ഖമേനിയുടെ പിന്‍ഗാമിയെ നിശ്ചയിക്കുന്നതില്‍ മത നേതാക്കള്‍ ധാരണയിലെത്തിയെന്നു റിപ്പോര്‍ട്ടുകള്‍

Reports: Religious Leaders Reach Consensus on Appointing Khamenei's Successor

ദുബായ് : അയത്തൊള്ള അലി ഖമേനിയുടെ വധത്തെത്തുടര്‍ന്ന്, ഇറാന്റെ അടുത്ത പരമോന്നത നേതാവിനെ തിരഞ്ഞെടുക്കുന്ന പുരോഹിത സമിതി ഭൂരിപക്ഷ തീരുമാനത്തില്‍ എത്തിയതായി അസംബ്ലി ഒഫ് എക്‌സ്‌പെര്‍ട്‌സ് (വിദഗ്ധ സമിതി) അംഗം അയത്തൊള്ള മുഹമ്മദ് മെഹ്ദി മിര്‍ബഗേരി പറഞ്ഞു.

ഈ പ്രക്രിയയുമായി ബന്ധപ്പെട്ട 'ചില തടസ്സങ്ങള്‍' കൂടി പരിഹരിക്കാനുണ്ടെന്ന് അദ്ദേഹത്തെ ഉദ്ധരിച്ച് ഇറാന്റെ മെഹര്‍ വാര്‍ത്താ ഏജന്‍സി ഞായറാഴ്ച റിപ്പോര്‍ട്ട് ചെയ്തു.

ഇറാന്‍ ഭരണഘടനയനുസരിച്ച്, രാജ്യത്തിന്റെ പരമോന്നത നേതാവിനെ തിരഞ്ഞെടുക്കാന്‍ അധികാരമുള്ളത് 88 അംഗ

വിദഗ്ധ സമിതിക്കാണ്.

37 വര്‍ഷം ഇറാന്‍ ഭരിച്ച ഖമേനി, മിഡില്‍ ഈസ്റ്റിലാകെ പടര്‍ന്ന യുദ്ധത്തിന്റെ തുടക്കത്തില്‍, ഫെബ്രുവരി 28-ന് ടെഹ്റാനില്‍ നടന്ന യുഎസ്-ഇസ്രായേല്‍ ആക്രമണത്തിലാണ് കൊല്ലപ്പെട്ടത്.

ഇതേസമയം, ഖമേനിയുടെ പിന്‍ഗാമിയെ നിയമിക്കാന്‍ ശ്രമിക്കുന്ന വിദഗ്ധ സമിതിയിലെ ഓരോ വ്യക്തിയെയും വേട്ടയാടുമെന്ന് ഇസ്രായേല്‍ സൈന്യം മുന്നറിയിപ്പ് നല്‍കി.

'പിന്‍ഗാമിയെ തിരഞ്ഞെടുക്കാനുള്ള യോഗത്തില്‍ പങ്കെടുക്കാന്‍ ഉദ്ദേശിക്കുന്ന എല്ലാവര്‍ക്കും ഞങ്ങള്‍ മുന്നറിയിപ്പ് നല്‍കുന്നു, നിങ്ങളെയും ലക്ഷ്യമിടാന്‍ ഞങ്ങള്‍ മടിക്കില്ല. ഇതൊരു മുന്നറിയിപ്പാണ്!' ഇസ്രായേല്‍ സൈന്യം ഞായറാഴ്ച പേര്‍ഷ്യന്‍ ഭാഷയില്‍ എക്‌സിലൂടെ അറിയിച്ചു.

നേതൃത്വത്തെ നിശ്ചയിക്കാനുള്ള 'വലിയ ശ്രമങ്ങള്‍' നടന്നതായും 'നിര്‍ണ്ണായകവും ഏകകണ്ഠവുമായ അഭിപ്രായത്തില്‍' എത്തിച്ചേര്‍ന്നതായും ഫാര്‍സ് വാര്‍ത്താ ഏജന്‍സി ടെലിഗ്രാമില്‍ പങ്കുവച്ച വീഡിയോയില്‍ മിര്‍ബഗേരി പറഞ്ഞു.

മറ്റൊരു ഫാര്‍സ് അഭിമുഖത്തില്‍, സമിതിയിലെ മറ്റൊരു അംഗമായ ഹൊജ്ജത്തുല്‍ ഇസ്ലാം ജാഫരി, 'എല്ലാ ഇറാനിയന്‍ ജനതയും എത്രയും വേഗം സംതൃപ്തരാകുമെന്ന്' താന്‍ പ്രതീക്ഷിക്കുന്നതായി പറഞ്ഞു.

'മൂന്നാമത്തെ നേതാവിനെ തിരഞ്ഞെടുക്കുന്നതിലെ കാലതാമസം എല്ലാവര്‍ക്കും കയ്‌പ്പേറിയതും അപ്രതീക്ഷിതവുമാണ്. ഇതിന് മറ്റ് ബദലുകളില്ല, അതിനാല്‍ ഈ പ്രയാസകരമായ സമയത്ത് നമ്മുടെ പ്രതിനിധികളെക്കുറിച്ച് തെറ്റായ ചിന്തകള്‍ ഉണ്ടാകരുത്,' അദ്ദേഹം പറഞ്ഞു.

ഇറാനിയന്‍ മാധ്യമ റിപ്പോര്‍ട്ടുകള്‍ പ്രകാരം, അന്തിമ തീരുമാനം നേരിട്ടുള്ള കൂടിക്കാഴ്ചയിലൂടെ വേണോ അതോ അത്തരം ഔദ്യോഗിക ചടങ്ങുകള്‍ ഒഴിവാക്കി പുറപ്പെടുവിക്കണോ എന്ന കാര്യത്തില്‍ പണ്ഡിതന്മാര്‍ക്കിടയില്‍ ചെറിയ അഭിപ്രായവ്യത്യാസമുണ്ടായിരുന്നു.

നിലവിലെ സാഹചര്യത്തില്‍ വിദഗ്ധ സമിതിക്ക് നേരിട്ടുള്ള യോഗം ചേര്‍ന്ന് അന്തിമ വോട്ട് രേഖപ്പെടുത്തുക എന്നത് അസാധ്യമാണെന്ന് മറ്റൊരു അംഗമായ അയത്തൊള്ള മോഹ്സെന്‍ ഹൈദരി അലേകാസിര്‍ പറഞ്ഞു.

ഇറാന്റെ പരമോന്നത നേതാവ് ശത്രുവിനാല്‍ പ്രശംസിക്കപ്പെടുന്നതിന് പകരം 'ശത്രുവിനാല്‍ വെറുക്കപ്പെടുന്നവനായിരിക്കണം' എന്ന ഖമേനിയുടെ ഉപദേശത്തിന്റെ അടിസ്ഥാനത്തിലാണ് സ്ഥാനാര്‍ത്ഥിയെ തിരഞ്ഞെടുത്തതെന്ന് അദ്ദേഹം പറഞ്ഞു.

'വലിയ സാത്താന്‍ (അമേരിക്ക) പോലും അദ്ദേഹത്തിന്റെ പേര് പരാമര്‍ശിച്ചിട്ടുണ്ട്,' തിരഞ്ഞെടുക്കപ്പെട്ട പിന്‍ഗാമിയെക്കുറിച്ച് ഹൈദരി അലേകാസിര്‍ പറഞ്ഞു. അന്തരിച്ച പരമോന്നത നേതാവിന്റെ മകന്‍ മോജ് തബ ഹുസൈനി ഖമേനി തനിക്ക് 'അസ്വീകാര്യനായ' സ്ഥാനാര്‍ത്ഥിയാണെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് പറഞ്ഞതിന് പിന്നാലെയാണിത്.

Summary: Following the assassination of Ayatollah Ali Khamenei, Ayatollah Mohammad Mehdi Mirbagheri, a member of the Assembly of Experts, stated that the clerical body responsible for selecting Iran's next Supreme Leader has reached a majority decision.

According to a report by Iran’s Mehr News Agency on Sunday, Mirbagheri noted that there are still "certain obstacles" related to the process that need to be resolved. Under the Iranian constitution, the 88-member Assembly of Experts holds the sole authority to elect the country's Supreme Leader.

Khamenei, who ruled Iran for 37 years, was killed in a US-Israeli attack in Tehran on February 28, amid the escalating conflict spreading across the Middle East.