ അവസാനിപ്പിക്കാന്‍ ലക്ഷ്യമിട്ട് ഡെമോക്രാറ്റുകള്‍ കൊണ്ടുവന്ന പ്രമേയം യുഎസ് സെനറ്റ് തള്ളി. 2026 മാര്‍ച്ച് 4-ന് നടന്ന വോട്ടെടുപ്പില്‍ റിപ്പബ്ലിക്കന്‍ പാര്‍ട്ടിക്ക് ഭൂരിപക്ഷമുള്ള സെനറ്റില്‍ 47-നെതിരെ 53 വോട്ടുകള്‍ക്കാണ് പ്രമേയം പരാജയപ്പെട്ടത്.

സെനറ്റര്‍മാരായ ടിം കെയ്ന്‍ (ഡെമോക്രാറ്റ്), റാന്‍ഡ് പോള്‍ (റിപ്പബ്ലിക്കന്‍) എന്നിവര്‍ ചേര്‍ന്നാണ് ഈ 'വാര്‍ പവേഴ്സ് റെസല്യൂഷന്‍' അവതരിപ്പിച്ചത്. കോണ്‍ഗ്രസിന്റെ അനുമതിയില്ലാതെ ഇറാനെതിരെ ട്രംപ് നടത്തുന്ന വ്യോമ-നാവിക ആക്രമണങ്ങള്‍ നിര്‍ത്തലാക്കണമെന്നും, ഭാവിയില്‍ സൈനിക നീക്കങ്ങള്‍ നടത്തണമെങ്കില്‍ കോണ്‍ഗ്രസിന്റെ പ്രത്യേക അനുമതി തേടണമെന്നുമായിരുന്നു ഇതിലെ പ്രധാന ആവശ്യം.

47 ഡെമോക്രാറ്റ് അംഗങ്ങള്‍ അനുകൂലിച്ചു. റിപ്പബ്ലിക്കന്‍ സെനറ്ററായ റാന്‍ഡ് പോളും അനുകൂലിച്ചു. എന്നാല്‍, 53 റിപ്പബ്ലിക്കന്‍ അംഗങ്ങളും ഡെമോക്രാറ്റിക് സെനറ്ററായ ജോണ്‍ ഫെറ്റര്‍മാനും പ്രമേയത്തെ എതിര്‍ത്തു.

റിപ്പബ്ലിക്കന്‍ പാര്‍ട്ടിയിലെ ഭൂരിഭാഗം അംഗങ്ങളും ട്രംപിന്റെ നടപടികളെ പിന്തുണച്ചതോടെ പ്രമേയം പരാജയപ്പെടുകയായിരുന്നു. ഇറാന്‍ ഒരു വലിയ ഭീഷണിയാണെന്നും, സൈന്യത്തിന്റെ കമാന്‍ഡര്‍-ഇന്‍-ചീഫ് എന്ന നിലയില്‍ ആക്രമണം നടത്താന്‍ പ്രസിഡന്റിന് അധികാരമുണ്ടെന്നും 

റിപ്പബ്ലിക്കന്‍ അംഗങ്ങള്‍ വാദിച്ചു. യുദ്ധത്തിനിടയില്‍ പ്രസിഡന്റിന്റെ അധികാരം വെട്ടിക്കുറയ്ക്കുന്നത് അപകടകരമാണെന്ന് സ്പീക്കര്‍ മൈക്ക് ജോണ്‍സണ്‍ പറഞ്ഞു.

ഏതാനും ദിവസങ്ങളായി ഇറാനില്‍ അമേരിക്ക നടത്തുന്ന ആക്രമണങ്ങള്‍ വലിയ പ്രത്യാഘാതങ്ങള്‍ ഉണ്ടാക്കിയിട്ടുണ്ട്. ഇറാന്‍ പരമോന്നത നേതാവ് അയത്തുള്ള അലി ഖമേനി ഉള്‍പ്പെടെയുള്ള പ്രമുഖ നേതാക്കള്‍ ആക്രമണത്തില്‍ കൊല്ലപ്പെട്ടു. ഇറാന്‍ നടത്തിയ തിരിച്ചടിയില്‍ കുവൈറ്റിലെ യുഎസ് ബേസില്‍ അമേരിക്കന്‍ സൈനികര്‍ കൊല്ലപ്പെട്ടു.

ഈ സാഹചര്യത്തിലാണ് ട്രംപിനെ തടയാന്‍ ഡെമോക്രാറ്റുകള്‍ നീക്കം നടത്തിയത്. നീക്കംസെനറ്റില്‍ പരാജയപ്പെട്ടെങ്കിലും, സമാനമായ ഒരു പ്രമേയം വ്യാഴാഴ്ച (മാര്‍ച്ച് 5) യുഎസ് പ്രതിനിധി സഭയില്‍ വോട്ടെടുപ്പിന് വരുന്നുണ്ട്. അവിടെയും റിപ്പബ്ലിക്കന്‍മാര്‍ക്ക് ഭൂരിപക്ഷമുള്ളതിനാല്‍ പ്രമേയം പാസാകാന്‍ സാധ്യത കുറവാണ്. ഇനി പ്രമേയം പാസായാല്‍ പോലും പ്രസിഡന്റ് ട്രംപിന് അത് വീറ്റോ ചെയ്യാനുള്ള അധികാരമുണ്ട്.

Summary: The US Senate has rejected a resolution aimed at forcing President Donald Trump to end military strikes against Iran. In the vote held on March 4, 2026, the Republican-led Senate defeated the resolution with a vote of 53 to 47.

Introduced by Senators Tim Kaine (Democrat) and Rand Paul (Republican), this 'War Powers Resolution' sought to stop President Trump's air and naval strikes against Iran conducted without Congressional approval. It demanded that the President seek explicit authorization from Congress for any future military actions.

In Favor: 47 (Almost all Democrats and Republican Senator Rand Paul).

Against: 53 (Almost all Republicans and Democratic Senator John Fetterman).

Since the Republican party holds the majority, the resolution failed to pass.