ഇറാനെതിരായ ആക്രമണങ്ങൾക്ക് അഞ്ച് ദിവസത്തെ ഇടവേള പ്രഖ്യാപിച്ച് ട്രംപ്; സമാധാന ചർച്ചകൾക്ക് വഴിതുറക്കുന്നു

വാഷിംഗ്ടൺ: ഇറാനെതിരായ സൈനിക നടപടികളിൽ അഞ്ച് ദിവസത്തെ താൽക്കാലിക ഇടവേള പ്രഖ്യാപിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ്. തന്റെ സോഷ്യൽ മീഡിയ ...

വാഷിംഗ്ടൺ: ഇറാനെതിരായ സൈനിക നടപടികളിൽ അഞ്ച് ദിവസത്തെ താൽക്കാലിക ഇടവേള പ്രഖ്യാപിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ്. തന്റെ സോഷ്യൽ മീഡിയ പ്ലാറ്റ്‌ഫോമായ 'ട്രൂത്ത് സോഷ്യലിലൂടെയാണ്' (Truth Social) ട്രംപ് ഇക്കാര്യം അറിയിച്ചത്. ഇറാനുമായി കഴിഞ്ഞ രണ്ടുദിവസമായി നടന്നു വരുന്ന ചർച്ചകൾ സമാധാനപരവും ഫലപ്രദവുമാണെന്ന് അദ്ദേഹം വ്യക്തമാക്കി.

ഇറാന്റെ ഊർജ്ജ നിലയങ്ങൾക്കും അടിസ്ഥാന സൗകര്യങ്ങൾക്കും നേരെയുള്ള ആക്രമണങ്ങൾ അഞ്ച് ദിവസത്തേക്ക് നിർത്തിവെക്കാൻ പ്രതിരോധ വകുപ്പിനോട് ട്രംപ് നിർദ്ദേശിച്ചു. പശ്ചിമേഷ്യയിലെ സംഘർഷങ്ങൾക്ക് ശാശ്വതമായ പരിഹാരം കാണുകയാണ് ഈ ചർച്ചകളുടെ ലക്ഷ്യമെന്ന് അദ്ദേഹം കുറിച്ചു. ഹോർമുസ് കടലിടുക്കിലെ (Strait of Hormuz) തടസ്സങ്ങൾ നീക്കുന്നതുമായി ബന്ധപ്പെട്ട ചർച്ചകളുടെ പുരോഗതി അനുസരിച്ചായിരിക്കും തുടർനടപടികളെന്നും ട്രംപ് കൂട്ടിച്ചേർത്തു.

അമേരിക്കയുടെ ഈ അപ്രതീക്ഷിത പ്രഖ്യാപനം ആഗോള വിപണിയിൽ എണ്ണവില കുറയാൻ കാരണമായിട്ടുണ്ട്. എന്നാൽ യുഎസുമായി നേരിട്ട് ചർച്ചകൾ നടത്തുന്ന കാര്യം ഇറാൻ ഔദ്യോഗികമായി സ്ഥിരീകരിച്ചിട്ടില്ല.

Key Words : Iran War, Donald Trump