ദുബായിലും അബുദാബിയിലും ദോഹയിലും സ്‌ഫോടനങ്ങള്‍; മേഖലയിലെ എല്ലാ സാമ്പത്തിക കേന്ദ്രങ്ങളും തകര്‍ക്കുമെന്ന് ഇറാന്‍

Powerful explosions were heard tonight in Dubai and Doha as Iran continues its drone and missile attacks against countries in the Middle East

എന്‍ പ്രഭാകരന്‍

ദുബായ് : മിഡില്‍ ഈസ്റ്റിലെ യുഎസ് സൈനിക സാന്നിധ്യമുള്ള രാജ്യങ്ങള്‍ക്ക് നേരെ ഇറാന്‍ ഡ്രോണ്‍, മിസൈല്‍ ആക്രമണങ്ങള്‍ തുടരുന്നതിനിടെ ദുബായിലും ദോഹയിലും ഇന്ന് രാത്രി ശക്തമായ സ്‌ഫോടനങ്ങള്‍ കേട്ടു. ഖത്തര്‍ തലസ്ഥാനമായ ദോഹയിലും യുഎഇയിലെ ദുബായിലും സ്‌ഫോടനശബ്ദങ്ങള്‍ മുഴങ്ങി. അബുദാബിയിലും സ്‌ഫോടനങ്ങള്‍ കേട്ടതായി താമസക്കാര്‍ വാര്‍ത്താ ഏജന്‍സിയായ എഎഫ്പിയോട് പറഞ്ഞു.

ശനിയാഴ്ച ആരംഭിച്ച യുഎസ്-ഇസ്രായേല്‍ ആക്രമണങ്ങളെത്തുടര്‍ന്ന് ഇറാന്‍ ഗള്‍ഫ് രാജ്യങ്ങള്‍ക്കും ഇസ്രായേലിനും നേരെ തിരിച്ചടി തുടങ്ങിയതോടെ പല രാജ്യങ്ങളും തങ്ങളുടെ വ്യോമപാത അടച്ചു.

ചൊവ്വാഴ്ച ടെഹ്റാനിലുടനീളം യുഎസും ഇസ്രായേലും ആക്രമണം നടത്തിയതിന് മണിക്കൂറുകള്‍ക്ക് ശേഷമാണ് ഇറാന്റെ തിരിച്ചടിയുണ്ടായത്. നാലാം ദിവസത്തിലേക്ക് കടന്ന യുദ്ധത്തില്‍ നിന്ന് രക്ഷപ്പെടാന്‍ ചര്‍ച്ചകള്‍ നടത്താനുള്ള സമയം അതിക്രമിച്ചുവെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് മുന്നറിയിപ്പ് നല്‍കി.

ഇറാന്റെ പ്രത്യാക്രമണത്തില്‍ ഗള്‍ഫിലെ എണ്ണ നിലയങ്ങള്‍ക്കും യുഎസ് എംബസികള്‍ക്കും നേരെ ഡ്രോണുകളും മിസൈലുകളും പതിച്ചു. ഇതിനിടെ, ടെഹ്റാന്റെ പിന്തുണയുള്ള ഹിസ്ബുള്ള യുദ്ധത്തില്‍ പങ്കുചേര്‍ന്നതോടെ ഇസ്രായേല്‍ സൈന്യം ലെബനന്റെ കൂടുതല്‍ ഉള്ളിലേക്ക് നീങ്ങി.

ഇറാന്‍ തലസ്ഥാനത്ത് ഇസ്രായേല്‍ സൈന്യം വന്‍തോതിലുള്ള വ്യോമാക്രമണം നടത്തി. നഗരമധ്യത്തിലെ സര്‍ക്കാര്‍ കെട്ടിടങ്ങള്‍ക്ക് മുകളില്‍ പുകപടലങ്ങള്‍ ഉയരുന്നതായും വിമാനത്താവളങ്ങളില്‍ ഒന്ന് ആക്രമിക്കപ്പെട്ടതായും റിപ്പോര്‍ട്ടുകളുണ്ട്.

'അവരുടെ വ്യോമ പ്രതിരോധം, വ്യോമസേന, നാവികസേന, നേതൃത്വം എന്നിവയെല്ലാം തകര്‍ന്നു. അവര്‍ ഇപ്പോള്‍ ചര്‍ച്ചയ്ക്ക് ആഗ്രഹിക്കുന്നു, പക്ഷേ സമയം വൈകിപ്പോയി,' എന്ന് ട്രംപ് സോഷ്യല്‍ മീഡിയയില്‍ കുറിച്ചു. ഇറാന്‍ പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ട് നാല് ദിവസത്തിന് ശേഷമാണ് ഈ പ്രസ്താവന. ചര്‍ച്ചകള്‍ക്കായി ഇറാന്‍ യുഎസിനെ സമീപിച്ചുവെന്ന വാര്‍ത്ത ഇറാന്‍ സ്ഥാനപതി നിഷേധിച്ചു.

ആക്രമണം തുടര്‍ന്നാല്‍ മേഖലയിലെ എല്ലാ സാമ്പത്തിക കേന്ദ്രങ്ങളെയും തകര്‍ക്കുമെന്ന് ഇറാന്റെ റെവല്യൂഷണറി ഗാര്‍ഡ് ജനറല്‍ ഇബ്രാഹിം ജബ്ബാരി മുന്നറിയിപ്പ് നല്‍കി.

'ഞങ്ങള്‍ ഹോര്‍മുസ് കടലിടുക്ക് അടച്ചു. നിലവില്‍ എണ്ണവില 80 ഡോളറിന് മുകളിലാണ്, ഇത് ഉടന്‍ 200 ഡോളറിലെത്തും,' അദ്ദേഹം പറഞ്ഞു. 2024 ജൂലൈയ്ക്ക് ശേഷം ആദ്യമായി ബ്രെന്റ് ക്രൂഡ് ഓയില്‍ വില 85 ഡോളറിന് മുകളിലെത്തി.

ഇസ്രായേല്‍ സൈന്യം ഇറാന്റെ ബാലിസ്റ്റിക് മിസൈല്‍ നിര്‍മ്മാണ കേന്ദ്രങ്ങളും വ്യവസായ കേന്ദ്രങ്ങളും ലക്ഷ്യമിട്ടാണ് നീങ്ങുന്നത്.

Summary: Powerful explosions were heard tonight in Dubai and Doha as Iran continues its drone and missile attacks against countries in the Middle East with a US military presence. Explosions resonated in the Qatari capital of Doha and Dubai in the UAE. Residents told the news agency AFP that explosions were also heard in Abu Dhabi.

Several countries have closed their airspace as Iran began retaliating against Gulf nations and Israel following US-Israeli attacks that commenced on Saturday.

The Iranian retaliation came hours after the US and Israel launched strikes across Tehran on Tuesday. US President Donald Trump warned that it is "too late" for talks to escape the war, which has now entered its fourth day.